Isaya 30:22 - Tshwa Bible

²² Zonake mu ta nyenyezisa a siliva leyi yi nameketilweko zifananisweni za nwina, ni nzalama leyi yi nameketilweko zifananisweni mu ta yi hoxa kota zilo za chaka, muku: Suka!

Isaya 30:22 Referans Kwoze

Isaya 31:7

Hakuva a ka siku lego munwe ni munwani i ta hoxa a zifananiso zakwe za siliva ni za nzalama, lezi a mandla ya nwina ma zi mahileko kasi mu fela ku onha ha zona.

Zakaria 13:2

Hi siku lego, ku wula Jehova wa tiyimpi, nzi ta fuvisa a mavito ya zifananiso laha tikweni, zi nga ha alakanyiwi kambe. Nzi ta hlongola a vaprofeti ni moya wu nga hlazekangiko lomu tikweni. Ezek. 30:13; Hos. 2:17; 1 Joh. 4:1

Isaya 46:6

Va humesa a nzalama mikwameni, va pima a siliva xikalwini; Va vitana a mufuli a kuva a maha nungungulu ha zona, Loyi va ta nga mu khizamela, va mu khozela. Vala. 17:4; Jer. 10:3

Hosea 14:8

Efraime, i mhaka muni nzi nga nayo ni zifananiso? Mina wutsumbu nzi mu hlamule, nzi ta mu khatalela. Mina nzi kota a sinya yo nyuka ya khuwu, a mihanzu ya wena u ta yi kuma ka mina.

Ezekieli 36:31

Zonake mu ta alakanya a tindlela ta nwina to biha, ni zimaho za nwina zo nyenyeza. Mu ta ti swihala hi kota ya kubiha ka nwina ni manyalataniso ya nwina.

Kuvululelwa 19:20

A xihari xi lo khomiwa zinwe ni muprofeti wa mawunwa, loyi a nga maha zirewukiso mahlweni ka xona, lezi a nga khohlisa ha zona lava va nga wa amukele a xifungo xa xihari, ni lava va nga khozela a xifananiso xa xona; hi wumbiri gabye va lo hoxwa na va ha hanya lomu tiveni ga nzilo legi gi vurako hi solufa. Dan. 7:11; Xip. 13:12; 14:10; 16:13

Ezekieli 18:6

a nga geli le hehla ka zitsunga, ge hambu ku tlakusa a mahlo yakwe a cuwuka a zifananiso za yindlu ya ka Israeli, leyi a nga wisangiko tingana a sati wa muakelane wakwe, ge hambu ku tlhangana ni wasati loyi a nga xikhatini xo tsawuka;

Mikosi 1:17

Zioni i nawulutile a mawoko yakwe, a nga kona a mu chavelelako; Jehova i leletela a valala va Jakobe lezaku va mu renzelekela xikari; Jerusalema i hunzukile manyalataniso ka vona.

Isaya 27:9

Hikwalaho a kugoha ka Jakobe ku ta basiswa; Lowu hi wona mbhanzu wa kutsetselelwa ka xionho xakwe; Laha maribye wontihe ya maganzelo ma panzekile kota maribye ya mhemba, A maAxera ni zifananiso za gambo zi nga ha ta yima. Levi 26:30; Isa. 2:20

2 Kronekele 31:1

Makunu laha zontlhe lezi zi nga wa mbhetekile, vontlhe va ka Israeli lava va nga wa hi kona va lo suka vaya mitini ya va ka Juda va ya fayetela zifananiso, va tsema matshamu ya zifananiso za Axtarte, va khungumula matshamu ma tlakukileko ni maalati tikweni gontlhe ga va ka Juda ni ga ka Benjamini, ni ga ka Efraime, ni ga va ka Manasa kambe, va kala va mbheta zontlhe. Zonake vontlhe va ka Israeli va lo tlhelela mitini yabye.

Mateu 4:10

Kanilezi Jesu aku ngalo kakwe: Suka Satani; hakuva ku tsalilwe ku ngalo: Wena u ta khozela Hosi Nungungulu wa wena, hi yena yece u to mu tirela. Deut. 6:13; 10:20

Isaya 40:19

A meseri wa nyekisa a xifananiso, Ni mufuli wa nameka a nzalama ka xona, A xi bombisa hi tiketani ta siliva.

Ezekieli 7:19

Va ta hoxa a siliva yabye lomo maphangweni, ni nzalama yabye Va ta yi wona kota xilo xi nyenyezileko. A siliva ni nzalama yabye cima zi nga ta va tlhatlhisa a sikwini ga zanga ya Jehova. Zi nga ta va tangalisa, hambu ku xurisa marambu yabye; hakuva hi zona zi nga va khunguvanyisa vawa kubiheni. Mav. 11:4; Zef. 1:18

Ezekieli 14:6

Hikwalaho wula ka yindlu ya ka Israeli lezaku Hosi Jehova i ngalo: Wuyani, fularelani a zifananiso za nwina, hunzulusani a tinghohe ta nwina, mu tsika a manyalataniso wontihe ya nwina.

Levi 13:52

Hilezo i ta hisa a nguwo leyo, hambu loku yi hi nguwo leyi yi swulilweko hi mawoya, kutani hi leyi yi lukilweko, hambu loku ku hi wihi ntiro wu mahilweko hi bhebhe, loku wu hi ni tshasi, i hlokonho leyi yo karata; yi fanele ku hiswa nzilweni.

Deuteronome 7:25

Zifananiso lezi zi vatlilweko za vanungungulu vabye mu ta hisa nzilweni; mu nga mbilukeli a siliva ni nzalama lezi zi nga ka zona, ni kambe u nga zi teki, zi nga maha ziyo ka wena, hakuva zona zinyenyeko mahlweni ka Jehova Nungungulu wa wena.

Ezekieli 7:20

Va wa ti kulisa hi kota ya wumbhuri ga siliva yabye ni nzalama; kanilezi va mahile hi zona a zifananiso za manyalataniso yabye ni zilo zo tshisa. Hikwalaho nzi zi mahile a zilo zo nyenyeza ka yona.