Isaya 44:18 - Tshwa Bible

¹⁸ A vakunghahi a va tivi nchumu, a va pimi nchumu, hakuva a mahlo yabye ma valilwe, a va zi koti ku wona, ni timbilu tabye laha kaku va nga pimi nchumu.

Isaya 44:18 Referans Kwoze

Jeremia 5:21

Ingisani makunu, nwina vanhu va hungukileko, mu nga hiko ha kupima; mu nga ni mahlo ma nga woniko, na mu hi ni tindleve ti nga zwiko.

Tisimu 81:12

Hikwalaho nzi lo va tsika kunonoheni ka timbilu tabye, Va lo famba hi makungo yabye. Ezek. 20:25; Miti. 14:16; Rom. 1:24

Johani 5:44

Mu ta kholwisa kuyini nwina lava va dzunzanako, kasi a wudzunzo legi gi tako hi ka Nungungulu a nga yece, a mu gi lavi? Xip. 12:43; Rom. 2:29

Johani 8:43

Hiyini mu nga pimiko a xuxela ga mina ke? I hakuva a mu na ku ingisa a mhaka ya mina.

Isaya 29:10

Hakuva Jehova i mu chululela a moya wa wurongo, I valile mahlo ya nwina vaprofeti, I fenengetile a tihloko ta vavumbi, va nga varangeli va nwina.

Va le Roma 1:28

Kota lezi va nga ala ku mu tiva Nungungulu, Nungungulu i lo va nyikela kupimeni ku solekako, va maha zilo lezi zi nga faneliko. Efe. 5:4

Danieli 12:10

Vanyingi va ta hlaziwa, va basiswa, va ringiwa; kanilezi a vakubiha va ta maha kubiha, Ku hava a wakubiha a ta nga zi pima, kanilezi a votlhariha va ta zi pima.

Mavingu 28:5

A vanhu va bihileko a va pimi lezi zi lulamileko; anilezi lava va hlotako Jehova va pima zilo zontlhe.

Isaya 1:3

A homu ya tiva a nwinyi wa yona, ni mbongola ya tiva a xigowolo xa nwinyi wa yona, kanilezi Israeli a nga tivi nchumu, a vanhu va mina a va pimi nchumu.

Jeremia 10:14

Loku va zi wona a vanhu va yima vaku kaye, va nga pimi nchumu; Ni vafuli va nzalama va wisiwa tingana hi zifananiso zabye zi vatlilweko; Hakuva a zifananiso zabye mawunwa, a zi na muhefemulo.

Isaya 44:20

Iga khuma, a hambukiswa hi mbilu yi khohlakeleko, lezaku a tsanzeka ku ponisa a muhefemulo wakwe; hambu ni ku wula, aku: Lezi nzi zi khomileko canjeni ga mina a hi wunwa ke?

Mitiro 14:16

loyi hi zizukulwana zi hunzileko a nga tsika matiko wontihe lezaku ma famba tindleleni ta wona.

Isaya 45:20

Tsombanani muta laha, Mu tshinela khatiginwe nwina mu ponileko xikari ka vamatiko; A va na kutiva lava va rwalako a zifananiso zi vatlilweko, Va khozela a nungungulu loyi a nga zi kotiko ku hanyisa.

Mateu 12:34

Nwina pswalo wa tinyoka, mu ta zi kotisa kuyini ku wulawula a timhaka ti nene, lezi mu bihileko ke? Hakuva a nomu wa wulawula hi wunyingi ga mbilu. Xip. 3:7; Lu. 6:45

Hosea 14:9

Himani a tlharihileko, a zi kotako ku pima lezi zilo ke? Loyi a khunguhileko i ta zi pima, hakuva a tindlela ta Jehova ti lulamile, lava va lulamileko va ta famba ha tona, kanilezi a vahambunyeti va ta khunguvanyeka ka tona. Deut. 10:12; Isa. 8:14

Jeremia 10:8

Vontlhe va hungukile ni kuva zipumbu, A gonzo ya zifananiso i tsanza ntsena.

Isaya 56:11

Ina, timbyana ta makhobomu, ci ma a va eneliswi. A va kunghaho mbarisi, lava va nga pimiko nchumu; Vontlhe va famba hi tindlela tabye wutsumbu, Munwe ni munwani i ti lavela bhinzu gakwe.

Tisimu 92:6

A xipumbu a xi zi tivi, Hambu wa lihlanyi a nga pimi a zakunghahi.

Isaya 44:9

Vontlhe vamahi va zifananiso a hi nchumu, ni mitiro leyi va tsakako ha yona a yi vuni nchumu. A vakhozeli va zona a va woni, a va pimi, va kala va wiswa tingana.

2 Pedro 2:14

Va na ni mahlo ma teleko hi wubhayi, a va kolwi hi kuonha. Va kucetela a mihefemulo leyi yi nga tiyangiko. A timbilu tabye ti tolovela a mahlokoti; a vanana va rukatelweko.

Isaya 26:11

Jehova, a canja ga wena gi na ni ntamu, kanilezi a va zi woni, Va ta wona a kupangama ka wena hi vanhu va wena, vava ni tingana; A nzilo wu ta hisa valala va wena.

Isaya 44:19

A nga kona a ehleketako, a hambu ni ku pimisisa, aku ngalo: Nzi hisile a khihlanya ga sinya leyi, nzi bhika tipawu hehla ka makala, nzi woca nyama nziga; xana nzi nga maha manyalataniso hi leyi yi seleko ke? Nzi nga khizamela a xipanze xa sinya ke?

Jeremia 51:17

Loku va zi wona a vanhu va yima vaku kaye, va nga pimi nchumu; Ni vafuli va nzalama va wisiwa tingana hi zifananiso zabye zi vatlilweko, Hakuva a zifananiso zabye mawunwa, a zi na muhefemulo.

Isaya 27:11

Loku maravi ma womile, ma ta tshobyiwa, A vavasati va ta va dzivela nzilo ha wona; Hakuva i tiko gi nga tlharihangiko, Hikwalaho a muvangi wa gona a nga ta gi zwela wusiwana, Ni loyi a nga va wumba a nga ta va mahela tipswalo.

Ezekieli 12:2

Nʼwana wa munhu, u akile xikari ka lixaka, la va hluwukwa, lava va nga ni mahlo ya ku wona, kanilezi va nga woni, laʼva nga ni tindleve tozwa, kanilezi va ngazwi, hakuva mba yindlu ya mihluwukwa. Deut. 29:4; Isa. 6:9; Mat. 13:14