Isaya 30:6 - Tshwa Bible

⁶ A xiprofeto xungetano hi zivanza za tiko ga Dzonga. Va rwexa a pfuno wabye ni titshomba tabye ka timbongola ni makameli, Vaya tsemakanya tikweni ga zikarato ni hlomulo, Laho ku tako ha kona a nghala ya pswele ni ya matsune, Zinwe ni phiri ni drako gi purumako, Kasi kuya tikweni legi gi nga zi kotiko ku va bhinzulela nchumu.

Isaya 30:6 Referans Kwoze

Deuteronome 8:15

loyi a ku fambisileko xiwuleni xa hombe xo tshisa, lomu xikari ka tinyoka ta wuxungu ni tihume, ni lomu ka matshamu ma womileko, laho ku nga hi hava ni mati; yena a humesa mati hi lomu ribyeni, Ekso. 17:6; Mitse. 20:11; Tis. 78:10

Jeremia 11:4

lexi nzi layeleko a vararu va nwina a siku lego nzi va humesileko a tikweni ga Gipite, a phingweni ga nyunzo ya xiketse, nziku: Ingisani a gezu ga mina, mu maha zontlhe lezi nzi mu rumako; zonake mu tava tiko ga mina, na mina nzi tava Nungungulu wa nwina, Ekso. 19:5; 1 Tih. 8:51

1 Tihosi 10:2

I lota le Jerusalema na hi ni vanhu vo tala nguvu, na va hi ni makameli ma rweleko mipepo yo nuhela, ni nzalama yo tala nguvu, ni maribye ya tsengo. I lota ka Solomoni a ta mu hlawutela zontlhe zi nga hi mbilwini yakwe.

Deuteronome 4:20

Nguvu nwina, Jehova i mu humesile khombarini ga nzilo wa le Gipite, kasi mu fela ku maha vanhu vakwe kota lezi mu zi wonako nyamutlha.

Mateu 12:42

A muzinza wa le Dzongeni i ta suka a yima kulamuleni zinwe ni xizukulwana lexi, i ta xi kona; hakuva i tile hi le magemeta-musi a ku tazwa a wutlhari ga Solomoni; kasi a wahombe ku hunza Solomoni i kona laha. 1 Tih. 10:1; Lu. 11:31

Hosea 12:1

Efraime wa risa mheho, a lanzela mheho ya Mutsuwuka-gambo. Wa ha simamisa ku anzisa mawunwa ni lobyiselelo; va maha xivumelwano na Assiria, va rwala a mafura maya Gipite.

Jeremia 2:6

A va wulangi, vaku: I kwihi Jehova, Loyi a hi humesileko le tikweni ga Gipite, Loyi a hi rangeleko xiwuleni, lomu tikweni ga zigwangwa ni marinzi, Hi tsemakanya a tiko gi omileko ni ga nzhuti wa kufa, A tiko gi nga hi hava vahunzi ni vaaki?

Isaya 57:9

U yile le hosini ni mafura, U anzisa mafura ya wena yo nuhela; U rumile kule a mitsukano ya wena, U yi rumela ni le Xeoli.

Isaya 19:4

Nzi ta nyikela maGipite mandleni ya hosi ya lunya; Va ta fumelwa hi hosi ya tihanyi, Ku wula Hosi Jehova wa tiyimpi.

Isaya 15:7

Hikwalaho a titshomba ti seleko, ni lezi v a zi veketeieko, Va zi yisa congweni wa ziphutsu.

Isaya 8:22

Va ta cuwuka hehla, va tlhela va cuwuka misaveni; kanilezi ku kona lomu a hlomulo, ni munyama, ni kuphuma ka kutsikwila; zonake va ta susumetelwa munyameni.

2 Kronekele 16:2

Zonake Asa i lo humesa a siliva ni nzalama lomu kwameni wa yindlu ya Jehova ni wa yindlu ya hosi, a yi rumela ka Ben-Hadade a hosi ya le Siria yi nga wa akile le Damasku, aku ngalo:

2 Kronekele 9:1

Laha a muzinza wa le Xeba wu nga wa zwile hi wudumo ga Solomoni, wu lota le Jerusalema a ku ta ringa Solomoni hi ziwutiso zo binza; wu lota ni vanhu vo tala nguvu, ni makameli lawa ma nga wa rwele makha ni nzalama yo tala, ni maribye ya malongo. Wu lota ka Solomoni wu ta mu hlawutela lezi zi nga wa hi mbilwini ya wona. Mat. 12:42; Lu. 11:31

Deuteronome 17:16

Ntsena lezaku a nga ti longiseli a mahaxi yo tala, hambu ku zwanana ni Gipite kasi kuva ni mahaxi yo tala; hakuva Jehova i te ngalo ka nwina: Mu nga ha tlheli kambe muya hi ndlela leyo. 1 Tih. 10:26, 28; Isa. 31:1

Eksodusi 1:14

Va lo va hlokisa kuhanya kabye hi mitiro yo binza ya zitini, ni mitiro yontlhe ya masimu; a mitiro yontlhe leyo va wo va tirisa hi timbiti.

Genesisi 12:9

Zonake Abrama i lo simama ku famba a komama Dzongeni.

Mitsengo 21:8

Jehova i te ngalo ka Mosi: Maha a nyoka yo tshisa u yi hayeka laha mhanzeni, kasi loku munhu a lumiwa hi nyoka, i ta cuwuka ka nyoka leyi ya suku, a hanya.

Isaya 5:30

A ka siku lego va ta dzuma hehla ka vanhu khwatsi hi kugobhoza ka bimbi, Ni loyi a langutelako misaveni, i ta wona munyama ni hlomulo, A tilo gi pfupeliswa hi munyama.

Isaya 14:29

Wena tiko gontlhe ga Filistia u nga tsaki, Hikuva yi tshovekile a nhonga leyi yi nga kuba; Hakuva a mutswini wa nyoka ku ta huma xihihigani, Ni pswalo wa xona wu tava a nyoka yo tshisa yi hahako. 2 Tih. 18:8; Jer. 47:1

Isaya 35:9

Yi nga tava ni nghala, Ne ni zivanza zo leva zi nga tava kona, Zi nga ta kumeka lomo; Kanilezi yi ta famba lava va tlhatlhisilweko.

Ezekieli 20:46

Nʼwana wa munhu, hunzuluka u cuwuka Dzongeni, u kanela a mhaka ya wena tlhelweni ga Dzonga, u profetela a tiko ga makhwati ya le Dzongeni;

Mika 6:14

U taga, kanilezi u nga ta xura; yi ta ala yi zwala a ndlala nzeni ka wena. U ta rwala a tshomba, kanilezi yi nga ta pona; lezi u ta nga zi ponisa nzi ta zi nyikela supado.

Zakaria 9:9

Tsaka nguvu, nhanyana wa le Zioni! Bana mikulungwani, wena nhanyana wa le Jerusalema. Languta, a hosi ya wena yata ka wena. I lulamile, i na ni kuhlula; ngwa ku ti koramisa, i khilele a mbongola, a role ga pswele ga mbongola. Isa. 12:6; Mat. 21:5; Joh. 12:15

Joba 39:11

U nga yi tsumba hilezi a ntamu wa yona wu nga wa hombe ke? Kutani u ta yi leletela a mitiro ya wena ke?

Hosea 12:2

Jehova wa holova na Juda, i ta tsayisa Jakobe maringano ni tindlela takwe, a mu chachazela maringano zimaho zakwe.

Zakaria 6:6

A kareta leyi yi kokiwako hi mahaxi ya ntima yi famba tikweni ga Nwalungu, lawa yo basa ma lanzela hi lenzhako; lawa ya matlhakatlhaka ma loya tikweni ga le Dzongeni.