Isaya 30:14 - Tshwa Bible

¹⁴ Gi ta khungumuka khwatsi i mbita ya wumba loku yi pswhandlaswa ha womu, leyi ku nga saliko ni xirengele lexi munhu a nga okako ha xona a nzilo, kutani a kukha ha xona mati le hlobyeni.

Isaya 30:14 Referans Kwoze

Tisimu 2:9

U ta va tshova hi nhonga ya xiketse, U ta va fayetela kotisa a mbita ya muwumbi. Kuv. 2:27; 12:5; 19:15

Kuvululelwa 2:27

I ta ma risa hi nhonga ya xiketse, a ma fayetela zipanzana khwatsi hi zibya za wumba; khwatsi hilezi na minawu nzi nga nyikiswa zona hi Dadani wa mina. Tis. 2:8, 9; Dan. 7:22

Va le Roma 11:21

Hakuva loku Nungungulu a nga tsikangi a maravi ya zimilwa, a nga ta ku tsika na wena.

Va le Roma 8:32

Yena loyi a nga kala ku ala ni Nʼwana wakwe, kanilezi a mu nyikela hi kota ya hina hontlhe, xana a nga ta hi nyika zilo zontlhe zinwe naye ke?

Luka 4:2

na a ringwa hi Satani a 40 wa masiku. I wa nga gangi nchumu ka lawo masiku, kanilezi laha ma nga mbhelile i lozwa ndlala. Ekso. 34:28; 1 Tih. 19:8

Ezekieli 24:14

Mina Jehova nzi wulile; zi ta tatiseka, mina nzi ta zi maha. Nzi nga ta tlhelela nzhako, ge hambu ku nyenyeletela, kutani ku hunzuluka. U ta lamulwa kukotisa a mahanyela ya wena ni zimaho za wena, ku wula Hosi Jehova.

Ezekieli 9:10

Hikwalaho mina nzi nga ta va nyenyeletela, ge hambu ku zwela wusiwana; nzi ta va tlhelisela hi kota ya mitiro yabye.

Ezekieli 8:18

Hikwalaho minawu nzi ta va holovela. A tihlo ga mina gi nga ta va nyenyeletela, ge nzi nga ta va zwela wusiwana. Hambu loku va rila tindleveni ta mina hi gezu ga hombe, nzi nga ta va ingisa. Mav. 1:28; Jer. 11:11

Ezekieli 7:9

A mahlo ya mina ma nga ta ku nyenyeletela, nzi nga ta ku zwela wusiwana. Nzi ku tlhelisela kukotisa mahanyela ya wena, ni manyalataniso ya wena ma tava xikari ka wena; mu ta zi tiva lezaku mina Jehova nzaba,

Ezekieli 7:4

A mahlo ya mina ma nga ta ku nyenyeletela, nzi nga ta ku zwela wusiwana, hakuva nzi ta ku tlhelisela kukotisa mahanyela ya wena, ni manyalataniso ya wena ma tava xikari ka wena, mu ta zi tiva lezaku nzi mina Jehova.

Ezekieli 5:11

Hikwalaho khwatsi hilezi nzi hanyako, ku wula Hosi Jehova, kota lezi u nyenyezileko a yindlu ya mina yo basa hi zilo za wena zo nyenyeza, ni manyala wontihe ya wena, nzi ta ku bakanya, a tihlo ga mina gi nga ta ku nyenyeletela, nzi nga ta ku hawukela.

Jeremia 48:38

Ku na ni xirilo hehla ka tontlhe tiyindlu ta Moabi ni lomu maruweni wontihe; hakuva nzi panzile Moabi kukotisa a xibya xi nga vuniko, ku wula Jehova. Jer. 22:28; Hos. 8:8

Jeremia 13:14

Nzi ta va pswhandlasa, va fayana, a vararu ni vana, ku wula Jehova. Nzi nga ta va hawukela, hambu ku va tsetselela, nzi nga tava ni tipswalo lezaku nzi nga va lovisi.

Isaya 47:14

Langutani, va taku khwatsi i byanyi, A nzilo wu ta va hisa; Va nga ta ti ponisa ntanwini wa langavi. A hi makhala yo ti kufumeta ha wona, A hi nzilo wa ku wora.

Isaya 27:11

Loku maravi ma womile, ma ta tshobyiwa, A vavasati va ta va dzivela nzilo ha wona; Hakuva i tiko gi nga tlharihangiko, Hikwalaho a muvangi wa gona a nga ta gi zwela wusiwana, Ni loyi a nga va wumba a nga ta va mahela tipswalo.

Tisimu 31:12

Nzi rivelwe timbilwini ta vanhu kota loyi a fileko; Nzi fanana ni xibya xi fayekileko.

Joba 27:22

Hakuva Nungungulu i ta mu tlhava, a nga mu neneki; I ta lava ku nyemuka canjeni gakwe a tsutsuma.

Deuteronome 29:20

Jehova a nga ta mu tsetselela, hakuva a zanga ya Jehova ni khulo gakwe zi ta vura hehla ka munhu loye; zonake wontihe makhombo lawa ma tsalilweko lomu bhukwini legi ma tava hehla kakwe, na Jehova i ta hlanguta a vito gakwe lahasi ka tilo.

Mavingu 6:15

Hikwalaho a kukhohliswa kakwe u tata hi xitshuketi, kulobyiswa kakwe ka xitshuketi ku nga tava na kupona.

Isaya 30:26

A nweti wu ta fanana ni kuwonekela ka gambo, ni kuwonekela ka gambo ku ta engetelwa hi ka ntlhanu ni kumbiri, kukotisa kuwonekela ka ntlhanu wa masiku ni mambiri, hi siku legi Jehova a ta nga bohelela a timbanga ta tiko gakwe, a holisa a timbirimbi ta kubiwa kabye.

Isaya 65:7

A zigoho zabye, ku wula Jehova, Zinwe ni zigoho za vadadani vabye, Lava va hisileko tibani hehla ka zitsunga, Va nzi rukatela hehla ka miganga. Hikwalaho nzi ta va pimela a hakhelo ya mitiro yabye ya kale. Ekso. 20:5; Hos. 4:13

Mikosi 4:2

A vana va zikududu va le Zioni va fananako ni nzalama yi hlutilweko, Hikuyini va hlayiwako kota maguwana ya wumba, wu nga ntiro wa mandla ya muwumbi?