Isaya 41:18 - Tshwa Bible

¹⁸ Nzi ta velisa micongo lomu migangeni ya xikwakwa, Ni zibuka lomu mikoveni. A ziwula zi ta maha milambo Ni ligwangwa li ta humesa xibuka za mati.

Isaya 41:18 Referans Kwoze

Tisimu 107:35

A hunzula xiwula xi maha tiva ga mati, A humesa Zibuka misaveni yo woma, Isa. 35:7; 41:18

Isaya 58:11

Lezo Jehova i ta ku rangela xontlhe xikhati, I ta xurisa muhefemulo wa wena matshanwini ma womileko, Ni ku tiyisa a marambu ya wena; U ta fanana ni simu gi cheletelweko mati, Ni xibuka lexi a mati ya xona ma nga pswhiko,

Isaya 30:25

Hehla ka zitsunga zontlhe zo leha ni ka minganga yontlhe yo tlakuka ku tava kona micongo ni micongwana ya mati lawa ma khulungako, hi siku ga kudawa ka hombe, laha a makhokhola ma ta ngawa. Ezek. 39:4, 17; Kuv. 19:17

Kuvululelwa 7:17

Hakuva a Yivana yi nga laha xikari mahlweni ka xitshamu xa wuhosi yi tava murisi wabye, yi va hletela tihlobyeni ta mati ya wutomi; Nungungulu i ta hlanguta mihloti yontlhe mahlweni yabye. Tis. 23:1; 36:8; Isa. 25:8

Isaya 44:3

Hakuva nzi ta nyika mati ka lava va nga ni tora, Ni micongwana a misaveni yi womileko; Nzi ta chulula a Moya wa mina hehla ka vana va wena, Ni xikatekiso xa mina hehla ka mahluke ya wena;

Kuvululelwa 22:1

Zonake yi lo nzi komba a congo wa mati ya wutomi, na ma vangamela khwatsi hi kristali, wu huma xitshanwini xa wuhosi xa Nungungulu ni xa Yivana, Ezek. 47:1; Zak. 14:8

Zakaria 14:8

Hi siku lego a mati ya xibuka xi nga pswhiko ma ta huma Jerusalema, a khihlanya ga wona ma ta khulungela bimbini ga Muhuma-gambo, a ginwani khihlanya gi khulungela bimbini ga Mupela-gambo. Ma tava tano laha ximunwini ni laha wuxikeni. Deut. 11:24; Joh. 4:14; Kuv. 22:1

Joeli 3:18

A xikhatini lexo a zitsunga zi ta dona a vinya, ni miganga yi ta khulunga masi, yontlhe micongwana ya ka Juda yi tava ni mati. Ku ta huma a xibuka hi ndlwini ya ka Jehova xi tsakamisa a nkova wa le Xittimu. Zak. 14:8; Kuv. 22:1

Isaya 32:2

Munwe ni munwani i ta kotisa wuchavelo loku moya wu bhubhutsa, A kotisa wuponelo ka xingulo; Kukotisa a congo wa mati wutshanwini gi womileko; Ni nzhuti wa ribye ga hombe tikweni gi nga ni tora.

Isaya 12:3

Hikwalaho mu takha hi kutsaka lomu tihlobyeni ta kuhanyisa. Joh. 4:14; 7:37

Isaya 48:21

A va zwangi tora laha a nga va rangela ziwuleni, Hakuva i lo va khulungisela mati hi lomu ribyeni, I lo panza a ribye, a mati ma bhukula. Ekso. 17:6; Mitse. 20:11; 1 Kor. 10:4

Tisimu 105:41

A vulula ribye, ku huma mati, Ma khulunga xiwuleni kukotisa congo. Ekso. 17:6; Mitse. 20:11; 1 Kor. 10:4

Tisimu 46:4

Wu kona a congo lowu a mati ya wona ma nengelisako a muti wa Nungungulu, A wuakelo go basa ga Loyi a Hunzeleleko Kutlakuka.

Tisimu 104:10

U lo velisa zibuka lomu minkoveni, A mati ya zona ma khulunga xikari ka zitsunga.

Isaya 33:21

Hakuva Jehova i tava zinwe na hina lomo hi wukulu gakwe. A wutshanwini ga micongo yo anama ni zicongwana, Leyi yi nga engheniwiko hi tingalava ti fambiswako hi makasiya, Ge, hambu a mataru ya hombe a ma hunzi ha kona.

Isaya 35:1

A xiwula ni ligwangwa zi ta tsaka, Ni mapanya ma ta nengela, ma baleka khwatsi makonʼwa.

Isaya 65:13

Hikwalaho Hosi Jehova i ngalo: A malanza ya mina ma taga, kanilezi nwina mu tava ni ndlala, A malanza ya mina ma tanwa, kanilezi nwina mu tazwa tora; A malanza ya mina ma ta tsaka, kanilezi nwina mu tava ni tingana.

Valamuli 15:19

Hikwalaho Nungungulu i lo panza a ribye ga Lehi gi maha nkele, ku huma mati ka gona; i lonwa, a moya wakwe wu wuya, a si kalamuka. Hikwalaho a wutshamu lego gi lo chuliwa a bito gaku i Hlowo ya loyi a rilako; kala ni lezi ya ha hi kona.

Tisimu 126:4

Jehova, wuyisa a vakhonwiwa va hina, Kukotisa micongo ya le Dzongeni.