Isaya 28:22 - Tshwa Bible

²² Makunu hi nga tsikani ku tseketsela, Kasi ziboho za nwina zi nga engeti zi tiyisiwa; Hakuva nzi zwile hi ka Hosi Jehova wa tiyimpi Lezaku ku bilwe hungu hi kulobyiswa misaveni yontlhe.

Isaya 28:22 Referans Kwoze

Mitiro 17:32

Kanilezi laha va ngazwa hi kuvuka hi ka vafileko, vanwani va lo mu tseketsela; kanilezi vanwani vaku ngalo: Hi ta tlhela hi kuzwa kambe hi mahungu laya.

Luka 21:24

Va ta dawa hi wutlha ga supado, va yisiwa na va hi vakhonwi ka matiko wontihe; ni Jerusalema gi ta kanzihelwa hi vamatiko, ku kala ku mbhela a xikhati xa vamatiko. Dan. 9:27; 12:7; Rom. 11:25

Mateu 27:44

Ni vaphangi lava va nga belelwe zinwe naye va lo mu rukatela kota lezo na vonawu. Mar. 15:32; Lu. 23:39

Mateu 27:39

Lava va nga hunza laho va lo mu rukatela, va mu chepeta hi tihloko tabye, Tis. 22:7; Lu. 23:35

Mikosi 1:14

A muyoka wa zihambunyeto za mina wu bohilwe hi canja gakwe, Zi bohene khatiginwe nhanwini ya mina, a mbheta ntamu wa mina. A Hosi yi nzi nyikele mandleni ya lava nzi nga zi kotiko kulwa navo.

Jeremia 39:7

I lo thodola a mahlo ya Zedekia, a mu roja hi mangenje kasi ku mu yisa le Babuloni.

Jeremia 25:11

Gontlhe legi tiko gi tava marumbi ni xirewukiso; ni matiko laya ma ta tirela a hesi ya Babuloni a 70 wa malembe.

Jeremia 20:7

O Jehova, u nzi vumelisile, nzi vumele a ku kholwiswa; Wena u ni ntamu a ku nzi hunza, u nzi hlulile. Nzi mahile xihlekiso gontlhe siku, Vontlhe va nzi tseketsela.

Jeremia 15:17

A nzi tshamangi tlhanganweni wa vatseketseli, nzi tsaka kona; Hi kota ya canja ga wena nzi tshamile nzoce, Hakuva u nzi tatisile hi khulo. Isa. 8:11; Ezek. 3:14

Tisimu 107:16

Hakuva yena i tshovile a tinyangwa ta suku, A pulakanyisa a tinghonyo ta ziketse.

2 Kronekele 36:16

Kanilezi vona va lo rukatela a mitsumi ya Nungungulu, va xanza timhaka ta yena, va hlekula vaprofeti vakwe, kala a zanga ya Jehova yi vukela a vanhu vakwe laha ka kuva ku nga hi na kuhuluka.

2 Kronekele 33:11

Hikwalaho Jehova i lo va nehela vanhu va ta va vukela, ti nga tinduna ta tiyimpi ta hosi ya Assiria, ti ta khoma Manasa, ti mu boha hi mangenje ya suku, va mu yisa le Babuloni. Deut. 28:36; 2 Tih. 20:17

2 Kronekele 30:10

Zinghaho a mitsukano yi lo famba ka muti ni muti lomu tikweni ga ka Efraime ni ga ka Manasa kala va chikela le Zebuloni; kanilezi va lo va hleka va va tseketsela.

Isaya 10:12

Kanilezi loku a Hosi yi mahile wontihe ntiro wa yona hehla ka xitsunga xa Zioni ni le Jerusalema, nzi ta tsayisa a hosi ya le Assiria hi kota ya kutikulisa ka mbilu ya yona, ni matshanza ya mahlo ya yona, 2 Tih. 19:35

Isaya 28:23

Kangatelani ndleve, muzwa gezu ga mina, Ingisani, muzwa mhaka ya mina!

Jeremia 36:23

Kute loku Jehudi a gonzile tinzima tinharu hambu mune, a hosi yi lo tsema a bhuku hi mukwana a gi hoxa nzilweni wu nga lomo ka mbawula, kala gontlhe a bhuku giku bhi laha nzilweni wu nga lomu ka mbawula.

Nahume 1:9

Maalakanyo muni mu nga nawo yo vukela Jehova? I ta lovisa bhi, a hlokiselelo wu nga ta hata khati ga wumbiri.

Eksodusi 8:25

Faro i lo vitana Mosi na Aroni, aku ka vona: Fambani mu ya phahlela ka Nungungulu wa nwina tikweni legi.

Mavingu 19:29

A kulamula ku yimiselwe vatseketseli; i timbirimbi ti yimiselwe mihlana ya zipumbu.

Mavingu 29:1

Loyi a khanzakanyako ku kawukwa, a nonohisa nhamu, ta lobyiswa xikanwe, cima a nga ta hawukelwa.

Ezekieli 22:14

A mbilu ya wena yi ta tiya ke, kutani a mandla ya wena ma tava ni ntamu a masikwini lawa nzi: ta nga cuwukana na wena ke? Mina Jehova nzi zi wonile, nzi ta zi maha.