Isaya 40:26 - Tshwa Bible

²⁶ Tlakusani mahlo ya nwina le hehla, mu languta, Himani a vangileko lezi zilo? Hi yena a rangelako a mabandla ya zona hi ku ma xaxameta, Loyi a vitanako zontlhe hi mavito. Hi kota ya ntamu wakwe wa hombe ni wukulu gakwe Ku hava ni xinwe xi vumalekako.

Isaya 40:26 Referans Kwoze

Isaya 51:6

Tlakusani a mahlo ya nwina le tilweni, Mu cuwuka ni laha misaveni; Hakuva a tilo gi ta nwalala khwatsi i musi, Ni misava yi ta hlakala khwatsi i nguwo; Ni lava va tshamako ka yona va tafa kota ziwunuwunwani; Kanilezi a kuhanyisa ka mina ku ta su tsoma kala kupinzuka, Ni kululama ka mina ku nga ta mbhela.

Isaya 48:13

I canja ga mina gi akileko a xiseketelo xa misava, Ni canja ga mina ga xinene gi lo andlala tilo; Nzi lo zi vitana zi tumbuluka khatiginwe. Tis. 33:9; Maheb. 1:10

Isaya 44:24

Jehova, a mutiruli wa wena, Loyi a ku wumbileko rumbyini ga nyine wa wena, i ngalo: Nzi Jehova loyi a mahako zilo zontlhe, Nzi andlele a matilo ha nzoce Nzi andlala a misava ha nzoce. Joba 9:8; Jer. 32:17

Isaya 45:7

Nzi mahile kuwonekela ni munyama; Nzi tsakisa munhu, nzi tlhela nzi rumela makhombo. Hi mina Jehova nzi mahako zontlhe lezo.

Isaya 42:5

I wuta lezo Nungungulu Jehova, Loyi a vangileko tilo, a gi andlala, Loyi a anekileko misava ni lezi zi milako ka yona; Loyi a nyikileko kuhanya ka vanhu va nga ka yona, A nyika moya ka tava va famba-fambako ka yona. Neh. 9:6; Joba 33:4

Isaya 34:16

Hlotani lomu bhukwini ga Jehova, mu gonza: A xi kona ni xinwe xi ta nga vumaleka, A xi kona xi ta nga vumala munghana wa xona; Hakuva a nomu wa Jehova wu wulile lezo, Ni Moya wakwe wu zi tsombanyisile.

Tisimu 19:1

A matilo ma kanela a kungangamela ka Nungungulu; Ni ndengelenge yi kombisa a ntiro wa mandla yakwe. Rom. 1:20

Deuteronome 4:19

Ni loku u tlakusa a mahlo ya wena le tilweni u wona gambo ni hweti, ni tinyeleti, ni wontihe mabandla ya le tilweni, u nga dzuki u navela ku khizama mahlweni ka zona u zi khozela; hakuva Jehova Nungungulu wa wena i nyikile lezi zilo ka wontihe matiko ma nga lahasi ka tilo, lezaku zi tava tshomba ya wona. 2 Tih. 21:5; Jer. 8:2

Tisimu 102:25

Kale na u vekile a xiseketelo xa misava, A matilo i ntiro wa mandla ya wena. Maheb. 1:10

Genesisi 1:16

Nungungulu i lo vanga a ziwoningo zimbiri za hombe; a xiwoningo xa hombe ku fumela hlikanhi, ni xiwoningo xi tsongwani ku fumela wusiku: i lo vanga ni tinyeleti.

Tisimu 121:1

Nzi tlakusela mahlo ya mina zitsungeni, Kuta hi kwihi a kuvunetela ka mina ke?

Isaya 48:12

Jakobe, nzi ingise, Na wena Israeli, loyi nzi ku vitanileko; Hi mina yena, nzi wa kuranga, ni kambe nzi wa kugumesa. Isa. 41:4; Kuv. 1:8, 17; 21:6

Isaya 66:2

Hakuva zontlhe lezi zilo zi mahilwe hi canja ga mina, Hikwalaho zontlhe zi lova kona, ku wula Jehova. Nzi ta cuwuka loyi a ti tsongahatako, a nga ni moya wu tshovekileko, Loyi a rurumelako hi gezu ga mina.

Genesisi 1:14

Nungungulu i te ngalo: A kuve kona a ziwoningo mbhinganweni wa tilo, zi hambanyisa hlikanhi ni wusiku, ziva zikombiso za tinguva, ni masiku, ni malembe;

Tisimu 66:3

Muku ka Nungungulu: Yi rewukisa kuyini a mitiro ya wena! Hi kota ya wukulu ga ntamu wa wena a valala va wena va ti koramisa. Deut. 33:29

Tisimu 119:91

Za ha yimile ni nyamutlha kukotisa zileletelo za wena, Hakuva zontlhe zi lahasi ka wena.

Isaya 45:12

Hi mina nzi mahileko misava, Nzi vanga vanhu hehla ka yona; I mandla ya mina ma andleleko matilo, Nzi hloma a mabutho ya wona wontihe.