Isaya 42:3 - Tshwa Bible

³ A nga ta tshova a lihlanga li fufekeleko, A nga ta tima a kandiya yi tuvikako musi; I ta kanela a kululama ka zinene.

Isaya 42:3 Referans Kwoze

Ezekieli 34:16

Nzi ta lava leyi yi nga lahlekile, nzi wuyisa leyi yi nga pengisilwe, nzi bohelela leyi yi tshobyilweko, nzi tiyisa leyi yi babyako. Kanilezi nzi ta lovisa leti ti nonileko ni ta ntamu; nzi ta ti risa hi nongameto.

Mateu 11:28

Tanani ka mina, nwina nwentlhe mu tirako ni ku binzwa, nzi ta mu humuta.

Jeremia 31:25

Hakuva nzi mahile a muhefemulo wu kareleko wuku retsevele, ni mihefemulo yontlhe yi xanisekako nzi yi xurisile. Tis. 107:9; Mat. 11:28

Isaya 40:11

I ta gisa a tlhambi wakwe khwatsi hi murisi; I ta tsombanyisa a tiyivana mawokweni yakwe, A ti rwala laha xifuveni xakwe, A fambisa khwatsi leti ti anwisako. Tis. 23:1; Mika 7:14; Joh. 10:11, 14 Himani a ringanako na Nungungulu?

Tisimu 147:3

Wa tangalisa lava va timbilu ti tshovekileko, A bohelela timbanga tabye.

Johani 5:30

Mina a nzi zi koti ku maha nchumu ha nzoce. Nza lamula kota lezi nzi zi zwako; a kulamula ka mina ku lulamile, hakuva a nzi lavi kuranza ka mina, kanilezi a kuranza ka loyi a nzi rumileko. Mat. 26:39; Xip. 4:34; 6:38

Kuvululelwa 19:11

Nzi lo wona tilo na gi vululekile, ku woneka a haxi go basa, ni loyi a nga khilele ka gona i vitanwa Kutsumbeka ni Zinene; wa lamula alwa hi kululama. Isa. 11:4; Xip. 3:14; 6:2; 15:5

Isaya 50:10

Himani xikari ka nwina a chavako Jehova, A ingisa a gezu ga nanza gakwe? Loye a fambako munyameni, na a nga hi na kuwonekela, Ngha a tsumba vito ga Jehova, a khegela ka Nungungulu wakwe.

Tisimu 98:9

Mahlweni ka Jehova, hakuva wata a ku ta lamula misava; I ta lamula tiko hi nongameto, Ni matiko hi kululama kakwe. Miti. 17:31

Tisimu 96:13

Mahlweni ka Jehova hakuva wata, Hakuva i tela ku ta lamula misava, I ta lamula tiko hi nongameto, Ni matiko hi kutsumbeka kakwe. Miti. 17:31

Johani 20:27

Zonake aku ngalo ka Tomasi: Tisa litiho la wena laha, a mandla ya mina hi laya; tisa a canja ga wena, u gi enghenisa laha reveni ga mina; u ngavi loyi a nga kholwiko, kanilezi kholwa. 1 Joh. 1:1

Mika 7:9

Nzi ta rwala a zanga ya Jehova, hakuva nzi mu onhele, a kala a yimela a mhaka ya mina a nzi lamula. I ta nzi humesela kuwonekeleni, nzi wona a kululama kakwe.

Isaya 66:2

Hakuva zontlhe lezi zilo zi mahilwe hi canja ga mina, Hikwalaho zontlhe zi lova kona, ku wula Jehova. Nzi ta cuwuka loyi a ti tsongahatako, a nga ni moya wu tshovekileko, Loyi a rurumelako hi gezu ga mina.

Isaya 50:4

Hosi Jehova i nzi nyikile a lirimi la mupizani, Kasi nzi ta zi kota ku tangalisa loyi a kareleko; Gica ni mixo a! vuxa a ndleve ya mina, A yi vuxa lezaku nzi ingisa kota mupizani.

Mateu 12:20

A lihlanga li khinyekileko a nga ta li tshova, A nga ta tima a ngoti ya kandiya yi fufunhako, A kala a yisa nongameto kuhloleni;

Tisimu 54:5

Yi ta va tlhelisela kubiha lava va nzi xiyelelako, Va lovise, wena loyi u tsumbekako.

Tisimu 94:15

A kulamula ku ta tlhela ku mahiwa hi nongameto, Ni lava va kubasa timbilu va ta ku lanzela.

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Isaya 42:2

A nga ta kanyuluka, a nga ta tlakusa gezu gakwe; Gi nga ta zwiwa maphangweni.

Isaya 2:4

I ta lamula xikari ka mifumo, a tsema timhaka ta matiko manyingi. Va ta tlomba tisupado tabye ti maha zikomu, hi matlhari yabye va ta fula mibhera. A tiko gi nga ha talwa ni ginwani, ge hambu a ku gonza kulwa. A siku ga Jehova.

Isaya 63:1

Himani loyi a tako hi le Edome, Na huma hi le Bozra, a ambeleko tinguwo to pswhuka to khazamula, A fambako hi wukulu ga ntamu wakwe? Hi mina loyi nzi wulawulako hi kululama, nzi nga ni ntamu wa ku hanyisa.