Isaya 42:11 - Tshwa Bible

¹¹ Ngha a xiwula ni miti ya xona zi tlakusa magezu, Na nwina zimitana za vaKedare; Lava va akileko le Sela ngha va yimbelela, A va kanyuluka hehla ka zitsunga.

Isaya 42:11 Referans Kwoze

Isaya 32:16

Zonake a nongameto wu ta aka le xiwuleni, Ni kululama ku ta tshama lomu sinwini gi pfunako.

Isaya 60:7

A mitlhambi yontlhe ya le Kedare yi ta tsomhanyiswa ka wena, A tihamba ta Nebaiote ti ta ku tirela; Ti ta humesiwa ganzelweni ga mina khwatsi hi munyikelo wu khesekako, Nzi sasekisa a yindlu ya wukulu ga mina.

Nahume 1:15

Langutani le hehla ka zitsunga a mikonzo ya loyi a nehako a mahungu yo saseka, loyi a bako nyiwo ya kurula! wena Juda, maha mibuzo ya wena, u tatisa a zifungo za wena, hakuva a wakubiha a nga ta ha hunza hi ka wena i lobyiselwe magumo.

Isaya 52:7

Yi sasekisile kuyini le zitsungeni A mikonzo ya loyi a nehako a mahungu yo saseka, Loyi a wulawulako kurula; Loyi a nehako mahungu yo saseka yo tsakisa, A kanelako hi kuhanyisa; Loyi a nge ngalo ka Zioni: Nungungulu wa wena wa fuma! Nah. 1:15; Rom. 10:15

Isaya 35:6

A zilema zi ta tlula khwatsi i hlangu, Ni tirimi ta timbeveve ti ta yimbelela; Hakuva a mati ma ta khulunga lomu xiwuleni, Ni micongo yi ta khulungela mapanyeni.

Isaya 21:16

Hakuva a Hosi yi te ngalo ka mina: Ka ha sele lembe ginwe, legi gi fananako ni lembe ga xitiri, zonake gontlhe wukulu ga Kedare gi ta mbhela;

Isaya 16:1

Rumelani a tiyivu ta nzuvo ka mufumeli wa tiko, Ti suka le Sela ngomama ni xiwula, Tiya xitsungeni xa nhwana wa le Zioni.

Tisimu 120:5

Yowe, nzi akileko le Mexeki, Nzi tshamako matendeni ya Kedari.

Genesisi 25:23

Jehova i te ngalo kakwe: Ku kona matiko mambiri lomu nzeni ka wena; ku ta hambana lomu nyimbeni ya wena ku maha tixaka timbiri; linwani lixaka li ta hlula linwani; a nhonzwa i ta khozela nzisana. 2 Sam. 8:14; Mal. 1:2; Rom. 9:10

Jeremia 49:16

A kutshisa ka wena ni matshanza ya wena zi ku khohlisile, wena loyi u akileko lomu tihlohlolweni ta maribye, u tshamileko hehla ka xitsunga. Hambu loku u aka xisaka xa wena le hehla kukotisa a gama, nzi ta ku susa nzi ku releta lahasi, ku wula Jehova.

Jeremia 48:28

Nwina vaaki lomu Moabi, Humani mitini mu ya aka maribyeni; Mu kotisa matuva ma akako zisaka laha nonwini wa khovo-khovo.

Jeremia 21:13

Languta, nzi na ni xisolo na wena muaki wa le nkoveni, lomu khokholeni ga livala, ku wula Jehova; nzi ni mhaka na nwina lava mu nge: Himani a to relela a ta hi vukela? himani a to enghena wuakelweni ga hina ke?

Isaya 43:19

Langutani, nzi ta maha a xilo xiswa; Xi sina xi woneka, a mu xi woni ke? Nzi ta bhoxa ndlela lomu xiwuleni, Ni micongo lomu ligwangweni,

Isaya 35:1

A xiwula ni ligwangwa zi ta tsaka, Ni mapanya ma ta nengela, ma baleka khwatsi makonʼwa.

Obadia 1:3

A matshanza ya mbilu ya wena ma ku khohlisile, wena loyi u akileko mikovotlweni ya maribye, loyi a wuakelo ga wena gi nga tlakukile; loyi unge mbilwini ya wena: Himani a ta nga nzi wisa lahasi?

Isaya 40:3

A gezu ga loyi a bako hungu, giku: Longisani a ndlela ya Jehova lomu xiwuleni, Lulametani a gonzo ga Nungungulu wa hina lomu ligwangweni. Mat. 3:3; Lu. 1:76; Joh. 1:23

Isaya 12:5

Yimbelelani Jehova hakuva i mahile a zilo zi hlamalisako; A zi tibyiwa misaveni yontlhe.

Jeremia 49:31

Sukani, muya tikweni legi gi nga kuruleni, gi tshamekileko, ku wula Jehova; a tiko gi nga hiko na tinyangwa hambu zikwinyaro, gi tshamileko gi hi gocb.

Ezekieli 27:21

Arabia ni tihosana tontlhe ta le Kedare va wa hi canjeni ga wena, va xavisa tiyivana, ni tihamba, ni timhuti. Gen. 25:13; Tis. 120:5