Isaya 3:14 - Tshwa Bible

¹⁴ Jehova i ta lamula a masingalakati ya tiko gakwe, ni tihosana ta gona, aku: Mu gile xivina, lezi zi phangilweko ka zisiwana zi lomu tindlwini ta nwina. Isa. 5:7; Mat. 21:33

Isaya 3:14 Referans Kwoze

Joba 22:4

I ku tsayisa hakuva u mu chavako, A ku yisa kulamuleni ke?

Jakobe 2:6

Kanilezi nwina mu kanyisa loyi a vumalako. Xana lava ya fumileko a hi vona va mu xanisako ke, a hi vona va mu kokoviselako tihubyeni ke? Miti. 13:50; 17:6

Amosi 4:1

Zwanani mhaka leyi, nwina tihomu ta le Baxani, ti nga lomu xitsungeni xa Samaria, nwina lava mu xanisako zisiwana, mu tsimbeketako vavumali, mu nge ka vanuna va nwina: Nehani hinwa!

Jeremia 5:27

Kota a xikayila xi teleko hi zinyanyani, zinghaho ni tiyindlu tabye ti tele hi wukhohlisi. Hi kota ya lezi va mahile vahombe ni kuva vafumileko.

Isaya 5:7

Hakuva a xivina xa Jehova wa tiyimpi hi yindlu ya ka Israeli, Ni vanhu va ka Juda xibyalo xakwe a tsakako ha xona. I wa cuwukele nongameto, kanilezi i lo kuma kuhalatiwa ka nkhata, A cuwukela kululama, kanilezi a kuma tihuwa ta kuxaniseka.

Tisimu 143:2

U nga engheni kulamuleni ni na nza ga wena, Hakuva xikari ka lava va hanyako A ku na munhu a ta nga kumiwa na lulamile mahlweni ka wena. Rom. 3:20; Gal. 2:16

Tisimu 14:4

Vontlhe a vamahi va kubiha, a va na kutiva ke? Lava va gako a vanhu va mina khwatsi hi loku vaga xibaba, Na va nga kombeli ka Jehova.

Joba 24:9

Lava va felweko hi vararu va wutliwa maveleni ya vanyine vabye, Ni zisiwana zi kurumetiwa ku humesa seve.

Mateu 21:33

Ingisani munwani mufananiso: Ku wa hi kona a nwinyi wa yindlu, a nga byala a xivina, a xi bhiyela lihlavu, a kehla xigowolo xo kamela mihanzu ya kona, ni ku aka tshala; i lo xi nyikela mandleni ya varimi, a enzela ginwani tiko. Mar. 12:1; Lu. 20:9

Mika 6:10

Ta hi kona a titshomba to biha lomu ndlwini ya wakubiha, ni tipimo li hungulilweko leli li rukilweko ke?

Mika 2:2

Va navela masimu ni tiyindlu, va zi teka; va tsimbeketa a munhu ni yindlu yakwe, ni munhu loyi a nga ni tshomba yakwe. Ekso. 20:17; 1 Tih. 21:1

Joba 34:23

Hakuva Nungungulu a nga lavi xikhati xo leha ku tiva munhu, Lezaku kasi a fela ku enghena kulamulweni mahlweni kakwe.

Joba 24:14

A mudayi i vuka ni mixo, A daya a muvumali ni xisiwana; Ni laha wusikwini a ku khwatsi i khamba.

Tisimu 10:9

I rinzela xihundleni khwatsi i nghala nzawini wa yona, A tumbela a xiyelela ku khoma a xisiwana, A xi kokovisela hi ntlhamu wakwe. Tis. 17:12; 59:3; Mika 7:2

Mavingu 30:14

Li kona lixaka la meno yo khwatsi tisupado, i meno ya machuri me khwatsi mikwana, iga zisiwana laha misaveni, i vavumali xikari ka vanhu.

Isaya 10:1

Khombo ka vona lava va yimisako milayo yi nga lulamangiko, Lava va tsalako mapapilo yo tsimbeketa;

Isaya 10:2

Kasi ku onha a mhaka ya lava va vumalako, Va yivela a zisiwana za tiko ga mina, Lezaku a tinoni tiva pfimba wabye, Va wutlela lava va felweko hi vapswali.

Isaya 11:4

Kanilezi lava va vumalako i ta va lamula hi kululama, A tshanza hi nongameto timhakeni ta lava va tsimbeketilweko misaveni; I taba misava hi nhonga ya nomu wakwe, A lovisa vaonhi hi moya wa nomu wakwe. Joba 4:9; 2 Tes. 2:8; Kuv. 2:16

Isaya 14:30

A vanyakeke va ta xura, Ni vavumali va etlela hi kurula; Kanilezi nzi ta daya mutsu wa wena hi ndlala, Ni misalela ya wena yi ta lobyiswa.

Isaya 26:6

Wu ta kanzihelwa hi mikonzo, Hi mikonzo ni vavumali.

Isaya 29:19

Lava va kurula va ta tsakela Jehova, Ni vavumali va ta tsakela Loyi wa ku Basa wa ka Israeli.

Isaya 30:12

Hikwalaho a Wa ku Basa wa ka Israeli e ngalo: Kota lezi mu kanyisako a mhaka leyi, mu tsumba kutsimbeketa ni kubiha, mu namarela ka zona,

Isaya 58:4

Langutani, mu ti yilisa zakuga na mu kari mu holovisana ni ku kanetisana, Ni ku banana hi zibhakela za tihanyi. A nyamutlha a mu ti yisili zakuga Lezaku a gezu ga nwina gi zwiwa le hehla.

Ezekieli 18:12

a onhela a nyakeke ni muvumali, a phanga, loyi a, nga tlhelisangiko a seye, loyi a tlakusileko mahlo yakwe a cuwuka zifananiso, loyi a mahileko manyala,

Ezekieli 20:35

Nzi ta mu yisa xiwuleni xa vanhu, nzi ta mu lamula kona na hi cuwukana nghohe ni nghohe.

Ezekieli 20:36

Nzi ta maha na nwina kota lezi nzi nga maha ni vadadani va nwina lomu xiwuleni xa tiko ga Gipite, ku wula Hosi Jehova.

Mika 3:3

Kambe vaga a nyama ya vanhu va mina, va sunzuwula a dewu gabye, va tshova ni matambu yabye; ina, va va chupulela zipanzana khwatsi va laʼku chela mbiteni, khwatsi i nyama bhoteni.

Levi 25:14

Loku mu xavisa zilo ka muakelani wa wena, ni loku mu xava zilo ka waakelene na wena, mu nga kalavelani.

Levi 25:17

Ngha a nga hi kona loyi a kalavelako a muakelani wakwe; kanilezi chava Nungungulu wa wena; hakuva hi mina Jehova, Nungungulu wa nwina.

Jeremia 12:10

A varisi vo tala va gohetele a xi vina xa mina, Va kanzihele a simu ga mina; A simu ga mina go saseka va gi mahile xiwula.

Amosi 2:7

Va navela ni tshuri wa misava wu nga tihlokweni ta lava va vumalako, va onha a mhaka ya lava va koramileko. A munhu ni raru wakwe va enghena ka nhwana munwe, va nyenyezisa a vito ga mina go basa.

Mika 2:1

I khombo ka vona lava va alakanyelako kubiha, va hlota xikungo xo biha masengweni yabye, va zi maha loku gi cile, hakuva zi le ntanwini wa mandla yabye.