Isaya 26:15 - Tshwa Bible

¹⁵ Jehova, u enzelekisile tiko, U enzelekisile tiko, u ti kulisa; U engetele yontlhe mimbhingano ya tiko.

Isaya 26:15 Referans Kwoze

Isaya 9:3

U anzisile a tiko, u kulisile kutsaka kabye; Va tsakile mahlweni ka wena ku khwatsi hi lava va tshovelako, Va hlalela kukotisa vanhu va avelanako muphango.

Johani 17:1

Jesu na a wulawulile timhaka leti, i lo tlakusa mahlo yakwe le tilweni, aku ngalo: Dadani, a xikhati xi chikele; dumisa Nʼwana wa wena, kasi a Nʼwana wa wena a fela ku ku dumisa; Xip. 12:23

Johani 15:8

Dadani wa mina wa dumiswa hi lezi, lezaku mu pswala mihanzu yo tala, mu maha vapizani va mina. Xip. 13:35; Fil. 1:11

Ezekieli 36:24

Nzi ta mu humesa lomu xikari ka matiko, nzi mu tsombanyisa hi le matikweni wontihe, nzi mu yisa tikweni ga nwina.

Ezekieli 5:12

A xipanze xa wunharu xa vanhu va wena xi tafa hi mitungu ni ndlala xikari ka wena; a xipanze xa wunharu xi ta dawa hi tisupado lahandle ka tigingisi ta wena; ni xipanze xa wunharu nzi ta xi hangalasa matlhelo wontihe, nzi xi hlongolisa hi supado.

Jeremia 32:37

Langutani, nzi ta va tsombanyisela hi le matikweni wontihe, lawo nzi va hlongoleleko kona a zangeni ya mina ni xiviti xa mina ni khulo ga hombe; nzi ta tlhela nzi va wuyisa ka legi wutshamu, nzi va maha va tshamiseka. Deut. 30:3; Jer. 30:10

Jeremia 30:19

Ku ta huma kona a kukhesa ni magezu ya litsako; Nzi ta va anzisa, va nga hunguleki; Nzi ta va kulisa, va nga ta ha kanyiswa.

Isaya 60:21

A vanhu vontlhe va wena va tava va lulamileko, A tiko gi ta lumba vona kala magumo. Vona i hluke legi nzi byeleko, A ntiro wa mandla ya mina, kasi nza fela ku dumiswa. Mat. 15:13

Isaya 44:23

Yimbelelani nwina matilo, hakuva Jehova i zi tirile! Matshamu ya kueta ya misava, kanyulukani! Tlhavani zizimba nwina zitsunga, Na wena khwati ni tisinya to ntlhe ti nga ka wena; Hakuva Jehova i tlhatlhisile Jakobe, A ti dumisa ha Israeli.

Isaya 33:17

A mahlo ya wena ma ta wona hosi wumbhurini ga yona, Ma ta wona a tiko gi anamileko.

Nehemia 9:23

A vana vabye kambe u lo va anzisa va fana ni tinyeleti ta tite, u va neha tikweni legi u nga byela vararu vabye lezaku a vaye ya ya gi fumela.

Deuteronome 10:22

Vararu va wena va relele vaya Gipite na va hi 70, makunu lezi Jehova Nungungulu wa wena i ku anzisile khwatsi hi tinyeleti ta tilo. Gen. 15:5; 22:17; 46:27

Mitsengo 23:10

Himani a ta nga hlaya Jakobe a teleko kota tshuri ke? Hambu ku tiva tsengo wa xipanze xa wumune xa vaIsraeli ke? A nzife hi kufa ka valulamileko, Ni kugumesa ka mina a ku kote ka vona! Gen. 13:18; 28:14

Genesisi 12:2

Nzi ta ku maha lixaka la hombe, nzi ta ku katekisa, nzi kulisa a vito ga wena; u ta kuva xikatekiso.

Luka 21:24

Va ta dawa hi wutlha ga supado, va yisiwa na va hi vakhonwi ka matiko wontihe; ni Jerusalema gi ta kanzihelwa hi vamatiko, ku kala ku mbhela a xikhati xa vamatiko. Dan. 9:27; 12:7; Rom. 11:25

Isaya 10:22

Hakuva hambu loku a vanhu va wena, Israeli, Va ku khwatsi i seke ga bimbi, Misalela yabye ntsena yi ta nga wuya. A kulobyiswa ku tiyisilwe, ku tele hi kululama.

Isaya 6:12

kala Jehova a susile vanhu a va yisa kule, ni tiko gontlhe giva xiwula.

2 Tihosi 23:27

Hakuva Jehova i waku: Yenawu Juda nzi ta mu susa mahlweni ka mina, khwatsi hi lezi nzi susileko Israeli, nzi hoxa a muti lowu nzi wu hlawuleko, a muti wa Jerusalema, ni yindlu leyi nzi nga wa te ngalo: A vito ga mina gi ta tshama ka yona.

2 Tihosi 17:23

kala Jehova a susa va ka Israeli mahlweni kakwe, khwatsi hi lezi a wulawulileko hi milomu ya malanza yakwe wontihe, va nga vona vaprofeti; i lo susa va ka Israeli lomu tikweni gabye a va yisa le Asiria, lomo va akileko kona kala nyamutlha. Deut. 28:36

2 Tihosi 17:6

Hi lembe ga wu 9 ga kufuma ka Hoxea, a hosi ya le Asiria yi lo teka a Samaria, yi yisa va ka Israeli tikweni ga le Asiria, yi ya va akisa le Hala ni le Habora, le Congweni wa Gozani, ni le mitini ya vaMedi.

1 Tihosi 8:46

Loku va ku onhele, hakuva a ku na munhu loyi a nga onhiko, lezaku u va zangarela, u va nyikela ka valala vabye, zonake va khonwa va yiswa kule kutani kusuhani, tikweni ga valala; Rom. 3:23; 1 Joh. 1:8

Deuteronome 28:64

Na Jehova i ta ku hangalasa xikari ka matiko wontihe, kusukela magumeso ya misava kala magumesweni manwani ya misava, hi leyo u ta ngaya khozela vanwani vanungungulu lava wena ni vararu va wena mu nga va tiviko, va nga vanungungulu va tisinya ni maribye.

Deuteronome 28:25

Jehova i ta maha lezaku wena u hluliwa hi valala va wena; wena u ta huma ku yalwa ni valala va wena hi ndlela yinwe, kanilezi u ta ya panzanyeka mahlweni kabye hi 7 wa tindlela, zonake u tava xihlekiso ka wontihe matiko ya misava. Jer. 15:4; 24:9

Genesisi 13:16

Nzi ta maha a pswalo wa wena kota a tshuri wa misava; loku munhu a zi kota ku hlaya a tshuri wa misava, a nga hlaya ni pswalo wa wena.

Joba 12:23

Hi yena a enzelekisako mifumo ni ku yi lovisa, Hi yena a yi anzisako, a tlhela a yi fuvisa.

Isaya 40:5

Ni kungangamela ka Jehova ku ta wonekeliswa, Yontlhe nyama yi ta ku wona khatiginwe. Hakuva a nomu wa Jehova wu wulile lezo.