Isaya 42:5 - Tshwa Bible

⁵ I wuta lezo Nungungulu Jehova, Loyi a vangileko tilo, a gi andlala, Loyi a anekileko misava ni lezi zi milako ka yona; Loyi a nyikileko kuhanya ka vanhu va nga ka yona, A nyika moya ka tava va famba-fambako ka yona. Neh. 9:6; Joba 33:4

Isaya 42:5 Referans Kwoze

Isaya 40:22

Hi yena a tshamileko le hehla ka ranzani ga misava, Ni vaaki va yona vaku khwatsi i bhanzala. Hi yena a andlalako matilo khwatsi o andlala veli, A ma gwimba kota tenda a kuva wuakelo. Joba 9:8; Tis. 104:2

Isaya 45:12

Hi mina nzi mahileko misava, Nzi vanga vanhu hehla ka yona; I mandla ya mina ma andleleko matilo, Nzi hloma a mabutho ya wona wontihe.

Zakaria 12:1

A mhaka ya xiprofeto xa Jehova ha Israeli. Jehova loyi a tshambutelako matilo, a yimisa xiseketelo xa misava, a wumba moya wa munhu nzeni kakwe, i ngalo:

Jeremia 10:12

Yena i vangile misava hi ntamu wakwe, A seketela tiko hi wutivi gakwe, Hi kupima kakwe i tshambulutile tilo, Gen. 1:1, 6; Isa. 45:12

Isaya 48:13

I canja ga mina gi akileko a xiseketelo xa misava, Ni canja ga mina ga xinene gi lo andlala tilo; Nzi lo zi vitana zi tumbuluka khatiginwe. Tis. 33:9; Maheb. 1:10

Isaya 44:24

Jehova, a mutiruli wa wena, Loyi a ku wumbileko rumbyini ga nyine wa wena, i ngalo: Nzi Jehova loyi a mahako zilo zontlhe, Nzi andlele a matilo ha nzoce Nzi andlala a misava ha nzoce. Joba 9:8; Jer. 32:17

Jeremia 32:17

Hosi Jehova, hi wena u vangileko a tilo ni misava hi ntamu wa wena wa hombe ni woko ga wena gi nawulutilweko; a ku na nchumu xi tsanzako ka wena; Gen. 18:14; Lu. 1:37

Isaya 45:18

Hakuva Jehova loyi a vangileko matilo; Nungungulu wutsumbu loyi a wumbileko misava, a yi yimisa, A yi tiyisa; a nga yi mahi a kuva xiwula, Kanilezi a yi mahela kuva wutshamu go aka kona, e ngalo: Hi mina Jehova, a ku na munwani.

Tisimu 33:6

A matilo ma mahilwe hi gezu ga Jehova, Ni yimpi yontlhe ya wona hi kuhefemula ka nomu wakwe:

Joba 33:4

Nzi mahilwe hi Moya wa Nungungulu; Ni moya wa Nyamintamu wa nziha kuhanya.

Mitiro 17:25

Tlhatakumbiri a nga tirelwi hi mandla ya vanhu, a ku khwatsi o vumala nchumu; kasi hi yena a va nyikako wutomi vontlhe, ni kuhefemula, ni zilo Zontlhe.

Joba 12:10

A mihefemulo ya zontlhe zi hanyako yi kona canjeni gakwe, Ni mimoya ya vanhu vontlhe.

Isaya 40:12

Himani a pimileko a bimbi hi canja gakwe, Loyi a pimileko matilo hi lipimo la titiho takwe? Himani a pimileko hi xirunzu a tshuri wa misava, A pima zitsunga ni miganga laha xikalwini?

Tisimu 136:6

Loyi a andleleko misava hehla ka mati, Hakuva a wuxinji gakwe ga kala kupinzuka.

Amosi 9:6

hi yena loyi a akako a tiyindlu takwe le tilweni, a tshambuluta a tilo gi maha a langwa hehla ka misava; a vitanako a mati ya bimbi a ma chulula hehla ka misava. A vito gakwe hi Jehova.

Genesisi 2:7

Jehova Nungungulu i lo wumba munhu hi tshuri wa misava, ni ku mu pupuxela lomu tinhovini a muhefemulo wa kuhanya, ni munhu i lo maha xiwumbiwa xi hanyako. 1 Kor. 15:45, 47

Maheberu 1:2

kanilezi a ka masiku laya ya kugumesa i wulawulile ka hina hi Nʼwana wakwe, loyi a nga mu yimisa a kuva xiga-tshomba ya zilo zontlhe, loyi a nga maha ha yena misava. Joh. 1:17; Mat. 21:38; 28:18; Rom. 8:17; Efe. 1:10

Isaya 40:28

A ku zi tivi ke? A ku zi zwangi ke? Lezaku Jehova i Nungungulu wa pinzukelwa, Yena Muvangi wa magemetamusi ya misava; A nga karali, a nga mbheli ntamu; A wutlhari gakwe a gi na ku kambiwa.

Joba 34:14

Loku a wa ti alakanyela wutsumbu gakwe ntsena, A susa a moya wakwe ni kuhefemula kakwe,

Joba 27:3

Na nza ha hefemula, A moya wa Nungungulu na wa ha enghena tinhovini ta mina,

Danieli 5:23

Kanilezi u lo ti kukumukisa mahlweni ka Hosi ya tilo. Va ku nehele a zibya za yindlu yakwe mahlweni ka wena, u nwela ka zona vinya, wena ni tihosana ta wena, ni vasati va wena, ni mindlunkulu ya wena; ni kambe u lo dumisa a vanungungulu va siliva, ni va nzalama, ni va suku, ni va xiketse, ni va tisinya, ni va maribye, lava va nga woniko, hambu kuzwa, kutani ku tiva nchumu. A Nungungulu loyi a muhefemulo wa wena wu nga canjeni gakwe zinwe ni tindlela ta wena tontlhe, a ku mu dumisangi. Deut. 4:28; Kuv. 9:20

Mitiro 17:24

Nungungulu loyi a nga maha misava ni zontlhe zi nga ka yona, yena loyi a nga Hosi ya tilo ni misava, a nga tshami titempeleni leti ti akilweko hi mandla. Xip. 7:48; 14:15; Mat. 11:25

Genesisi 1:1

A kusanguleni Nungungulu i lo vanga tilo ni misava.

Isaya 37:16

Jehova wa tiyimpi, Nungungulu wa ka Israeli, loyi a tshamako xikari ka makerubima, wena wece u Nungungulu wa matiko wontihe ya misava; wena u mahile a tilo ni misava.

Isaya 40:26

Tlakusani mahlo ya nwina le hehla, mu languta, Himani a vangileko lezi zilo? Hi yena a rangelako a mabandla ya zona hi ku ma xaxameta, Loyi a vitanako zontlhe hi mavito. Hi kota ya ntamu wakwe wa hombe ni wukulu gakwe Ku hava ni xinwe xi vumalekako.

Isaya 57:16

Hakuva nzi nga ta ranisa kala kupinzuka, Ge hambu ku zangara xontlhe xikhati; Yi nga dzuka yi mbhelelwa hi ntamu a mimoya leyi nzi yi vangileko.

Jeremia 27:5

Hi mina nzi vangileko misava, ni vanhu ni zihari zi nga kona misaveni, hi ntamu wa mina wa hombe ni woko ga mina gi nawulutilweko; nza yi nyika ka loyi nzi ranzako a ku mu nyika yona. Jer. 32:17; Dan. 4:29

Jeremia 38:16

Zonake hosi Zedekia i lo hlambanya ka Jeremia xihundleni, aku: Ha Jehova a hanyako, loyi a hi nyikileko wutomi legi, nzi nga ta ku daya, hambu a ku ku nyikela a mandleni ya vanhu lava va hlotako wutomi ga wena.

Ezekieli 18:4

Langutani, yontlhe mihefemulo nja mina; kota lezi a muhefemulo wa dadani wu nga wa mina, ni wa nʼwana kambe ngwa mina. A muhefemulo lowu wu onhako wu tafa. Gen. 18:25

Tisimu 96:5

Hakuva vontlhe vanungungulu va matiko zifananiso ntsena, Kasi Jehova i mahile matilo. Isa. 41:23; 1 Kor. 8:4