Isaya 3:5 - Tshwa Bible

⁵ A vanhu va ta tsimbeketana, munwe ni munwani a tsimbeketwa hi muakelane wakwe; a nisanyana i ta vukela loyi a khosaheleko, ni munhu wa nyalidede i ta vukela munhu a dzunzekileko.

Isaya 3:5 Referans Kwoze

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Jakobe 5:4

Langutani, a hakhelo wa zitiri lezi zi nga tshovela masimu ya nwina, lowu mu nga va kalavela hi wuxengeteli, wa rila; ni kurila ka lava va nga tshovela ku zwele tindleveni ta Hosi ya tiyimpi. Levi 19:13; Deut. 24:15; Jer. 22:13

Jakobe 2:6

Kanilezi nwina mu kanyisa loyi a vumalako. Xana lava ya fumileko a hi vona va mu xanisako ke, a hi vona va mu kokoviselako tihubyeni ke? Miti. 13:50; 17:6

Luka 22:64

Va lo mu boha mahlo, va mu wutisa, vaku: Vumba, himani a ku bileko ke?

Marku 14:65

A vanwani va lo sangula ku mu phelela, va mu fenengeta nghohe, ni ku mu fumbuta, vaku ngalo kakwe: Profeta! Na wona malanza ma lo mu phakata hi mandla.

Mateu 26:67

Zonake va lo mu phelela nghoheni, va muba; vanwani va lo mu phakata hi mandla, Isa. 50:6; 53:3; Lu. 22:63

Mika 3:11

A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!

Amosi 4:1

Zwanani mhaka leyi, nwina tihomu ta le Baxani, ti nga lomu xitsungeni xa Samaria, nwina lava mu xanisako zisiwana, mu tsimbeketako vavumali, mu nge ka vanuna va nwina: Nehani hinwa!

Ezekieli 22:12

A ka wena ka xavelelwa kasi ku halata nkhata, u pembisile kasi ku bhinzula, u kalavela a vaakelane hi ku wutla, u nzi rivakelwa, ku wula Hosi Jehova.

Jeremia 22:17

Kanilezi a mahlo ya wena ni mbilu ya wena zi navela bhinzu ntsena, Ni ku halata nkhata wa loyi a nga hiko na nanzu, U maha hi ku tsimbetela ni tihanyi.

Isaya 11:13

A wukhuxu ga ka Efraime kambe gi ta mbhela, Ni valala va Juda va ta lobyiswa; Efraime a nga ha tava na wu khuxu ha Juda, Na Juda a nga ta hlokisa Efraime.

Isaya 1:4

Khombo ka wena tiko ga vaonhi, nwina vanhu va teleko hi kugoha, pswalo wa vamahi va kubiha, vana va kuhunguka; mu tsikile Jehova, mu kanyisa a Wakubasa wa ka Israeli, mu tlhelela nzhako.

2 Tihosi 2:23

Yena i lo suka laho aya Beteli; na a ha kanziha a famba hi ndlela, ku lota vafanyana na va huma hi lomu mutini, va ta mu hleka, vaku: Kanziha nyapandla nziwena, kanziha nyapandla nziwena!

Levi 19:32

U ta suka u yima mahlweni ka lava va basileko wuvu, u nyika xichawo ka munhu wa hombe, u chava Nungungulu wa wena. Hi mina Jehova.

Isaya 9:18

Hakuva a kubiha ka hisa khwatsi i nzilo, Wu khadamula zigetlwani ni mizwa; Wu dzivela makhwati yo khwela, Kasi musi wu tlakukela hehla kukotisa marefu.

Isaya 19:2

Nzi ta kucetela maGipite akuva ma vukela maGipite; Lezaku munhu alwa ni nakulobye, a muakelane a vukela mu-akelane-kulobye, A muti wu vukela muti, a mufumo wu vukela mufumo.

Mika 7:2

A vanhu va nene va nyamalele misaveni, ku hava loyi a lulamileko xikari ka vanhu. Vontlhe va xiyelela ku halata nkhata, a munwe ni munwani i hlota nakulobye hi tlhamu.

Zakaria 11:6

Hakuva nzi nga ta ha va zwela wusiwana a vaaki va tiko, ku wula Jehova. Kanilezi nzi ta nyikela munwe ni munwani mandleni ya muakelane wakwe, ni mandleni ya hosi yakwe. Va ta onha tiko, kanilezi nzi nga ta va tlhatlhisa mandleni yabye.