Isaya 30:8 - Tshwa Bible

⁸ Makunu, famba u ya zi tsala lomu ka bakwa mahlweni kabye, u zi tsala ni lomu bhukwini, kasi za hlayiselwa zikhati zi tako, xiva xikombiso xa pinzukelwa.

Isaya 30:8 Referans Kwoze

Habakuka 2:2

Jehova i lo nzi hlamula, aku: Tsala a muwoniso, u wu dlunyatisa laha ka timbila, kasi loyi a wu gonzako a wu pima hi xihatla.

Isaya 8:1

Jehova i te ngalo ka mina: Teka a bakwa ya hombe u tsala ka yona hi maletela ma wonekako, uku: Va hatlisisa ku phanga, ku tsutsumelwa wuphango.

Deuteronome 31:22

Zonake Mosi i lo tsala leli lisimu gwalego siku, ni kuva li gonziswa a vanana va ka Israeli.

Jeremia 51:60

Jeremia i lo tsala lomu bhukwini hi makhombo wontihe ma ta nga wela Babuloni, ti nga timhaka tontlhe leti ti xungetako Babuloni.

Jeremia 36:2

Ti tekele a bhuku u tsala tontlhe timhaka leti nzi ku byelileko ha Israeli na Juda, ni xungetano hi wontihe matiko, a kusukela a siku lego nzi nga wulawula na wena a masikwini ya Josia kala nyamutlha lezi.

Deuteronome 31:19

Makunu lezi ti tsaleleni lisimu leli, u li gonzisa a vanana va ka Israeli, u li enghenisa lomu milonwini yabye, kasi leli lisimu li maha kustumunyu wa mina xikari ka vanana va ka Israeli.

Mitsengo 24:14

Makunu mina nza famba ka hina. Kanilezi ngone nzi ta ku kombisa lezi zi ta nga mahiwa hi lava vanhu lomu tikweni ga wena ka masiku ma ha tako.

Deuteronome 4:30

Laha u ta ngava zikaratweni, ni loku lezi zilo zontlhe zi chikela ka wena, hi zikhati za ha tako u ta tlhelela ka Jehova Nungungulu wa wena, zonake u ta ingisa a gezu gakwe.

Juda 1:18

laha va nga ku ngalo ka nwina: Hi xikhati xa kugumesa ku tava kona a vatseketseli, lava va fambako hi kumbilukela kabye ka kubiha. 1 Tim. 4:1

2 Pedro 3:3

A kuranga tivani lezaku a masikwini ya kugumesa ku tata a vatseketseli va wulawula kutseketsela, na va famba kumbilukeleni kabye, 1 Tim. 4:1

1 Timote 4:1

Kanilezi a Moya wa wula wu tiyisa lezaku a vanwani va ta tsika kukholwa a zikhatini za ha tako, va ingisa a mimoya leyi yi kanganyisako ni gonzo ya madimoni, Dan. 11:35; Joh. 16:13; 1 Ped. 1:20; 2 Ped. 2:1; Kuv. 9:20

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Ezekieli 38:16

U tata u talwa ni tiko ga mina Israeli, u kotisa refu gi fenengetako misava. Loku ku hunzile malembe yo tala nzi ta ku ruma u yalwa ni tiko ga mina, kasi a matiko ma fela ku nzi tiva, laha nzi ta nga hlawuleka ha wena Goge, mahlweni kabye.

Jeremia 48:47

Hambu lezo, nzi ta tlhelisela Moabi a vakhonwilweko vakwe masikwini ya kugumesa, ku wula Jehova. Loko hi kona a kulamulwa ka Moabi.

Jeremia 23:20

A zanga ya Jehova yi nga ta bohla na a nga se ku tatisa a mixuvo ya mbilu yakwe; a masikwini ma ha tako mu ta zi pimisisa khwatsi.

Isaya 2:2

A masikwini yo gumesa a xitsunga xa yindlu ya ka Jehova xi ta yimiswa le xixungweni xa zitsunga, yi tlakusiwa hehla ka zitsunga zinwani; wontihe matiko ma taya kona. Jer. 3:17; Mika 4:1

Deuteronome 31:29

Hakuva nza zi tiva lezaku loku nzi file, mu ta ti bihisa futsi, mu hambuka ndleleni leyi nzi mu leleteleko yona; ni makhombo ma ta mu chikelela hi zikhati za ha tako; hakuva nwina mu ta maha kubiha mahlweni ka Jehova; mu ta mu zangarisa hi mitiro ya mandla ya nwina.

Isaya 34:16

Hlotani lomu bhukwini ga Jehova, mu gonza: A xi kona ni xinwe xi ta nga vumaleka, A xi kona xi ta nga vumala munghana wa xona; Hakuva a nomu wa Jehova wu wulile lezo, Ni Moya wakwe wu zi tsombanyisile.

Jeremia 30:2

Jehova, a Nungungulu wa Israeli i ngalo: Tsala lomu ka bhuku tontlhe a timhaka leti nzi ku byelileko.

Jeremia 36:4

Zonake Jeremia i lo vitana Baruke nʼwana Neria, na Baruke i lo tsala bhukwini hi nomu wa Jeremia, a magezu wontihe ya Jehova lawo a nga ma wulile kakwe.