Isaya 38:12 - Tshwa Bible

¹² A yindlu ya mina yi susiwa, yi yiswa kule A kukotisa a xaxa wa murisi; Nzi songile a wutomi ga mina khwatsi hi muluki, Wa nzi tsema lomu ka xikhato; Na ku nga se ku chikela wusiku u nzi mbhetile.

Isaya 38:12 Referans Kwoze

Maheberu 1:12

U ta ma songa kota nguwo, U ta ma hunzula kukotisa kuhendleletwa ka tinguwo; Kanilezi wena u ywaloye, Ni malembe ya wena ma nga ta mbhela.

2 Va le Korinte 5:1

Hakuva ha zi tiva lezaku loku wu hahluka a xaxa wa miri wa hina, yi nga yindlu ya hina ya misava, hi na ni yindlu leyi yi akilweko hi Nungungulu, leyi yi nga akiwangiko hi mandla, ya pinzukelwa le tilweni. Fil. 3:21; Maheb. 11:10; 2 Ped. 1:13

Tisimu 73:14

Hakuva nzi lo hlokiswa a siku gontlhe, Nzi tsayiswa mixo ni mixo.

Jakobe 4:14

kasi lezo a mu zi tivi za manziko. Xini a wutomi ga nwina ke? Hakuva nwina mu hunguva, leyi yi wonekako xikhatanyana, yi nyamalala. Joba 7:7; Tis. 102:3

2 Va le Korinte 5:4

Hizinene, hina lava hi nga ka lowu xaxa ha keta ni ku binzwa; na ku nga hi lezaku hi ranza a ku tlumulelwa tinguwo, kanilezi hi ranza ku ambaliswa, kasi lezi zi fako zi fela ku mitiwa hi kuhanya. 1 Kor. 15:53

Isaya 13:20

Cima gi nga ta ha vuxiwa kambe, Vanhu va nga ta ha aka kona zizukulwaneni zontlhe; Ge hambu a muArabia a nga ta gwimba a tenda gakwe lomo; Ni varisi va nga ta govela kona ni mitlhambi yabye.

Isaya 1:8

Ku sele ntsena a nhanyana wa Zioni khwatsi xikupe le xivineni, khwatsi i xaxa le sinwini ga mariwa, khwatsi i muti wu vimbezelweko.

Tisimu 119:23

A tihosana ti tshama ti wulawulisana ha mina, Kanilezi a nanza ga wena gi ehleketa a ziyimiso za wena.

Tisimu 102:11

A masiku ya mina ma fanana ni nzhuti wa laha gambyeni, Nzi wunile kukotisa byanyi. 1 Ped. 1:24

Tisimu 31:22

A kuxanisekeni ka mina nzite: Nzi hlongolwe mahlweni ka wena, Hambu zi hi tano, u zwile a mikhongelo ya mina Laha nzi ngaba huwa ka wena.

Joba 17:1

A muhefemulo wa mina wu gohekile, A masiku ya mina ma mbhelile, A nkele wu nzi rinzele.

Joba 14:2

Wa mila kukotisa xitsangi, zonake a wuna; Wa nyamalala kukotisa nzhuti, a nga have kona. Maheb. 13:14

Joba 6:9

Loku ku wo khwatsi za mu xalalisa Nungungulu a ku nzi lovisa; A nawuluta canja gakwe a nzi mbhetisa!

Joba 4:20

Va lobyiswa kusukela ni mixo kala gambyeni: Va lova kala kupinzuka na va nga khatalelwi.

Tisimu 90:5

Wena u va kukuleta, vaku khwatsi mburongo. Laha mixweni va hluka ku fanana ni byanyi; Isa. 40:6; 1 Ped. 1:24