A vaakelani va nga ta ha gonzisana, Munhu a nga ta gonzisa makabye, aku: Tiva Jehova! Hakuva vontlhe va ta nzi tiva, Kusukela ka vatsongwani vabye kala vahombe, ku wula Jehova. Hakuva nzi ta va tsetselela a kubiha kabye, Cima nzi nga ta ha alakanya a zionho zabye. Mika 7:18; Joh. 6:45; Rom. 11:27
Tanani, hi wulawulisana timhaka, ku wula Jehova. Hambu loku zionho za nwina zi pswhukile, zi nga basa khwatsi i gapongo; hambu loku zi pswhukisile ku zirila, zi nga ku khwatsi i woya go basa.
U nga alakanyi a zionho za wuswa ga mina, Ni zihambunyeto za mina; Nzi alakanye hi wuxinji ga wena, Hi kota ya wunene ga wena, Jehova. Joba 13:26; Jer. 31:19
A hlomulo loʼwa hombe wa mina wu nzi nehele kurula; Hi liranzo la wena u humesile moya wa mina rinzini ga kubola; Hakuva u hoxile zionho za mina zontlhe lenzhako ka wena.
Kambe a nayo wu lota lezaku kasi a xihambuko xi anza; kanilezi laha kuonha ku nga anza, a tipswalo ti lo anza nguvunguvu; Lu. 7:47; Joh. 15:22; Xip. 3:20; 1 Tim. 1:14
A masikwini ya xikhati lexo, ku wula Jehova, a kugoha ka Israeli ku ta labyiwa, kanilezi ku nga ha ta kuva kona; ni zionho za ka Juda zi nga ta kumiwa, hakuva nzi ta rivalela lava nzi ta nga va siya kota misalela.
Hikwalaho wula ka yindlu ya ka Israeli, uku: Hosi Jehova i ngalo: A nzi mahi lezi hi kota ya nwina va yindlu ya ka Israeli, kanilezi hi kota ya vito ga mina go basa, legi mu gi nyenyezisileko xikari ka matiko lawa mu yileko ka wona.
Kanilezi hi kota ya vito ga mina, nzi lo maha lezaku gi nga nyenyeziswi mahlweni ka matiko lawa nzi va humesileko mahlweni ka wona. Mitse. 14:13; Deut. 9:28
Kanilezi hi kota ya vito ga mina, nzi lo maha lezaku gi nga nyenyeziswi mahlweni ka matiko lawa va nga hi xikari ka wona, lawa nzi nga ti tivekisa mahlweni ka wona, hi ku va humesa tikweni ga le Gipite.
Zi tiveni lezaku a nzi mahi lezi hi kota ya nwina, ku wula Hosi Jehova. Ngha muva ni tingana, mu kanganyiseka hi kota ya tindlela ta nwina va yindlu ya ka Israeli.
Hambu zi hi tano, nzi lo tlhelisa a canja ga mina, hi kota ya vito ga mina nzi lo maha lezaku gi nga nyenyeziswi mahlweni ka matiko lawa nzi va humesileko mahlweni ka wona.
A vatsali ni vaFarisi va lo sangula ku wulawulisana, vaku: Himani loyi a wulako nzhukano ke? Himani a nga tsetselelako zionho, saseka Nungungulu yece? Tis. 32:5; Isa. 43:25
Zwana a mikhongelo ya nanza ga wena ni ya vanhu va wena, a va ka Israeli, loku va khongela na va hi ka legi wutshamu; ingisa na u hi kwaleyo tilweni, wutshanwini lego u akileko ka gona: ingisa, u tsetselela!
Hi kota ya mina wutsumbu nzi ta zi maha; Hakuva nzi nga vumelisa kuyini lezaku a vito ga mina gi nyenyeziswa? Nzi nga ta nyikela wudzunzo ga mina ka munwani.
A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.
Nzi onhile mahlweni ka wena wece, Nzi maha lezi zi bihileko mahlweni ka wena. Kasi u fela ku kumeka na u lulamile kuwulawuleni ka wena, Ni kuva ni nongameto laha u lamulako. Rom. 3:4