Isaya 30:33 - Tshwa Bible

³³ Hakuva Tofeti kale na gi longisilwe, Ina, gi longiselwe hosi; I khele ga hombe go eta, Gi tele hi nzilo ni tihunyi to tala; Na gi dzivelwa hi kuhefemula ka Jehova ku fananako ni congo wa solufa. 2 Tih. 23:10; Jer. 7:31; Kuv. 19:20

Isaya 30:33 Referans Kwoze

2 Tihosi 23:10

A hosi yi lo nyenyezisa Tofeti legi gi nga le koveni wa vanana va ka Hinome, kasi a ngave kona munhu a ta nga hisa a nʼwana wakwe wa mufana kutani wa nhanyana laha nzilweni wa Moloke. Levi 18:21; Jer. 7:31

Jeremia 19:6

Hikwalaho a masiku ma tshinele, ku wula Jehova, lezaku legi wutshamu gi nga ta ha vitanwa ku Tofete, hambu kuva Nkova wa nʼwana wa Hinnome, kanilezi i Nkova wa Silaho.

Genesisi 19:24

zonake Jehova i lo nisa a solufa ni nzilo hehla ka Sodoma ni Gomora, zita hi ka Jehova le tilweni. Deut. 29:23; Isa. 13:19; Lu. 17:29

1 Pedro 1:8

loyi mu mu ranzako hambu lezi mu nga mu wonangiko; loyi mu kholwako ha yena hambu lezi mu nga mu woniko makunu, mu tsaka nguvu hi kutsaka loku ku nga wulekiko, loku ka hombe; Joh. 20:29; 1 Joh. 4:20

Maheberu 13:8

Jesu Kristu hi yaloyi wa tolo ni nyamutlha ni ku kala kupinzuka. Joh. 8:58; Kuv. 1:4

Mateu 25:41

Zonake i taku ngalo ka lava va nga reveni gakwe ga xibhabha: Sukani ka mina, nwina mu rukatelweko, mu ya nzilweni wa pinzukelwa lowu wu longiselweko Satani ni tingelosi takwe; Tis. 6:8; 2 Ped. 2:4

Mateu 4:22

Zalezo va lo siya a ngalava ni raru wabye, va lanza Jesu.

Juda 1:4

Hakuva ku enghenile vanhu vo kari hi xihundla, lava ku tsalilweko kale ha vona lezaku va ta koneka kulamulweni, mbanhu va nga chaviko Nungungulu, va hunzula tipswalo ta Nungungulu wa hina va ti yisa wubhayini va kaneta loyi a nga yena Nwinyi wa hina ni Hosi, Jesu Kristu. Rom. 9:21; 2 Ped. 2:10; 1 Joh. 2:22

Isaya 37:38

A xikhati xo kari laha a nga wa khozela lomu ndlwini ya nungungulu wakwe Nisroko, a vana vakwe Adrammeleki na Xareza va lo mu daya hi supado, va tsutsumela tikweni ga Ararate. A nwana wakwe Esar-haddoni i lo fuma wutshanwini gakwe.

Joba 4:9

Va lova hi kuhuhuxa ka Nungungulu, Va mbhetiswa hi kuphuxuka ka zanga yakwe.

Isaya 10:17

A kuwonekela ka Israeli ku ta hunzuka ku maha nzilo, Ni Wa ku Basa wakwe i ta maha langavi, Gi ta vura gi hisa a mizwa ni zigetlwani zakwe hi siku ginwe.

Isaya 11:4

Kanilezi lava va vumalako i ta va lamula hi kululama, A tshanza hi nongameto timhakeni ta lava va tsimbeketilweko misaveni; I taba misava hi nhonga ya nomu wakwe, A lovisa vaonhi hi moya wa nomu wakwe. Joba 4:9; 2 Tes. 2:8; Kuv. 2:16

Isaya 31:9

A khokhola gakwe gi ta lova hi kuchava, ni tihosana takwe ti ta rurumela mahlweni ka nghapa, ku wula Jehova, loyi a nzilo wakwe wu nga le Zioni, ni nzhimbo wakwe wu nga le Jerusalema. 2 Tih. 19:35

Isaya 34:9

A micongo ya le Edome yi ta hunzuka yiva phiriwa, Ni tshuri wa kona wu hunzuka wuva sulufa, A tiko ga kona gi ta hunzuka giva phiriwa gi vurako.

Isaya 66:15

Hakuva Jehova i tata hi nzilo, Ni tikareta takwe ti ta fanana ni xipupuri; Kasi ku neha zanga yakwe yi hisa, A kawuka hi malangavi ya nzilo. 2 Tes. 1:8; 2 Ped. 3:7

Jeremia 4:4

Mahani zitshiva ka Jehova, Mu susa a dewu ga timbilu ta nwina, Nwina vavanuna va ka Juda ni vaaki va Jerusalema, Kasi a zanga ya mina yi nga ta vutsuka kota nzilo, Wu vura lezaku wu nga timiwi, Hi kota ya kubiha ka mitiro ya nwina. Deut. 10:16; Rom. 2:28; Kol. 2:11

Ezekieli 21:31

Nzi ta chulula a zanga ya mina hehla ka wena, nzi ta ku pupuxela hi nzilo wa khulo ga mina, nzi ku nyikela mandleni ya vanhu va tihanyi, lava va tlharihileko kuloviseni.

Danieli 7:10

Ku lo huma a congo wa nzilo hi le mahlweni kakwe, a mazana ya mazana ma lo mu khozela, ni 10,000 ma wuyetilweko hi 10,000 ma lo yima mahlweni kakwe. Ku wa hi ni hubye yo lamula, ku vululiwa mabhuku. Kuv. 5:11; 20:12

Deuteronome 4:24

Hakuva Jehova Nungungulu wa wena i nzilo lowu wu hisako, i Nungungulu loyi a pinyamako.

Isaya 33:14

A vaonhi va le Zioni va chava; A vakubiha va rurumela, vaku: Himani xikari ka hina a ta nga tiya a yima nzilweni lowu wu hisako? Himani a ta nga hanya malangavini ma nga timekiko? Deut. 4:24; Isa. 30:27

Danieli 11:36

A hosi yi ta maha kuranza ka yona; yi ta ti kukumukisa yi ti kulisa hehla ka vanungungulu vontlhe; yi ta wulawula tinzhukano ti hlamalisako hi Nungungulu wa vanungungulu. Yi ta humelela kala kugumeseni ka xikhati xa zanga, hakuva lexi xi yimisilweko xi ta maheka. 2 Tes. 2:4; Kuv. 13:5