Isaya 4:3 - Tshwa Bible

³ Zi ta maheka lezaku loyi a seleko le Zioni, ni loyi a seleko le Jerusalema, va ta hlayiwa kota va basileko, vontlhelele lava va tsalilweko bhukwini ga vahanyako le Jerusalema,

Isaya 4:3 Referans Kwoze

Luka 10:20

Ahemba-lokoke, mu nga tsaki hi lezi a mimoya yi mu ingisako; kanilezi tsakani hakuva a mavito ya nwina ma tsalilwe le tilweni. Ekso. 32:32; Tis. 89:28; Dan. 12:1

Kuvululelwa 21:27

Cima ku nga ta enghena ka wona ni xihi xilo xo nyenyeza, hambu ni loyi a mahako manyala ni mawunwa; ku enghena ntsena lava va tsalilweko bhukwini ga wutomi ga Yivana. Isa. 52:1; Fil. 4:3; Xip. 3:5

Isaya 60:21

A vanhu vontlhe va wena va tava va lulamileko, A tiko gi ta lumba vona kala magumo. Vona i hluke legi nzi byeleko, A ntiro wa mandla ya mina, kasi nza fela ku dumiswa. Mat. 15:13

Isaya 52:1

Vuka, vuka, ambala a ntamu wa wena, O Zioni! Ambala a tinguwo: ta wena to saseka, O Jerusalema, wena muti wa kubasa; Kakuva kusukela ka lezi ku nga ta ha enghena ka wena a makhuna ni va nga hlazekangiko. Kuv. 21:27

Tisimu 69:28

Ngha va vinyiwa bhukwini ga wutomi, Va nga tsaliwi zinwe ni valulamileko. Ekso. 32:32; Fil. 4:3

Kuvululelwa 20:15

Ni wihi loyi ku nga tsaliwangiko a vito gakwe lomu bhukwini ga wutomi, i lo hoxwa tiveni ga nzilo.

Kuvululelwa 17:8

A xihari lexi u xi wonileko xi wa hi kona, kanilezi a xa ha hi kona; xi lava ku huma hi lomu nkeleni wa lieswila, xiya kulobyisweni. A vaaki va misava lava a mavito yabye ma nga tsaliwangiko bhukwini ga wutomi kusukela kuvangiweni ka misava, va ta hlamala loku va wona xihari, hakuva xi wa hi kona, zonake a xa ha hi kona, kasi xi ta tlhela xiva kona. Xip. 11:7; 13:8, 10

Kuvululelwa 13:8

Vontlhe lava va akileko misaveni va ta xi khozela, vontlhe lava a mavito yabye ma nga tsaliwangiko bhukwini ga wutomi ga Yivana leyi yi nga tlhabyiwa hi le kusanguleni ka tiko. Ekso. 32:32; Fil. 4:3; Xip. 17:8

Kuvululelwa 3:5

Loyi a hlulako i ta ambexwa tinguwo to basa; cima nzi nga ta vinya a vito gakwe bhukwini ga wutomi, nzi ta vumela vito gakwe mahlweni ka Dadani wa mina, ni mahlweni ka tingelosi takwe, Ekso. 32:32; Mat. 10:32; Fil. 4:3

Maheberu 12:14

Lavani kurula ni vanhu vontlhe, ni kubasiswa loku munhu a nga zi kotiko ku wona Hosi loku a nga hi nako. Mat. 5:8

Va le Kolosi 3:12

Hikwalaho, kota lezi mu nga vahlawulilweko va Nungungulu, mu basile ni ku ranzeka, ambalani a mbilu yo zwela wusiwana, ni wunene, ni kutikoramisa, ni kurula, ni lihlaza-mbilu. Gal. 5:22; Fil. 2:1; 1 Ped. 1:2

Va le Filipi 4:3

Ina, nza ku khongotela na wenawu xitiri-kulori, vunetela a vavasati lava, hakuva va tirile na mina ivangelini, zinwe na Klemente, ni zinwani zitiri-kulori, lava a mavito yabye ma tsalilweko bhukwini ga wutomi. Rom. 16:3; Ekso. 32:32; Lu. 10:20; Xip. 1:27

Va le Roma 11:5

Hizalezo ni ka lexi xikhati, yi kona a misalela yi hlawulilweko hi tipswalo. Xip. 9:27

Ezekieli 43:12

A nayo wa yindlu hi lowu: A wutshamu gontlhe ga xixungwe xa xitsunga gi tava legi gi hunzeleleko kubasa. Lowu hi nayo wa yindlu.

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

Va le Efesusi 1:4

kota lezi a nga hi hlawula ka yena na ku nga se ku seketelwa misava, lezaku hi tava va kubasa, hi nga hiko na bawa mahlweni ka yena. Lu. 1:75; 1 Ped. 1:2, 20

Mitiro 13:48

Laha a vamatiko na va zi zwile, va lo tsaka, va dumisa a mhaka ya Nungungulu; ni vontlhe lava va nga wa yimiselwe wutomi ga pinzukelwa va lo kholwa. Xip. 2:47

Ezekieli 13:9

A canja ga: mina gi ta vukela a vaprofeti lava va wonako miwoniso ya hava, ni lava va vumbako mawunwa. Va nga ta hlayiwa hubyeni ya vanhu va mina, va nga ta tsaliwa bhukwini ga yindlu ya ka Israeli, ge hambu ku enghena tikweni ga ka Israeli; zonake mu ta zi tiva lezaku hi mina Hosi Jehova.

Isaya 1:27

Zioni i ta tlhatlhiswa hi nongameto, ni vahunzulukileko va gona hi kululama.

Va le Roma 11:4

A hlamulo ya Nungungulu yi te yini kakwe ke? Yi ngalo: Nzi ti siyele a 7,000 wa vavanuna lava va nga khizamangiko mahlweni ka Baali.

Tisimu 87:6

Loku Jehova a hlaya matiko, I ta tsala aku: Va pswalelwe kona. (Sela.)

Isaya 28:5

A ka siku lego Jehova wa tiyimpi i tava xidlodlo xa wuhosi, Ni mubhodi wa wumbhuri a ka misalela ya tiko gakwe;

Isaya 35:8

A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27

Isaya 46:3

Nzi ingiseni, nwina va yindlu ya Jakobe, Nwina nwentlhe mu seleko ka yindlu ya ka Israeli; Nwina lava nzi mu rweleko kusukela kupswalweni ka nwina, Nzi mu beleka na ma ha hi rumbyini ga nyine wa nwina. Ekso. 19:4; Deut. 1:31; 32:11

Isaya 62:12

Va ta vitanwa lezaku Mbanhu va basileko, A vatirulwa va Jehova; Na wena u ta wuliwa lezaku u Loyi a labyiwako, A muti wu nga tsikiwiko.

Joeli 3:17

Zinghaho mu ta zi tiva lezaku hi mina Jehova a Nungungulu wa nwina, loyi nzi tshamako le Zioni xitsungeni xa mina xo basa. Zonake Jerusalema gi ta basa, a vamatiko va nga ta ha hunza hi gona. Isa. 52:1

Obadia 1:17

Kanilezi lava va ponileko va tava le xitsuhgeni xa Zioni, xi tava wutshamu gi basileko; zonake a yindlu ya ka Jakobe yi ta fumela a tshomba yabye.

Malaki 3:16

Zonake lava va chavako Jehova va wulawula munwe ka munwani, na Jehova i dembile ndleve a ingisela, ku tsaliwa a bhuku ka xialakanyiso mahlweni kakwe, ku tsaliwa lava va chavako Jehova ni lava va alakanyako vito gakwe.

Isaya 6:13

Loku ku sala munwe xikari ka va khume, na yena i ta hunza xikari ka nzilo, khwatsi hi sinya ya munga ni nkanyi, hambu loku yi tsemilwe a xibho xi ta hluka xi humesa matluka. A xibho xa kona xi tava mbewu yi basileko.

Zakaria 14:2

Hakuva nzi ta tsombanyisa a matiko wontlhe kasi kulwa ni Jerusalema, a muti wu ta tekiwa, a tiyindlu ti phangiwa, ni vavasati va pfinyiwa. A khihlanya ga vanhu va muti gi ta yiswa wukhumbini, kanilezi a misalela ya vanhu yi nga ta humeswa mutini.