Isaya 45:19 - Tshwa Bible

¹⁹ A nzi wulangi xihundleni, A wutshanwini ga munyama laha misaveni; A nzi byelangi a vana va ka Jakobe, nziku: Mu ta nzi hlotela mahala! Mina Jehova nzi wulawula zinene, Nzi tlhatlhambutela lezi zi lulamileko. Deut. 30:11; Joh. 18:20

Isaya 45:19 Referans Kwoze

Isaya 48:16

Tshinelani ka mina, muzwa lezi: Kusukela kusanguleni a nzi wulawulangi xihundleni; Laha a zilo lezi zi nga maheka nzi wa hi kona. Makunu Hosi Jehova i nzi rumile zinwe ni Moya wakwe. Joh. 8:25; 18:20

Amosi 5:4

Hakuva Jehova i ngalo ka yindlu ya ka Israeli: Nzi hloteni, mu ta hanya. Mav. 4:4

Johani 18:20

Jesu i lo mu hlamula, aku: Nzi kanele kubaseni lomu tikweni; nzi wa gonzisa masinagogeni, ni lomo tempeleni, laha va tsombanako kona a vaJuda vontlhe; a nzi kanetangi nchumu xihundleni. Mat. 26:55; Lu. 4:15; Xip. 7:14, 26

Mavingu 30:5

Tontlhe timhaka ta Nungungulu ti basisilwe; i yena xitlhangu xa vona lava va mu tsumbako.

Tisimu 9:10

A va ku tsumbe lava va tivako a vito ga wena; Hakuva wena Jehova a ku tsiki lava va ku lavako.

Jakobe 4:3

Nwina ma kombela, kanilezi a mu amukeliswi; hakuva mu kombela hi kubiha, kasi ma fela ku zi hangalasa kunaveleni ka nwina. Isa. 1:15; Jer. 11:11; Mika 3:4

Mavingu 15:8

A muphahlo wa va kubiha manyala ka Jehova; anilezi i tsakiswa hi mukombelo wa valulamileko.

Tisimu 69:32

A vakurula va ta zi wona va tsaka; Nwina lava mu hlotako Nungungulu, a timbilu ta nwina a ti hanye!

Isaya 8:19

Loku vaku ka nwina: Wutisani lava va humesako mimoya ya vafileko, ni vavumbi lava va hlevako ni ku nʼununʼuta, hlamulani, muku: A vanhu a va faneli ku wutisa a Nungungulu wabye ke? ku nga wutisiwa a vafileko a timhaka ta laʼva hanyako ke? Deut. 18:11; 1 Sam. 28:11

Isaya 1:15

Loku mu tlakusela mandla ya nwina ka mina, nzi ta ti vala mahlo; ni loku mu anzisa mikombelo, nzi nga ta yi ingisela, hakuva a mandla ya nwina ma tele hi nkhata.

Tisimu 69:13

Kanilezi a mukombelo wa mina wu tlakukela ka wena, Jehova, Hi xikhati xi nene. Nungungulu, nzi hlamule hi wukulu ga wuxinji ga wena Hi lisine la kuhanyisa ka wena. Isa. 49:8; 2 Kor. 6:2

1 Kronekele 28:8

Hikwalaho mina nzi wulawula laha mahlweni ka vontlhe va ka Israeli, ni lowu tlhangano wa Jehova, ni lomu tindleveni ta Nungungulu wa nwina, nziku: Gongani, mu lavisisa milayo yontlhe ya Jehova Nungungulu wa nwina, kasi nwina ma fela ku fumela a tiko legi go saseka, legi mu ta nga gi siyela a vana va nwina a kuva tshomba ya vona kala kupinzuka.

Johani 7:28

Hikwalaho Jesu na a kari a gonzisa tempeleni, i lo vitana hi gezu ga hombe, aku: Hakunene mina ma nzi tiva, ni laha nzi tako ha kona ma ku tiva; kanilezi a nzi ti telangi hi wutsumbu ganga, ni loyi a nzi rumileko ngwa zinene, loyi nwina mu nga mu tiviko. Xip. 1:18; 5:32, 43; 8:42; Rom. 3:4

Johani 7:26

Mangabye, wa wulawula kubaseni, a ya wuli nchumu ka yena. Xana a vafumeli va zi tiva lezaku loyi hi yena Kristu ke?

Isaya 63:1

Himani loyi a tako hi le Edome, Na huma hi le Bozra, a ambeleko tinguwo to pswhuka to khazamula, A fambako hi wukulu ga ntamu wakwe? Hi mina loyi nzi wulawulako hi kululama, nzi nga ni ntamu wa ku hanyisa.

Isaya 45:23

Nzi hlambanyile hi wutsumbu ganga, A mhaka ya lisine yi humile nonwini wa mina, Leyi yi to kala yi nga tsanzeki: Lezaku a madzolo wontihe ma ta nzi khizamela, Ni tirimi tontlhe ti ta hlambanya ha mina.

Mavingu 1:21

Giba hungu matshanwini ya hombe ya gotsovanyano, omu tinyangweni ta muti gi tshawutela giku:

Tisimu 24:6

Xi tshamisa lezo a xizukulwana xa vona lava va mu lavako, Lava va hlotako nghohe ya wena, Nungungulu wa Jakobe. (Sela.) Rom. 9:6

Tisimu 12:6

A timhaka ta Jehova timhaka ti basileko, Ti khwatsi i siliva yi hlutilweko, Yi basisilweko ntlhanu ni mambiri makhati. 2 Sam. 22:31; Mav. 30:5

Ezra 8:22

Hakuva nzi wa hi ni tingana a ku kombela ka hosi a butho ga tinhenha ni vakhileli va mahaxi, kasi va hi vikela ka valala lomu ndleleni, hakuva nzi wa ngha nzi byelile a hosi, nziku: A canja ga Nungungulu wa hina ga va yimela vontlhe lava va mu lavako, kanilezi a ntamu wakwe ni zanga yakwe, zilwa ni vontlhe lava va mu fularelako.

2 Kronekele 15:2

i lo ya khinga Asa a yaku kakwe: Wena Asa, na nwina nwentlhe vaJuda, ni va ka Benjamini, nzi ingiseni! Jehova i zinwe na nwina, loku nwinawu mu hi naye; loku mu mu hlota mu ta mu kuma; kanilezi loku mu mu tsika, yenawu i ta mu tsika. Deut. 4:29; Jer. 29:13

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Deuteronome 29:29

A zilo lezi zi fihleleko za Jehova Nungungulu wa hina, kanilezi a zilo lezi zi wonekako za hina ni vanana va hina kala kupinzuka, kasi ha fela ku maha tontlhe timhaka ta lowu nayo. Tis. 147:19

Mavingu 8:6

Ingisani, hakuva nzi lava ku wulawula timhaka ta hombe; nomu wa mina wu ta wulawula zo lulama.

Tisimu 78:34

Laha yena a nga va hihirita, zonake va lo mu hlota, Va hunzuluka, va hlotisisa Nungungulu.

Isaya 43:12

Hi mina nzi zi wulileko, nzi hanyisa, nzi wuya nzi vumba; Ku wa nga hi na nungungulu munwani xikari ka nwina. Hikwalaho nwina ma nzi kustumunyela Lezaku nzi Nungungulu, ku wula Jehova.

Isaya 44:8

Mu nga chavi, ge hambu ku rurumela! A nzi ku byelangi kale, nzi zi tlhatlhambutela ke? Nwina mu vakustumunyu va mina. I kona munwani Nungungulu a handle ka mina ke? Ge, a gi kona ginwani ribye, a nzi gi tivi. Deut. 4:35; 1 Sam. 2:2; 1 Kor. 8:4

Isaya 45:25

A ka Jehova vontlhe a vana va ka Israeli va ta hlayelwa kululama, Va ti kulisa ha yena.

Isaya 65:9

Nzi ta humesa vana hi ka Jakobe, Ni xiga-tshomba xa zitsunga za mina hi ka Juda. A va hlawulilweko va mina va ta fumela tiko, Ni malanza ya mina ma ta aka kona.

Jeremia 2:31

Nwina va xizukulwana lexi, ingisani a mhaka ya Jehova! Xana nzi wa hi tiko ga xiwula a ka Israeli ke? Kutani kuva tiko ga munyama? Hikuyini a vanhu va mina vaku: Hi tlhatlhekile, Hi nga ta engeta hita ka wena.

2 Kronekele 7:14

loku a vanhu va mina lava va khongelako hi vito ga mina va ti sola, ni loku va khongela hi ku hlota a vito ga mina, va fularela a tindlela tabye to biha, mina nzi ta vazwa na nzi hi tilweni, nzi va tsetselela zionho zabye, nzi holisa a tiko gabye.