Isaya 29:1 - Tshwa Bible

¹ Khombo ka Arieli, Arieli, a muti lowu Davida a nga govela kona, Engetelani lembe hi lembe, ni mibuzo a yi nyiketane!

Isaya 29:1 Referans Kwoze

2 Samueli 5:9

Davida i lo aka lomo khokholeni, a gi chula ku ngalo i muti wa Davida. I lo aka ka wontihe matlhelo kusukela Milo kala lomu nzeni ka gona.

Hosea 9:4

Va nga ta maha minyikelo ya vinya ka Jehova, ge hambu ku mu tsakisa hi miphahlelo yabye. A miphahlelo yabye yi taku khwatsi zibaba za xirilo, vontlhe lava va ta nga ziga va ta nyenyeziswa ha zona; hakuva a kuga kabye ku tave ko enela vona voce, zi nga ta enghena ndlwini ya Jehova.

Hosea 8:13

Ve hi ku maha miphahlelo, kasi lezo va nyikela nyama va tlhela va yiga; Jehova a nga xalaliswi ha vona. I ta alakanya a zigoho zabye, a tsayisa zionho zabye; va ta tlhelela Gipite. Isa. 1:11; Jer. 14:10; Am. 5:22

Hosea 5:6

Va ta hlota Jehova ni mitlhambi yabye ya tiyivu ni ya tihomu, kanilezi va nga ta mu kuma; i humele xikari kabye.

Isaya 66:3

Loyi a tlhavako homu i fanana ni loyi a dayako munhu; Loyi a phahlelako hi yivana i fanana ni loyi a sokorotako a mbyana; Loyi a mahako munyikelo wa mapa i fanana ni loyi a nyikelako hi nkhata wa khumba; Loyi a hisako a libani i fanana ni loyi a khozelako xifananiso. Kota lezi va ranzako a tindlela tabye wutsumbu; Ni mihefemulo yabye yi tsakela manyalataniso,

Maheberu 10:1

Kota lezi a nayo wu nga ni xiruti ntsena xa zilo zo saseka lezi zi tako, na wu nga fananisi hi kumbheleleko a xiyimo xa zona, cima a wu zi koti ku mbhelelisa vona lava va tshinelako hi miphahlelo leyi va nyikelako yona malembe ni malembe. Kol. 2:17

Isaya 31:9

A khokhola gakwe gi ta lova hi kuchava, ni tihosana takwe ti ta rurumela mahlweni ka nghapa, ku wula Jehova, loyi a nzilo wakwe wu nga le Zioni, ni nzhimbo wakwe wu nga le Jerusalema. 2 Tih. 19:35

Jeremia 7:21

Jehova wa tiyimpi, a Nungungulu wa Israeli i ngalo: Patsani a minyikelo ya nwina ya kuhiswa ni miphahlo ya nwina,: muga nyama ya zona.

Isaya 5:12

A xitende ni xiridingoma, ni njhomani, ni khombela, ni vinya zi kumeka mibuzweni yabye; Kanilezi a va khatali hi ntiro wa Jehova, A va woni mitiro ya mandla yakwe.

Isaya 29:9

Yimani, mu hlamala, Tsimbani mahlo, muva zikhumu; Va popilwe, kanilezi na ku nga hi hi vinya; Va dedereka, kanilezi na ku nga hi kota ya byala.

Isaya 29:13

Hilezo Hosi yi te ngalo: Kota lezi a vanhu lava va tshinelako ka mina hi milomu yabye, Va nzi khesa hi milomu ntsena, A timbilu tabye na ti hi kule na mina, Lezaku a xichavo xabye ha mina hi zileletelo ntsena lezi va zi gonzileko; Mat. 15:8; Mar. 7:6

Levi 23:4

Leyi hi mibuzo ya Jehova, hi lezaku mitlhangano yi basileko leyi mu to leletela vanhu ha yona hi zikhati za yona: