Isaya 32:3 - Tshwa Bible

³ A mahlo ya lava va wonako ma nga ta kuva xilutsu, Ni tindleve ta lava va zwako ti ta ingisela.

Isaya 32:3 Referans Kwoze

Isaya 29:18

Hi siku lego a ziwiri zi tazwa a timhaka ta bhuku, Ni mahlo ya zikhumu ma ta susiwa phume ma wona munyameni;

2 Va le Korinte 4:6

Hakuva Nungungulu loyi a ngaku ngalo: A kuwonekela ku ta woninga hi le munyameni, hi yena a nga woninga timbilwini ta hina, kasi ku woningela vanhu lezaku va tiva a kungangamela ka Nungungulu loku ku nga kona nghoheni ya Kristu. Gen. 1:3; Tis. 27:1; Isa. 2:5; Efe. 5:8, 14; 2 Ped. 1:19

Mitiro 26:18

a kuva u vulula mahlo yabye, kasi va huma munyameni vata kuwonekeleni, va suka ntanweni wa Satani vata ka Nungungulu, lezaku va tsetselelwa zionho, va va ni tshomba xikari ka lava va basisilweko hi ku kholwa ka mina. Lu. 1:77, 79; Joh. 8:12; 2 Kor. 4:4; Efe. 1:11; Kol. 1:12-13

Marku 7:37

Va lo hlamaliswa nguvu, vaku: Yena i mahile zilo zontlhe khwatsi: i maha ni ziwiri a kuzwa ni timbeveve ti wulawula.

Isaya 54:13

Vontlhe a vana va wena va ta maha vapizani va Jehova, A vana va wena va tava ni kurula ka hombe. Joh. 6:45; Rom. 5:1

Isaya 29:24

Lava a moya wabye wu hambukileko va ta gonza wutlhari, Ni lava va nga kalala va ta kuma wutivi.

Mateu 13:11

I lo hlamula aku ngalo kabye: Hakuva nwina mu nyikilwe ku tiva mifihlakalo ya mufumo wa tilo, kanilezi vena a va nyikiwangi. Xip. 11:25; Mar. 4:11; 1 Kor. 2:10

Jeremia 31:34

A vaakelani va nga ta ha gonzisana, Munhu a nga ta gonzisa makabye, aku: Tiva Jehova! Hakuva vontlhe va ta nzi tiva, Kusukela ka vatsongwani vabye kala vahombe, ku wula Jehova. Hakuva nzi ta va tsetselela a kubiha kabye, Cima nzi nga ta ha alakanya a zionho zabye. Mika 7:18; Joh. 6:45; Rom. 11:27

Isaya 30:26

A nweti wu ta fanana ni kuwonekela ka gambo, ni kuwonekela ka gambo ku ta engetelwa hi ka ntlhanu ni kumbiri, kukotisa kuwonekela ka ntlhanu wa masiku ni mambiri, hi siku legi Jehova a ta nga bohelela a timbanga ta tiko gakwe, a holisa a timbirimbi ta kubiwa kabye.

Isaya 42:16

Nzi ta fambisa a zikhumu a ndleleni zi nga yi tiviko, Nzi zi rangela mipfutleni zi nga yi tiviko; Nzi ta hunzula munyama wu maha kuwonekela mahlweni kabye, Ni matlhelo ma byekeleko ma ta lulametwa. Lezi zilo nzi ta zi maha, nzi nga ta zi tsika.