Isaya 3:24 - Tshwa Bible

²⁴ A wutshanwini ga mipepo yo nuhela ku tava kona kubola, a wutshanwini ga bhandi ku tava kona a gota; a wutshanwini ga misisi yi xamulweko khwatsi ku tava kona a tipandla; a wutshanwini ga nguwo ya mubuzo ku ta ambaliwa tisakwa; a wutshanwini ga wumbhuri ku tava kona a mapswhapswhati ya ku hiswa hi xiketse.

Isaya 3:24 Referans Kwoze

Ezekieli 27:31

Va ta ti halula tihloko hi kota ya wena, Va ambala tinguwo ta xirilo; Va ku rilela hi kubayiseka, va maha hlomulo wa hombe.

Mikosi 2:10

A masingalakati ya nhanyana wa Zioni ma tshamile lahasi, ma ti miyelela; Va ti cheletele khuma tihlokweni tabye, va ambele a tinguwo ta xirilo. A vanhwana va Jerusalema vazwa tingana, vo zi lahasi.

Mika 1:16

Halula misisi, halulela a vanana va wena va ranzekako, halula a hloko ya wena yi fanana ni ya koti, hakuva va yiswa wukhumbini kule na wena.

Isaya 22:12

A ka siku lego Jehova wa tiyimpi i mu vitanele xirilo ni nkosi, ni ku halula tihloko ta nwina, mu ambala zilenda.

Isaya 15:3

Lomu maphangweni yabye va ambele tisakwa, va rila; Le hehla ka tiyindlu tabye ni lomu tihubyeni va hlomula ni ku tsikwila.

1 Pedro 3:3

A kubomba ka nwina ngha mu nga bombi hi lahandle hi ku luka misisi, ni ku bomba hi zilo za nzalama, kutani hi ku ambala tinguwo; 1 Tim. 2:9

Amosi 8:10

Nzi ta hunzula a mibuzo ya nwina yi maha xirilo, ni tisimu ta nwina ti maha mikosi; a ziwunu zontlhe nzi ta zi ambexa tinguwo ta tisakwa, a tihloko tontlhe ti ta halulwa. A xirilo xa kona xi ta fanana ni xo khwatsi ko riliwa a nʼwana loyi a belekelweko yece, a kugumelwa ka xona ku ta fanana ni siku ga hlomulo. Jer. 6:26; 48:37; Zak. 12:10

Estere 2:12

Makunu laha a khati ga nhanyana munwe ni munwani gi nga wa chikele ga kuya ka hosi Ahasuerusi, hi nzhako na va ti longisele kota nayo wa vavasati wa 12 wa tihweti, (hakuva lowo wu wa hi tsengo wa masiku ya kutibasisa kabye— 6 wa tihweti na va tola mafura ya mure, 6 wa tihweti na va tola za masema yo nuhela ni zo ti basisa ha zona,)

Levi 26:16

minawu nzi ta mu maha lezi: Nzi ta mu rumela a chawo, ni ndere, ni feveri, zi ta mbheta a mahlo ya nwina ni timbilu ta nwina; mu ta byala mahala timbewu ta nwina, hakuva ti ta giwa hi valala va nwina.

Kuvululelwa 18:9

A tihosi ta misava leti ti bhayileko ni ku ti tsakisa zinwe naye, ti ta mu rilela ti hlaluka, loku ti wona a musi wa kuhiswa kakwe. Jer. 50:46; Ezek. 26:16, 17; Xip. 19:3

Kuvululelwa 16:9

Ni vanhu va lo tlahulwa hi mumu wa hombe; va lo rukatela a vito ga Nungungulu loyi a nga ni ntamu hehla ka zixaniso lezo; a va hunzulukangi va mu dumisa. Dan. 5:22, 23; Xip. 11:13

Kuvululelwa 11:3

Zonake nzi ta nyika a vakustumunyu vambiri va mina, a kuva va profeta a 1,260 wa masiku, na va ambele tinguwo ta tisakwa. Xip. 12:6; 19:10; 20:4

Joeli 1:8

Rila khwatsi u nhwana a ambeleko a nguwo ya sakwa a rilelako a nuna wa wuswa gakwe.

Ezekieli 7:18

Va ta ambala tinguwo ta xirilo, va khomiwa hi hlanekera, a tinghohe tabye ti tala hi tingana, a tihloko tontlhe ti ta halulwa.

Jeremia 48:37

Hakuva a tihloko tontlhe ti halulwe, ni malevu wontihe ma cingilwe; a mawoko wontihe ma cekelelwe, na va ambele tisakwa ziwunwini.

Jeremia 6:26

O nhwana wa vanhu va mina, Ti ambexe hi sakwa, u puluwunza khumeni; Bana nkosi kota loku ku rilelwa a nʼwana munwe yece, A hlomulo wa xiviti; Hakuva a muhahluli i ta hi tela hi xitshuketi.

Jeremia 4:8

Hikwalaho ti boheni a tinguwo ta tisakwa, Mu rila ni ku tsikwila; Hakuva a a zanga yo tshisa ya Jehova a yi sukangi ka hina.

Isaya 57:9

U yile le hosini ni mafura, U anzisa mafura ya wena yo nuhela; U rumile kule a mitsukano ya wena, U yi rumela ni le Xeoli.

Mavingu 31:24

I maha tinguwo to saseka ta wukene a ti xavisa, xavisa mabhandi ka vamahungani.

Mavingu 7:17

Nzi nwatsekele mafura ya mure mubhedini wa mina, i aloese, ni kinamona.

Joba 16:15

Nzi rungele nguwo ya sakwa hehla ka hlonge ya mina, Nzi reletile a limhonzo la mina tshurini.

Deuteronome 32:24

Va ta choma hi ndlala, va giwa hi kuhisa ka miri Ni ntungu lowu wo karata nguvu; Nzi ta va rumela a meno ya zivanza, Ni wuxungu ga zikokakoka za lomu tshurini.

Deuteronome 28:22

Jehova i ta kuba hi mababyi ya xifuva, ni kuhisa ka miri, ni kuvimba, ni mumu wa hombe, ni supado, ni xipupuri, ni kukuruka ka timbewu; lawa makhombo ma ta ku panzanya kala u lobyiswa. Am. 4:9; Hag. 2:18

Jeremia 49:3

Bana huwa wena Hexboni, hakuva Ai i hahlulwe. Rilani nwina vanhanyana va Rabba, ambalani tinguwo ta tisakwa. Tlhavani nkosi, mu renzelekela lomu tigingisini, hakuva Malkamu i taya wukhumbini, zinwe ni vapristi vakwe ni tihosana takwe.

Isaya 4:4

laha a Hosi yi ta ngava yi hlazile a chaka ga vanhwana va Zioni, ni ku susa a nkhata wu nga xikari ka Jerusalema hi moya wa kulamula ni moya wa kuhisa.

Isaya 3:23

a mawoni, ni mahembe ya wukene, ni maduku, ni tiveli.

Isaya 15:2

Va le Bayite ni va le Diboni va kanzihile va ya rila zitsungeni zi tlakukileko; Moabi i kwanguluka hehla ka Nebo na Medeba; A tihloko tabye tontlhe ti halulwe, ni zilevu zi tsenwilwe.