Isaya 49:21 - Tshwa Bible

²¹ Zonake u taku mbilwini ya wena: Himani a nzi pswaleleko vana lava? Mina loyi nzi nga kala nzi nga hi na vana, nzi hi ngonwa, Nzi wa hi khumbi, nzi hi nyapepe; himani a va wundlileko? Nzi wa sele nzoce, vona lava va wa hi kwihi?

Isaya 49:21 Referans Kwoze

Va le Galatia 3:29

Loku nwina mu hi va ka Kristu mu pswalo wa Abrahama, mu zigatshomba hi kota va xitsumbiso. Gen. 21:10; Rom. 8:17; 9:7; Maheb. 11:18

Va le Roma 11:24

Lezi wena u nga tsemiwa lomu sinyeni leyi yi nga ya khwati hi mahanyela, u tlhomiwa lomu sinyeni yo saseka ya oliva na ku nga hi mahanyela; nguvunguvu lava va nga maravi ya zimilwa, va ta tlhomiwa lomu sinyeni yabye ya oliva.

Isaya 64:10

A miti ya wena yi basileko yi mahile xiwula, Zioni gi mahile xiwula, Jerusalema i rumbi.

Isaya 62:4

U nga ta ha wuliwa lezaku u Loyi a tsikilweko, Ge hambu tiko ga wena ku vitanwa lezaku Wa xiwunza; Kanilezi u ta vitanwa aku Xiranzwa, Ni tiko ga wena gi ta vitanwa aku Khosikazi; Hakuva Jehova wa xalaliswa ha wena, Ni tiko ga wena gi tava ni nuna.

Isaya 60:15

Hambu lezi u nga tsikilwe u vengiwa, Laha kaku a munhu a nga ku tsemakanyeli, Nzi ta ku maha uva wutshamu ga lisima kala kupinzuka, A xilo xa litsako ka zizukulwana zinyingi.

Isaya 52:2

Ti phuhunhe a tsutsungwani, vuka u tshama xitshanwini xa wena, o Jerusalema; Tlhatlha magota ma nga nhanwini ya wena, O khumbi, nhwana Zioni!

Isaya 5:13

Hikwalaho a vanhu va mina va ta yiswa kukhonweni hikuva va nga hi na kutiva; A vahombe vabye va hlokiswa hi ndlala, Ni zidlemo za vanhu zi womile hi tora.

Isaya 3:26

A tinyangwa ta Zioni ti tava hlomulweni ni kurileni; yena i tava loyi a phangilweko a tshama lahasi.

Isaya 1:8

Ku sele ntsena a nhanyana wa Zioni khwatsi xikupe le xivineni, khwatsi i xaxa le sinwini ga mariwa, khwatsi i muti wu vimbezelweko.

Luka 21:24

Va ta dawa hi wutlha ga supado, va yisiwa na va hi vakhonwi ka matiko wontihe; ni Jerusalema gi ta kanzihelwa hi vamatiko, ku kala ku mbhela a xikhati xa vamatiko. Dan. 9:27; 12:7; Rom. 11:25

Isaya 27:10

Hakuva a muti wu bhiyelweko wu mahile rumbi, Wuakelo gi tsikilweko, gi mahile xiwula; A marole ma gela kona, ma etlela kona, maga maravi ma seleko.

Isaya 29:23

Hakuva laha vana vakwe va ta nga wona mitiro ya mina xikari kabye, Va ta chava vito ga mina, va dumisa Loyi a Basileko wa ka Jakobe, Va ta chava Nungungulu wa ka Israeli.

Isaya 60:8

Mbamani lava va tako khwatsi i refu, Va ku khwatsi matuva ma purumako xihahlweni xa wona ke?