Isaya 29:9 - Tshwa Bible

⁹ Yimani, mu hlamala, Tsimbani mahlo, muva zikhumu; Va popilwe, kanilezi na ku nga hi hi vinya; Va dedereka, kanilezi na ku nga hi kota ya byala.

Isaya 29:9 Referans Kwoze

Kuvululelwa 17:6

Nzi lo wona wasati na a popilwe hi nkhata wa vobasa, ni nkhata wa vakustumunyu va Jesu; nzi su hlamala nguvu. Xip. 6:9, 10; 13:15; 18:24

Isaya 49:26

A vatsimbeketi va wena nzi ta va gisa nyama yabye, Va ta popiwa hi nkhata wabye wutsumbu, khwatsi hi vinya giswa; Zonake a nyama yontlhe yi ta zi tiva lezaku mina Jehova nzi muhanyisi wa wena, Ni Nyamintamu wa ka Jakobe Mutiruli wa wena.

Isaya 19:14

Jehova i va chelile a moya wa sululwani, Va mahile Gipite gi dedereka mitirweni ya gona yontlhe, Khwatsi hi munhu a popilweko a dederekako kuhlateni kakwe.

Marku 14:41

I lo wuya hi xikhati xa wunharu, a taku kabye: Kasi ma ha etlele, mu humula! Basi!. A xikhati xi tshinele; Nʼwana wa munhu wa nyikelwa mandleni ya vaonhi. Joh. 13:1

Mateu 26:45

Zonake i lo tlhela ka vapizani, aku kabye: Kasi ma ha etlele, mu humula! Langutani, a xikhati xa kuva a Nʼwana wa munhu a nyikelwa mandleni ya vaonhi xi chikele.

Habakuka 1:5

Cuwukani xikari ka matiko, mu hlamala muku kaye! hakuva masikwini ya nwina ku tiriwa a ntiro, lowu mu to kala mu nga wu kholwi hambu loku mu byeliwa. Miti. 13:41

Mikosi 4:21

Tsaka u nengela, wena nhwana wa Edome, loyi u akileko tikweni ga Uzi; Wenawu u ta hiwa a gombe, u ta popiwa, u tirunzuwulela tinguwo u sala ximbyiri.

Jeremia 51:7

Babuloni i wa hi gombe ga nzalama canjeni ga Jehova, legi gi nga popisa matiko wontihe. A matiko ma nwile; a vinya gakwe, hikwalaho a matiko ma hungukile.

Jeremia 25:27

U ta va byela, uku: Jehova wa tiyimpi a Nungungulu wa Israeli, i ngalo: Nwanani mu popiwa, ni ku paleka, muwa mu nga ha vuki kambe, hi kota ya supado nzi to yi rumela xikari ka nwina.

Jeremia 23:9

Xungetano ni vaprofeti. A mbilu ya mina yi panzekile, A marambu ya mina wontihe ma gutlagutla; Nzi kotisa munhu loyi a popilweko, Ni loyi a dakilweko hi vinya, Hi kota ya Jehova ni timhaka takwe to basa.

Jeremia 2:12

Hlamalani ha zona, O matilo! Chavani nguvu mu rurumela, ku wula Jehova. Deut. 32:1; Isa. 1:2

Isaya 51:17

Vuka, vuka, suka u yima Jerusalema! Loyi u nwileko canjeni ga Jehova a gombe ga zanga yakwe, U nwile a gombe legi gi popisako, u gi heta. Jer. 25:15; Kuv. 14:10; 16:19

Isaya 29:10

Hakuva Jehova i mu chululela a moya wa wurongo, I valile mahlo ya nwina vaprofeti, I fenengetile a tihloko ta vavumbi, va nga varangeli va nwina.

Isaya 1:2

Zwana, o matilo; kangatela ndleve, o misava! hakuva Jehova wa wulawula, aku: Nzi wundlile vana, nzi va kulisile, kanilezi vona va nzi hluwukile. Ekso. 19:4; Deut. 31:28; Hos. 11:1

Isaya 29:1

Khombo ka Arieli, Arieli, a muti lowu Davida a nga govela kona, Engetelani lembe hi lembe, ni mibuzo a yi nyiketane!

Isaya 56:10

A varinzeli vakwe vontlhe zikhumu, a va tivi nchumu; Vona vontlhe timbyana ta ziwiri, a va zi koti ku wukula; Mba miloro wurongweni gabye, va ranza ku khudzehela.

Isaya 63:6

Nzi lo kanzihelela matiko zangeni ya mina, Nzi va popisa hi khulo ga mina, Nzi halata nkhata wabye laha misaveni.

Jeremia 4:9

Ku ta maheka ka lexo xikhati, ku wula Jehova, lezaku a hosi ni tihosana ti ta tsemeka mihlana, ni masingalakati ma ta rewukiswa, a vaprofeti va hlamala.

Isaya 6:10

Nonohisa a timbilu ta vanhu la va, U vala tindleve tabye, u tsunya mahlo yabye, Va ngazwi hi tindleve tabye, va nga pimi hi timbilu tabye, Kasi va nga hunzuluki va hanyiswa. Deut. 29:3; Rom. 11:8

Jeremia 13:13

Zonake u taku kabye: Jehova i ngalo: Languta, vontlhe vaaki va legi tiko, na tona tihosi ti tshamako xitshanwini xa wuhosi xa Davida, ni vapristi, ni vaprofeti, ni vaaki vontlhe va Jerusalema, nzi ta va tatisa hi kupopiwa.