Isaya 40:10 - Tshwa Bible

¹⁰ Langutani, Hosi Jehova i tata khwatsi i nhenha, A ku ta fuma hi canja gakwe. Langutani, wata ni nchachazelo wakwe, Ni muphango wakwe wa mu rangela.

Isaya 40:10 Referans Kwoze

Kuvululelwa 22:12

Languta, nzata lokuloku ni nchachazelo wa mina, kasi ku ta nyika munwe ni munwani kotisa lezi wu nga zona ntiro wakwe. Isa. 40:10; 62:11; Xip. 20:12

Isaya 62:11

Langutani, Jehova i bile hungu kala magemetamusi ya misava, aku: Byelani a nhwana Zioni, muku: A kuhanyiswa ka wena kala; Wata ni nchachazelo wakwe, Ni muphango wakwe wa mu rangela, Mat. 21:5; Joh. 12:15

Kuvululelwa 17:14

Ti talwa ni Yivana kanilezi ti ta hlulwa hi yona, hakuva a Yivana Mufumeli wa vafumeli ni Hosi ya tihosi; lava va nga zinwe nayo va ta hlula na vonawu, va Uga lava va vitanilweko, va hlawulilweko ni ku tsumbeka. Deut. 10:17; Jer. 50:44, 45; Xip. 19:19

Mateu 28:18

Zonake Jesu i lo tshinela ka vona, aku kabye: Wu nyikilwe ka mina a ntamu wontihe a tilweni ni laha misaveni; Dan. 7:13; Lu. 10:22; Miti. 2:36; Efe. 1:21; Maheb. 1:2

Isaya 49:4

Kanilezi mina nzi te ngalo: Nzi tirile mahala, Nzi mbhetile a ntamu wa mina mahala hi lezi zi nga vuniko nchumu; Hambu zi hi tano, Jehova i ta lamula mhaka ya mina, A nchachazelo wa mina wu le ka Nungungulu wa mina.

Isaya 59:15

Ina, a zinene za vumaleka, Ni loyi a tsikako leʼzo biha wa phangiwa. Jehova i zi wonile, zi mu tsanwisa Hikuva ku nga hi na nongameto.

1 Johani 3:8

Loyi a onhako ngwa Satani, hakuva Satani i onhile hi le kusanguleni. Kanilezi a Nʼwana wa Nungungulu i lo wonekeliswa lezaku a fela ku mbhetisa a mitiro ya Satani. Joh. 8:44; Maheb. 2:14

Johani 12:15

U nga chavi, nhanyana wa Zioni; languta, a Hosi ya wena yata, na yi khilele a role ga mbongola. Zak. 9:9

Tisimu 110:6

Yi ta lamula xikari ka matiko, A zirumbi zi ta mbambamela kontlhe; Yi ta lamata tihloko matikweni manyingi. Isa. 2:4; Kuv. 19:11

Maheberu 2:14

Kota lezi a vana va hlengeleko a nyama ni nkhata, yenawu kambe i lo hlengela ka zona; kasi hi kufa kakwe a fela ku lovisa loyi a nga ni ntamu wa kufa, a nga yena Satani; Joh. 1:14; Rom. 8:3; Fil. 2:7; Kol. 2:15

Johani 12:13

va lo teka mahanga ya micinzu, va huma ku ya mu tlhangaveta, va kanyuluka, vaku: Hozana; a ku khesiwe yena loyi a tako vitweni ga Hosi, loyi a nga Hosi ya vaIsraeli. Tis. 118:25, 26

Isaya 53:12

Hikwalaho nzi ta mu nyika xiavelo xakwe ni vahombe, I ta avana muphango ni laʼva ntamu, Hakuva i nyikele kuhanya kakwe kufeni, A hlayiwa zinwe ni vahambunyeti, Hambu lezo a nga rwala a zionho za vanyingi, A kombelela vahambunyeti. Lu. 22:37; 23:33; Joh. 17:2, 6

Tisimu 66:3

Muku ka Nungungulu: Yi rewukisa kuyini a mitiro ya wena! Hi kota ya wukulu ga ntamu wa wena a valala va wena va ti koramisa. Deut. 33:29

Kuvululelwa 20:11

Zonake nzi lo wona a xitshamu xa hombe xa wuhosi xo basa, ni loyi a tshamileko ka xona; a tilo ni misava zi lo tsutsuma nghoheni yakwe, a zi kumelwangi wutshamu. Dan. 2:35; 2 Ped. 3:10

Malaki 3:1

Langutani, nza rumela a ntsumi wa mina, lowu wu ta nga nzi longisela a ndlela. Zonake a Hosi leyi mu yi hlotako yi tata hi xitshuketi tempeleni ya yona. Langutani, wata a ntsumi wa xivumelwano lowu mu wu langutelako, ku wula Jehova wa tiyimpi. Mat. 11:10; Mar. 1:2; Lu. 1:76

Isaya 28:2

Langutani, a Hosi ya ruma a nala a nga ni ntamu, ni wa ku tiya; Wata khwatsi hi bhubhutsa ga vula ya maralala, Kukotisa a ntalo wa mati ya hombe, lawa ma phandlulako kontlhe, I ta zi hoxa misaveni hi ntamu. 2 Tih. 17:3, 6; 18:10

Isaya 33:2

Jehova, ngha u hi ni wuxinji ka hina! Hi ku langutele. Ngha uva muvuni wa hina ka siku ginwe ni ginwani; Ni muhanyisi wa hina zikhatini za zikarato.

Isaya 51:5

A kululama ka mina ku laha kusuhani, ni kuhanyisa ka mina ka hata; Zonake a mawoko ya mina ma ta lamula matiko; A matiko ya lomu bimbini ma nzi langutela, Ma tsumba woko ga mina.

Isaya 59:16

I wonile lezaku a ku na muyimeli, A hlamala hikuva ku nga hi na muhlanguti. Hikwalaho a woko gakwe wutsumbu gi lo mu vunetela, Ni kululama kakwe ku lo mu seketela.

Isaya 59:18

I ta va chachazela hi ku ringana ni mitiro yabye, A zanga ka valala vakwe, ni ku tlhelisela ka lava va lwako naye; I ta tlhelisela hi fanelo a matiko ya le bimbini.

Isaya 63:5

Nzi lo cuwuka, ku wa nga hi na muvuni; Nzi lo hlamala hikuva ku nga hi na munhu wo nzi seketela. Hikwalaho a canja ga mina nwinyi gi lo nzi vuna, Ni khulo ga mina gi lo nzi seketela.

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

Jeremia 31:16

Kanilezi Jehova aku: U nga ha rili, A mahlo ya wena ma nga halati mihloti; Hakuva mitiro ya wena yi ta hakheliwa, ku wula Jehova; Va ta wuya hi le tikweni ga valala.