Isaya 48:11 - Tshwa Bible

¹¹ Hi kota ya mina wutsumbu nzi ta zi maha; Hakuva nzi nga vumelisa kuyini lezaku a vito ga mina gi nyenyeziswa? Nzi nga ta nyikela wudzunzo ga mina ka munwani.

Isaya 48:11 Referans Kwoze

Isaya 42:8

Nzi Jehova, hi gona vito ga mina lego; Nzi nga ta nyikela ka munwani a wukulu ga mina. Hambu ni wudzunzo ga mina ka zifananiso. Ekso. 6:3

Ezekieli 20:9

Kanilezi hi kota ya vito ga mina, nzi lo maha lezaku gi nga nyenyeziswi mahlweni ka matiko lawa va nga hi xikari ka wona, lawa nzi nga ti tivekisa mahlweni ka wona, hi ku va humesa tikweni ga le Gipite.

Ezekieli 20:14

Kanilezi hi kota ya vito ga mina, nzi lo maha lezaku gi nga nyenyeziswi mahlweni ka matiko lawa nzi va humesileko mahlweni ka wona. Mitse. 14:13; Deut. 9:28

Isaya 37:35

Hakuva nzi ta vikela muti lowu, nzi wu ponisela Wutsumbu ganga ni nanza ga mina Davida.

Ezekieli 20:22

Hambu zi hi tano, nzi lo tlhelisa a canja ga mina, hi kota ya vito ga mina nzi lo maha lezaku gi nga nyenyeziswi mahlweni ka matiko lawa nzi va humesileko mahlweni ka wona.

1 Samueli 12:22

Hakuva Jehova a nga ta tsika a vanhu vakwe, hi kota ya vito gakwe ga hombe, hakuva Jehova zi mu xalalisile a ku mu maha a vanhu vakwe.

Isaya 43:25

Hi mina ntsena nzi vinyako a zihambunyeto za wena hi kota ya mina wutsumbu, Ni zionho za wena nzi nga ta ha zi alakanya.

Jeremia 14:7

Hambu loku a zionho za hina zi hi ranisa, O Jehova, hi vune hi kota ya vito ga wena. Hakuva hi hluwukile kanyingi, hi ku onhela.

Ezekieli 20:44

Mu ta zi tiva lezaku hi mina Jehova, loku nzi mu mahele lezo hi kota ya vito ga mina, na ku nga hi ku kota ya mahanyela ya nwina yo biha, ni zimaho za nwina zo biha, nwina va yindlu ya ka Israeli, ku wula Hosi Jehova.

Ezekieli 20:39

Kasike a ka nwina va yindlu ya ka Israeli, Hosi Jehova i ngalo: Fambani nwentlhelele mu ya khozela zifananiso za nwina. Kanilezi anzhako ka lezo mu ta nzi ingisa, mu nga ha nyenyezisi a vito ga mina hi minyikelo ya nwina ni zifananiso za nwina.

Va le Roma 2:24

Ku tsalilwe ku ngalo: A vito ga Nungungulu ga rukatelwa xikari ka vamatiko hi kota ya nwina. 2 Sam. 12:14; Isa. 52:5

Johani 5:23

kasi vontlhe va fela kuva ni xichawo hi Nʼwana, kota lezi va nga ni xichawo hi Dadani. Loyi a nga hiko na xichawo hi Nʼwana, a nga chavi ni Dadani loyi a mu rumileko. 1 Joh. 2:23

Isaya 52:5

Makunu nzi ta maha yini, ku wula Jehova, lezi a vanhu va mina va khomilweko ahandle ka nanzu? lava va va fumelako vaba huwa, ku wula Jehova; a vito ga mina ga rukatelwa a siku ginwe ni ginwani. Mitse. 14:15; Rom. 2:24

Isaya 48:5

Nzi ku tlhatlhambutele kale, Nzi ku tivisile zona na zi nga se ku maheka, Aku kasi u nga wula, uku: Zi mahilwe hi xifananiso xa nungungulu wa mina, Zi vangilwe hi nungungulu wa mina a vatlilweko kutani a wumbilweko.

Tisimu 25:11

Jehova, hi kota ya vito ga wena Tsetselela kugoha ka mina, hakuva ka hombe.

Tisimu 106:8

Hambu zi hi tano, a va ponisa hi kota ya vito gakwe, Kasi ku tivekisa a wukulu ga ntamu wakwe.

Tisimu 115:1

U nga dzunzi hina, Jehova, u nga dzunzi hina, Kanilezi dzunza a vito ga wena, Hi kota ya wuxinji ga wena ni zinene za wena.

Isaya 48:9

Kanilezi hi kota ya vito ga mina nzi ta timisela, Hi kota ya wudumo ga mina nzi ta ti khoma, Lezaku nzi nga ku lovisi.

Danieli 9:17

Hikwalaho Nungungulu wa hina, zwana a mukombelo wa nanza ga wena, ni mikhongelo yakwe, u maha a nghohe ya wena yi woninga hehla ka wutshamu ga kubasa ga wena legi gi hahlulweko, hi kota ya Hosi.

Tisimu 25:7

U nga alakanyi a zionho za wuswa ga mina, Ni zihambunyeto za mina; Nzi alakanye hi wuxinji ga wena, Hi kota ya wunene ga wena, Jehova. Joba 13:26; Jer. 31:19

Ezekieli 36:22

Hikwalaho wula ka yindlu ya ka Israeli, uku: Hosi Jehova i ngalo: A nzi mahi lezi hi kota ya nwina va yindlu ya ka Israeli, kanilezi hi kota ya vito ga mina go basa, legi mu gi nyenyezisileko xikari ka matiko lawa mu yileko ka wona.