Isaya 45:7 - Tshwa Bible

⁷ Nzi mahile kuwonekela ni munyama; Nzi tsakisa munhu, nzi tlhela nzi rumela makhombo. Hi mina Jehova nzi mahako zontlhe lezo.

Isaya 45:7 Referans Kwoze

Amosi 3:6

Ku nga biwa mpunzu lomu mutini a vanhu va nga dzuki ke?. A muti wu nga welwa hi khombo na gi ngati hi le ka Jehova ke? Isa. 45:7; Jer. 11:11

Tisimu 75:7

Kanilezi loyi a lamulako hi Nungungulu; I tsongahata munwe, a kulisa munwani: 1 Sam. 2:6; Dan. 4:32; Lu. 1:52

Joba 2:10

Kanilezi yena aku ngalo kakwe: Wena u wulawulisa ku khwatsi hi munwe wa zipumbu za vavasati. Hi ta amukela ntsena leʼzo saseka hi canjeni ga Nungungulu, hi nga ha amukeli zo biha ke? A ka zontlhe lezo cima Joba a nga gohangi hi milomu yakwe.

Amosi 4:13

Hakuva, loyi a nga vanga zitsunga ni mheho, a tlhatlhambutela ka munhu lezi zi na nga maalakanyo yakwe, loyi a hunzulako mixo yi maha munyama, a fambako matshanwini ma tlakukileko ya misava, a vito gakwe hi Jehova, a Nungungulu wa tiyimpi.

Isaya 31:2

Kasike na yenawu i tlharihile, i ta neha kukarateka; A nga tlhelisi timhaka takwe, Kanilezi i ta vukela a yindlu ya vakubiha, Ni vavuni va lava va mahako kubiha. Isa. 45:7; Am. 3:6

Jeremia 31:35

Jehova loyi a nyikako a gambo a ku woningela ni mumu, Loyi a vekileko a hweti ni tinyeleti a kuva zi woninga wusiku, Loyi a vindlusako a bimhi kasi a mabyandlati ya gona ma dzinza-dzinza; Jehova wa tiyimpi hi vito gakwe; i ngalo;

Jeremia 13:16

Dumisani Jehova Nungungulu wa nwina, Hi mahlweni na a nga se ku humesa munyama, A mikonzo ya nwina na yi nga se ku khunguvanyeka zitsungeni zo phuma; Na ma ha langutela kuwonekela i ta ku hunzula kuva nzhuti wa kufa, Ni munyama wu hunzeleleko ku phuma.

Nahume 1:8

Kanilezi i ta lovisa a muti wa kona hi congo wu hlatako, a valala vakwe i ta va; hlongola vaya munyameni,

Jeremia 51:20

Wena u wa hi xizeze xa mina ni matlhari ya mina ya kulwa; Nzi lo panza matiko ha wena, Ha wena nzi lo lovisa mifumo.

Mitiro 4:28

kasi va maha lexi u nga xi yimisile hi kale hi canja ga wena ni khungo ga wena, a kuva xi maheka. Xip. 2:23

Amosi 5:6

Hlotani Jehova, mu ta hanya; kasi a nga weli a yindlu ya Josefa khwatsi i nzilo, na a nga hi kona le Beteli loyi a nga wu timako.

Ezekieli 32:8

Zontlhe a ziwoningo za tilo nzi ta zi pfhupelisa hi kota ya wena, Nzi vanga munyama hehla ka tiko ga wena, Ku wula Hosi Jehova.

Tisimu 29:11

Jehova i ta nyika ntamu ka vanhu vakwe; Jehova i ta katekisa tiko gakwe a gi nyika kurula.

Tisimu 8:3

Loku nzi cuwuka a matilo ya wena, a ntiro wa titiho ta wena, A hweti ni tinyeleti, lezi wena u zi vangileko;

Joba 34:29

Loku a va nyika kurula, himani a ta nga sola ke? Ni loku a fihla nghohe yakwe, himani a nga mu wonako? I fumela matiko ni vanhu hi ndlela yinwe,

Eksodusi 14:20

A tlhelo ginwe a mhinga ya refu yi lo maha ntima, kanilezi a ginwani tlhelo yi lo woninga ni wusiku; hikwalaho a yimpi yinwe yi wa nga zi koti ku tshinela ka yinwani gontlhe wusiku.

Juda 1:13

va hi mabyandlati ma gobhozako ya bimbi, lawa ma pupumako a khuvi ga tingana tabye; va hi tinyeleti ti nzulanzulako, leti ti vekelweko a munyama wo tshisa kala kupinzuka. Isa. 57:20; 2 Ped. 2:17

Juda 1:6

Ni tingelosi leti ti nga kala ku gonga a wuhosi ga tona, ti siya kaya ka tona, yena i ti hlayisile makhotsweni ya pinzukelwa ya munyama kala sikwini ga hombe ga kulamulwa. 2 Ped. 2:4; Kuv. 20:10

Jakobe 1:17

Zontlhe zinyikiwo zo saseka ni zinyikiwo zontlhe zi mbheleleko zita hi le hehla, zi relela hi ka Dadani wa kuwonekela, loyi a nga hiko na kuhunzuluka, a ka yena a ku na kuhunzuka-hunzuka kuva kuwonekela ni munyama. Mitse. 23:19; Mal. 3:6; Joh. 3:27

2 Va le Korinte 4:6

Hakuva Nungungulu loyi a ngaku ngalo: A kuwonekela ku ta woninga hi le munyameni, hi yena a nga woninga timbilwini ta hina, kasi ku woningela vanhu lezaku va tiva a kungangamela ka Nungungulu loku ku nga kona nghoheni ya Kristu. Gen. 1:3; Tis. 27:1; Isa. 2:5; Efe. 5:8, 14; 2 Ped. 1:19

Joeli 2:2

I siku ga munyama ni kuphuma, a siku ga marefu ni munyama wu phumileko, gata khwatsi wuronga gi wonekako xitsungeni. Vata a vanhu va tiko ga hombe ga ntamu, legi ni kale a ku na ngava kona go fanana nago, ge hairibu ni nzhako ka gona ku nga ta kuva kona go fanana nago, kala ka malembe ni malembe ya zizukulwana.

2 Tihosi 19:25

Xana a ku zi zwangi lezi nzi zi mahisileko zona kale loko ke? Nzi zi wulile masikwini ya kale nguvu, makunu nzi ta zi maha zi tatiseka, nzi ku nyikile ntamu ku khungumulela a miti ya makhokhola yi maha marumbi.

Tisimu 105:28

I lo rumela xinyama, ku phuma kontlhe, Cima a va kanetangi a gezu gakwe. Ekso. 10:22

Isaya 42:16

Nzi ta fambisa a zikhumu a ndleleni zi nga yi tiviko, Nzi zi rangela mipfutleni zi nga yi tiviko; Nzi ta hunzula munyama wu maha kuwonekela mahlweni kabye, Ni matlhelo ma byekeleko ma ta lulametwa. Lezi zilo nzi ta zi maha, nzi nga ta zi tsika.

Isaya 47:11

Hikwalaho a khombo gi ta ku wela, U nga ta ku tiva lomu gi ta ngata ha kona. U ta welwa hi mhango, u nga zi koti ku ti vikela; A kulova ku ta ku wela hi xitshuketi Na u nga tivi nchumu.

Jeremia 10:16

Loyi a nga xiavelo xa ka Jakobe a nga fanani na zona; Hakuva hi yena muvangi wa zilo zontlhe; Israeli lixaka la tshomba yakwe, Jehova wa tiyimpi hi vito gakwe. Deut. 4:19; 32:9

Mikosi 3:38

A makatekwa ni makhombo hi wumbiri ga wona A ma rumiwangi hi nomu wa Loyi a nga Hehlahehla ke?

Danieli 2:22

Wa dlunyatisa lezi zi etileko ni mifihlakalo; wa tiva leʼzi nga munyameni, ni kuwonekela ku zinwe naye. 1 Kor. 2:10

Joba 10:13

Hambu zi hi tano, u alakanyile mbilwini ya wena, Nza zi tiva lezaku lezi zilo zi kona nzeni ka wena,

Tisimu 74:16

A hlikanhi ngwa wena, ni wusiku kambe ga wena; U lo vanga kuwonekela ni gambo.

Isaya 44:24

Jehova, a mutiruli wa wena, Loyi a ku wumbileko rumbyini ga nyine wa wena, i ngalo: Nzi Jehova loyi a mahako zilo zontlhe, Nzi andlele a matilo ha nzoce Nzi andlala a misava ha nzoce. Joba 9:8; Jer. 32:17