Isaya 44:20 - Tshwa Bible

²⁰ Iga khuma, a hambukiswa hi mbilu yi khohlakeleko, lezaku a tsanzeka ku ponisa a muhefemulo wakwe; hambu ni ku wula, aku: Lezi nzi zi khomileko canjeni ga mina a hi wunwa ke?

Isaya 44:20 Referans Kwoze

Va le Roma 1:28

Kota lezi va nga ala ku mu tiva Nungungulu, Nungungulu i lo va nyikela kupimeni ku solekako, va maha zilo lezi zi nga faneliko. Efe. 5:4

Hosea 12:1

Efraime wa risa mheho, a lanzela mheho ya Mutsuwuka-gambo. Wa ha simamisa ku anzisa mawunwa ni lobyiselelo; va maha xivumelwano na Assiria, va rwala a mafura maya Gipite.

Tisimu 102:9

Hakuva nziga khuma wutshanwini ga xibaba, Nza patsa zakunwa za mina ni mihloti,

Joba 15:31

Ngha a nga tsumbi zahava, a ti kanganyisa, Hakuva leʼza hava zi tava nchachazelo wakwe.

2 Timote 2:13

Loku hi nga tsumbeki, yena i ta simamisa a tsumbekile; hakuva a nga na ku ti kaneta. Mitse. 23:19; Rom. 3:3; 9:6

Va le Roma 1:25

Hakuva va lo tsika a zinene za Nungungulu va tsumba mawunwa, va lo khozela ni ku tirela a xivangwa, na ku nga hi Muvangi wa xona, loyi a khesiwako kala kupinzuka. Amen! Isa. 44:20; Jer. 13:25; 1 Tes. 1:9; 1 Joh. 5:20

Hosea 4:12

A vanhu va mina va kombela wusungukati ka timhinga tabye, a nhonga yabye yi va tlhatlhambutela; hakuva a moya wa wubhayi wu va pengisile, va bhayile va tsika Nungungulu wabye.

Kuvululelwa 20:3

Yi lo mu hoxa nkeleni wa lieswila, yi wu vala, yi wu tiyisa hi xifungo hehla kakwe, kasi a nga khohlisi matiko ku kala ku mbhela 1,000 wa malembe. Anzhako ka lezo i yimelwe hi kuva a tlhatlhiwa xikhatanyana. Dan. 6:17; Xip. 16:14

Kuvululelwa 18:23

A kuwonekela ka kandiya cima ku nga ha ta woninga ka Wena; ni magezu ya muteki ni mutekiwa cima ma nga ha ta zwiwa ka wena: hakuva a vamahungani va wena va wa hi tihosi ta misava, hakuva a matiko wontihe ma khohlisilwe hi kuloya ka wena. Isa. 23:8; Jer. 7:34; 25:10

Kuvululelwa 13:14

Xi pengisa lava va akileko misaveni hi masingita lawa xi nyikilweko ntamu ku maha wona mahlweni ka xihari; xi byela a vaaki va misava lezaku va xi mahela a xifananiso a xihari lexi xi nga hi ni phanja ya supado, xi tlhela xi hanya. 2 Tih. 20:7; 2 Tes. 2:9; Xip. 19:20

Kuvululelwa 12:9

Zonake drako loyi wa hombe, a nga nyoka leyi ya kale, yi tibyako Muhlevi na Satani, a mukhohlisi wa tiko gontlhe, yena i lo hoxwa lahasi misaveni, ni tingelosi takwe ti lo hoxwa zinwe naye. Gen. 3:1; Lu. 10:18; Xip. 9:1

2 Timote 3:13

Kanilezi a vanhu vo biha ni vakanganyisi va ta nonohisa vaya mahlweni kubiheni, va kanganyisa vanwani, va tlhela va kanganyiswa.

1 Timote 4:2

hi kota ya wuxengeteli ga vanhu va kanelako mawunwa, lava a livalo labye li hisilweko khwatsi hi xiketse xo hisa. Efe. 4:19

Luka 15:16

I lo navela ku xura hi makamba lawa ma giwako hi makhumba; kanilezi a nga nyikwangi hi munhu.

Habakuka 2:18

Xi vuna yini a xifananiso lezi a muvatli wa xona a xi vatlileko; ni xifananiso xi chululweko, lexi xi gonzisako mawunwa, lezi a mumahi wa xona a xi tsumbako, lezaku a zi maha na zi hi timbeveve ke?

Jeremia 16:19

O Jehova, ntamu wa mina ni khokhola ga mina, Ni wuponelo ga mina sikwini ga kuxaniseka, A matiko ma tata ka wena hi le magunweni ya misava, maku: A vadadani va gile tshomba ya mawunwa ntsena, A zifananiso za hava, zi nga vuniko nchumu. Isa. 2:2; Zak. 8:20

Isaya 59:13

Hi hambukile, hi ala Jehova, Hi tlhelela nzhako hi nga lanzeli Nungungulu wa hina, Hi wulawulile zo tsimbeketa vanwani ni kuhluwuka, Hi alakanyela ni ku wulawula mawunwa timbilwini ta hina.

Mavingu 15:14

A mbilu ya loyi a nga ni kupimisisa yi hlota wutivi; anilezi a milomu ya zipumbu yiga wupumbu.

Joba 15:2

A munhu a tlharihileko wa zi ko ta ku wulawula timhaka ti nga nyawuliko, A tata a xifuva xakwe hi mheho ya le Mutsuwuka-gambo ke?

Tisimu 115:4

A zifananiso zabye i siliva ni nzalama, A mitiro ya mandla ya vanhu. Isa. 44:9

Tisimu 144:8

Lava milomu yabye yi wulawulako mawunwa, Ni canja gabye ga xinene gi nga canja ga kukanganyisa.

Tisimu 144:11

Nzi hlangute, u nzi ponisa mandleni ya vamatiko, Lava milomu yabye yi wulawulako mawunwa, Ni canja gabye ga xinene gi nga canja ga kukanganyisa.

Isaya 47:10

Hakuva u ti tsumbile kubiheni ka wena, uku: A nga kona a nzi wonako! A wutlhari ga wena ni wutivi ga wena gi ku hambukisile. Ute mbilwini ya wena: Hi mina nzoce, a nga kona munwani.

Isaya 57:11

U wa dzukiswa hi mani, u chava mani ko kala u nga tsumbeki, Lezi u nga kala u nzi alakanya hambu ku nzi khatalela ke? Kasi a ku nzi chavi, hilezi nzi miyeleko xikhati xo leha ke?