Isaya 45:14 - Tshwa Bible

¹⁴ Jehova e ngalo: A bhinzu ga Gipite ni wukwewu ga Etiopia Na Sabea, a vanhu vo zimuka, zi tata ka wena, zi lumba wena; Va ta ku lanza na va bohilwe mangenje; Va ta korama mahlweni ka wena, Va maha mikhongelo ka wena, vaku: Hakunene Nungungulu i ka wena wece, A ku na munwani Nungungulu.

Isaya 45:14 Referans Kwoze

Isaya 49:23

A tihosi ti tava vawundli va vana va wena, Ni vazinza va tava vaanwisi vabye; Va ta korama lahasi mahlweni ka wena, Va laza a ntshuri wa mikonzo ya wena. Wena u ta zi tiva lezaku nzi mina Jehova, Ni lezaku lava va nzi lavelelako va nga ta wiswa tingana.

1 Va le Korinte 14:25

A zigungu za mbilu yakwe za tsetsulwa, zonake i tawa hasi hi nghohe yakwe a khizamela Nungungulu aku: Hizinene Nungungulu i kona xikari ka nwina. Isa. 45:14; Zak. 8:23

Jeremia 16:19

O Jehova, ntamu wa mina ni khokhola ga mina, Ni wuponelo ga mina sikwini ga kuxaniseka, A matiko ma tata ka wena hi le magunweni ya misava, maku: A vadadani va gile tshomba ya mawunwa ntsena, A zifananiso za hava, zi nga vuniko nchumu. Isa. 2:2; Zak. 8:20

Kuvululelwa 3:9

Nzi ta ku nyika vanwani va sinagoga ga Satani, lava va hembako va ti wula ku ngalo vaJuda, na va nga hi vona; nzi ta va maha va ku khizamela mikonzweni ya wena, va ta zi tiva lezaku nzi ku ranzile. Isa. 49:23; 60:14

Joeli 3:8

Nzi ta xavisa a vafana va nwina ni vanhanyana va nwina mandleni ya vana va Juda, vonawu va va xavisa mandleni ya va le Xeba, va nga va tiko ga le kule; hakuva Jehova i wulile lezo.

Ezekieli 23:42

Ku lo zwala a guwa ga xidlemo xa vanhu va teku tinjha zinwe naye. Ku wa vitanilwe a vanhu va nyalidede va nga zidakwa za le xiwuleni. Va lo boha manayila mawokweni yabye ni zidlodlo zo saseka tihlokweni tabye.

Isaya 43:3

Hakuva mina nzi Jehova a Nungungulu wa wena, Loyi a Basileko wa ka Israeli, a muhanyisi wa wena. Nzi nyikile Gipite a kuva nzhiho wa wena, Na Etiopia na Seba wutshanwini ga wena.

Isaya 23:18

Kanilezi a bhinzu gakwe ni hakhelo yakwe zi ta basiselwa Jehova: zi nga ta vekiwa hambu ku hlengeletelwe wutshamu ginwe, hakuva a bhinzu gakwe gi ta lumba lava va akileko mahlweni ka Jehova, kasi vaga, va kuma kuambala ko enela.

Isaya 18:7

A ka xikhati lexi ku ta nehiwa zinyikiwo ka Jehova wa tiyimpi hi ka tiko ga vanhu vo leha va ntlhohe, a vanhu vo tshisa kusukela ntumbulukweni wabye kala lezi, a tiko ga ntamu gi kanzihelelako zontlhe, legi gi tsemakanyilweko hi micongo; zi ta nehiwa a wutshanwini legi Jehova wa tiyimpi a khozelwako kona, le xitsungeni xa Zioni.

Isaya 10:33

Languta, a Hosi, Jehova wa tiyimpi, I ta dungurula a maravi hi kutsisa, A tisinya to leha ti kingiwa, Ni leti to tlakuka ti wisiwa hasi.

Tisimu 149:8

Kasi ku boha tihosi tabye hi mangenje, Ni vahombe vabye hi makhotso ya tisimbi; Mika 4:13

Eksodusi 11:8

Ni malanza wontihe ya wena ma tata ka mina ma ta nzi khizamela, maku: Huma wena ni vanhu vontlhe va wena; lava va ku lanzelako. Zonake nzi ta huma. Zinghaho Mosi i lo suka mahlweni ka Faro, na a zangarile nguvu.

1 Va le Tesalonika 1:9

Hakuva a vanhu va hi hlawutela hi maenghenela ya hina xikari ka nwina, ni kutsika ka nwina a zifananiso mu hunzulukela ka Nungungulu, kasi ku khozela loyi a hanyako ni wa zinene,

Ezekieli 31:3

U wa hi sedare le Lebanoni, a sinya yi sasekileko, Ya maravi yo tlhuma lawa ma nyikako a nzhuti, U wa hi sinya yo tlakuka, a tichoka ta wena ti wa chikela marefini.

Isaya 61:9

A lixaka labye li ta tibyiwa xikari ka matiko, Ni vana vabye va ta tibyiwa xikari ka tixaka tinwani; Vontlhelele va ta nga va wona va ta va tiva Lezaku lixaka leli Jehova a li katekisileko.

Isaya 45:24

Ku wulilwe ku ngalo: A kululama ni ntamu zi le ka Jehova yece. Va tata kakwe na va kanganyiseka Vontlhe lava va mu zangareleko.

Isaya 44:8

Mu nga chavi, ge hambu ku rurumela! A nzi ku byelangi kale, nzi zi tlhatlhambutela ke? Nwina mu vakustumunyu va mina. I kona munwani Nungungulu a handle ka mina ke? Ge, a gi kona ginwani ribye, a nzi gi tivi. Deut. 4:35; 1 Sam. 2:2; 1 Kor. 8:4

Tisimu 149:6

A tisimu ta Nungungulu a tive milonwini yabye, Ni supado ya wukari gimbiri mandleni yabye; Efe. 6:17; Maheb. 4:12

Joba 1:15

makunu a va ka Xeba va lo hi putsuketa, va teka zifuyo, va daya varisi hi tisupado; ku lo pona mina nzoce nzi ku byelako.

Estere 8:17

Matikweni wontihe, ka muti ni muti lowu a mhaka ni zileletelo za hosi zi chikelako, a vaJuda va wa tsaka va maha mubuzo ka siku lego. Vanhu vanyingi va matiko lawo va lo ti maha vaJuda, hakuva a vaJuda va wa mahelwa xichavo xa hombe.

2 Samueli 21:20

Ku wa hi kona yinwani yimpi kambe le Gati. Laho ku wa hi kona a munhu wo leha, loyi a nga hi ni 6 wa titiho lomu mandleni yakwe ni 6 wa titiho lomu mikonzweni yakwe; tontlhe ti wa hi 24 wa tona. Yenawu i wa hi xihotlovila.

Mitsengo 13:32

Zonake va lo hlawutela kubiha mahlweni ka vanana va ka Israeli hi tiko lego va gi hlotileko, vaku: A tiko legi hi tsemakanyileko hi gi hlola, i tiko gi dayako vaaki va gona; vontlhe vanhu lava hi va wonileko mbo leha nguvu.

Genesisi 27:29

Ngha vanhu va ku tirela, Ni matiko ma korama mahlweni ka wena; Uva hosi ya vamakabye va wena, Ngha a vanana va nyine wa wena va korama mahlweni ka wena. Ngha va rukiwa lava va ku rukako, Va katekiswa lava va ku katekisako.

Joba 11:19

U ta ti nawula hi kurula, a nga kona a ta nga ku dzuxa, Ina, vanyingi va ta kombela thomo ka wena. Levi 26:6

Isaya 18:1

He, tiko ga langu ga tipapa, Legi gi nga tlhatuko wa micongo ya Etiopia;

Isaya 19:21

Na Jehova i ta tibyiwa le Gipite, a maGipite ma ta tiva Jehova a ka siku lego; va ta khozela hi miphahlelo ni minyikelo ya zakuga; ina, va ta funga zifungo ka Jehova, va zi tatisa.

Isaya 19:22

Lezo Jehova i taba Gipite, i ta giba a tlhela a gi chuma; va ta hunzuluka ka Jehova, na yena i ta ingisa mikombelo yabye, a va chuma.

Isaya 54:3

Hakuva u ta nava uya tlhelo ga xinene ni tlhelo ga xibhabha, A pswalo wa wena wu ta ti tekela matiko ya mahedeni; Va vuxa a miti yi tsikilweko.

Isaya 55:5

Languta, u ta vitana a matiko lawa u nga ma tiviko, Ni matiko lawa ma nga ku tiviko ma ta tsutsumela ka wena, Hi keta ya Jehova, Nungungulu wa wena, Ni Loyi a Basileko wa ka Israeli, loyi a ku dumisileko.

Isaya 60:3

A matiko ma ta famba kuwonekeleni ka wena, Ni tihosi ti ta famba kuhatimeni ka kuvuka ka wena. Lu. 2:32; Kuv. 21:24