Isaya 33:22 - Tshwa Bible

²² Hakuva Jehova hi mulamuli wa hina, Jehova munyiki wa nayo wa hina, Jehova i Hosi ya hina, i ta hi hanyisa.

Isaya 33:22 Referans Kwoze

Jakobe 4:12

Munwe ntsena a nga muyimisi wa milayo ni mulamuli; hi yena loyi a zi kotako ku hanyisa ni ku daya. Kanilezi hi wena mani loyi u lamulako a wakelene wa wena ke? Mat. 10:28; Rom. 14:4

Mitiro 5:31

Kanilezi Nungungulu i lo mu tlakusa hi canja gakwe ga xinene, a kuva Hosi ni Muhanyisi, kasi ku nyika kuhunzuluka ka Israeli, ni kutsetselelwa ka zionho. Xip. 2:33; Fil. 2:9; Isa. 9:6; Ezek. 34:24; Mat. 1:21; Efe. 1:7

Isaya 25:9

A ka siku lego va taku: Langutani, loyi hi yena Nungungulu wa hina; Hi mu tsumbile, i ta hi ponisa; Hi yena Jehova, loyi hi mu rinzeleko, A hi tsakeleni kuhanyisa kakwe!

Tisimu 89:18

Hakuva a xitlhangu xa hina xi lumba Jehova, A hosi ya hina nja Wakubasa wa Israeli.

Isaya 35:4

Wulani ka vona lava va nga ni hlenekera, muku: Tiyisani timbilu, mu nga chavi! Langutani, wata Nungungulu wa nwina, i ta mu photela, Wu nga wona nchachazelo wa Nungungulu; I tata a ta mu hanyisa.

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Kuvululelwa 19:16

Laha ngubyeni yakwe hi laha xiwunwini ku wa tsalilwe a vito gaku: Hosi ya tihosi tlhelo Mufumeli wa vafumeli. Dan. 2:42; 1 Tim. 6:15; Xip. 17:4

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Tisimu 75:7

Kanilezi loyi a lamulako hi Nungungulu; I tsongahata munwe, a kulisa munwani: 1 Sam. 2:6; Dan. 4:32; Lu. 1:52

Tisimu 50:6

A matilo ma tlhatlhambuta a kululama kakwe, Hakuva hi Nungungulu wutsumbu a nga mulamuli. (Sela.)

Mateu 25:34

Zonake a Hosi yi taku ka vona lava va nga reveni gakwe ga xinene: Ngonani nwina mu katekisilweko hi Dadani, mu taga a tshomba yi nga wona mufumo lowu wu longiselelweko nwina kusukela kusanguleni ka misava. Rom. 8:17; Kuv. 21:7; 1 Kor. 2:9

Isaya 16:5

Zonake a xitshamu xa wuhosi xa wena xi ta tiyiswa hi wumbilu; Hehla ka xona ku ta tshama mulamuli lomu tabernakelini ga Davida, Loyi a ta nga tshanza nongameto, a hatlisako ku maha kululama. Jer. 23:5; 33:15

Isaya 11:4

Kanilezi lava va vumalako i ta va lamula hi kululama, A tshanza hi nongameto timhakeni ta lava va tsimbeketilweko misaveni; I taba misava hi nhonga ya nomu wakwe, A lovisa vaonhi hi moya wa nomu wakwe. Joba 4:9; 2 Tes. 2:8; Kuv. 2:16

Deuteronome 33:2

Jehova i lota hi le Sinai, A ta va tsuwukela hi le Seire: I lo woninga na hi le xitsungeni xa Parani, Na sukela xikari ka zidlemo zo basa; Lomu canjeni gakwe a nzilo wa nayo wu lo va humelela. Dan. 7:10; Miti. 7:53; Gal. 3:19

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

Tisimu 98:9

Mahlweni ka Jehova, hakuva wata a ku ta lamula misava; I ta lamula tiko hi nongameto, Ni matiko hi kululama kakwe. Miti. 17:31

Tisimu 74:12

Hakuva, Nungungulu, u Hosi ya mina kusukela kaleloko, Hi wena u hanyisako laha misaveni.

Tisimu 44:4

Nungungulu, wena u hosi ya mina, Leletela a kuhlula ka Jakobe.

Nehemia 10:14

A manghanakana ya tiko: Paroxa, Pahat-Moabi, Elami, Zattu, Bani;

Maheberu 5:9

na a mbhelelisilwe i lo maha a muvangi wa kuhanyiswa ka pinzukelwa, ka vontlhe lava va mu ingisako;

2 Va le Korinte 5:10

Hakuva hina hontlhe hi yimelwe hi ku wonekeliswa kota lezi hi nga zona mahlweni ka xitshamu xa kulamula xa Kristu; kasi munwe ni munwani a fela ku amukela lezi zi ringanako lezi a zi mahileko na a ha hi mirini, kutani zo saseka hambu zi hi za kubiha. Kuv. 22:12

Mateu 21:5

Byelani a nhanyana wa Zioni, muku: Languta, a Hosi ya wena yata ka wena, Yi rulile, yi khilele mbongoleni, A role ga pswele ga mbongola.

Luka 2:11

Hi lezaku nyamutlha mu belekelwe a Muhanyisi le mutini wa Davida, loyi a nga Kristu a Hosi. Isa. 9:6; Mat. 1:21

Isaya 1:10

Zwanani mhaka ya ka Jehova nwina vafumeli va Sodoma; ingisani nayo wa Nungungulu wa hina, nwina vanhu va Gomora.

Isaya 2:4

I ta lamula xikari ka mifumo, a tsema timhaka ta matiko manyingi. Va ta tlomba tisupado tabye ti maha zikomu, hi matlhari yabye va ta fula mibhera. A tiko gi nga ha talwa ni ginwani, ge hambu a ku gonza kulwa. A siku ga Jehova.

Isaya 33:17

A mahlo ya wena ma ta wona hosi wumbhurini ga yona, Ma ta wona a tiko gi anamileko.

Isaya 37:20

Makunu Jehova, Nungungulu wa hina, hi ponise canjeni gakwe, kasi a matiko wontihe ya misava ma ta zi tiva lezaku wena wece u Jehova.

Isaya 49:25

Kanilezi Jehova e ngalo: Ina, a tikhumbi ta nhenha ti ta tlhatlhiswa, Ni muphango wa loyi a Wulileko wu ta wutliwa; Hakuva mina nzi talwa ni valala va wena, Nzi ponisa vana va wena.

Isaya 49:26

A vatsimbeketi va wena nzi ta va gisa nyama yabye, Va ta popiwa hi nkhata wabye wutsumbu, khwatsi hi vinya giswa; Zonake a nyama yontlhe yi ta zi tiva lezaku mina Jehova nzi muhanyisi wa wena, Ni Nyamintamu wa ka Jakobe Mutiruli wa wena.

Isaya 51:4

Ingisa, wena tiko ga mina, Mu kangatela ndleve, nwina hlengeletano ya mina; Hakuva a nayo wu ta huma ka mina, Nzi maha nongameto wa mina a kuva kuwonekela ka tiko.

Isaya 51:5

A kululama ka mina ku laha kusuhani, ni kuhanyisa ka mina ka hata; Zonake a mawoko ya mina ma ta lamula matiko; A matiko ya lomu bimbini ma nzi langutela, Ma tsumba woko ga mina.

Isaya 51:7

Nzi ingiseni, nwina lava mu tivako kululama, Wena tiko u nga ni nayo wa mina mbilwini ya wena; Mu nga chavi ku tseketselwa hi vanhu, Ge hambu ku dzukiswa hi xiruko zabye.

Isaya 60:16

U ta anwa a mafi ya matiko, Ina, u ta anwa a mavele ya tihosi; Zonake u ta zi tiva lezaku mina Jehova nzi Muhanyisi wa wena Ni Mutiruli wa wena, a Nyamintamu wa ka Jakobe.

1 Samueli 12:12

Laha mu nga wa wonile Nahaxi a hosi ya va ka Amoni, na ata ku ta mu vukela, mu te ngalo ka mina: Za hava, kanilezi a hosi yi ta hi fumela, laha Jehova Nungungulu wa nwina a nga wa hi hosi ya nwina.

Tisimu 44:5

Hi kota ya wena hi ta wisa valala va hina; A vitweni ga wena hi ta kanzihela lava va hi vukelako.

Isaya 24:23

Zonake a hweti yi tava ni tingana, ni gambo gi wiswa tingana; hakuva Jehova wa tiyimpi i ta fuma le xitsungeni xa Zioni ni le Jerusalema, ni masingalakati yakwe ma ta wona kungangamela kakwe.

Isaya 41:21

Tlhatihambutelani a timhaka ta nwina, ku wula Jehova; Humesani wumboni ga nwina, ku wula Hosi ya Jakobe.

Isaya 44:6

Jehova, a Hosi ya ka Israeli, Ni Mutiruli wakwe, Jehova wa tiyimpi, i ngalo: Nzi wo sangula, ni wo gumesa, Ahandle ka mina a ku na Nungungulu. Isa. 41:4; Kuv. 1:8, 17