Isaya 25:10 - Tshwa Bible

¹⁰ Hakuva a canja ga Jehova gi ta tlhatekiwa hehla ka xitsunga lexi, Kanilezi Moabi i ta kanzihelelwa laha a nga kona, Khwatsi hi byanyi gi kanzihelwako nzhopeni ya wulongo.

Isaya 25:10 Referans Kwoze

Zefania 2:9

Hikwalaho nza hlambanya hi kuhanya ka mina, ku wula Jehova wa tiyimpi, a Nungungulu wa Israeli, Hizinene Moabi i ta fanana ni Sodoma, ni vana va ka Amoni va ta fanana ni Gomora, ku maha a tiko ga mizwa ni marinzi ya munyu, giva xiwula kala kupinzuka. A misalela ya vanhu va mina yi ta va phanga, a misalela ya tiko ga mina yi taga tshomba yabye. Gen. 19:24; Jer. 48:1

Jeremia 48:2

A wudumo ga Moabi a ga ha hi kona; Le Hexboni va mu bohele xikungo, vaku: Tanani, hi ta mu lovisa kasi a ngavi tiko. Na wena Madmeni u ta dawa, A supado yi ta ku lanzela.

Isaya 25:6

A ka xitsunga lexi Jehova wa tiyimpi i ta mahela matiko wontihe a mubuzo, Mubuzo wa zilo zi nonileko, ni vinya gi hlutilweko, Zakuga za mafura ni mongo, ni vinya go bava gi minyilweko.

Mika 4:13

Suka u hula, wena nhanyana wa Zioni, hakuva nzi ta ku mahela timhonzo ta xiketse ni makhanzo ya suku. U ta fayetela a matiko yo tala, u ta basisela Jehova a pfuno wabye, ni nhunzu yabye u basisela a Hosi ya misava yontlhe. Deut. 33:17

Ezekieli 48:35

Ku renzelekela kontlhe ku tava 18,000 wa mikono. A kusukela siku lego a vito ga muti gi tava: Jehova i kona laha. Tis. 68:16; Isa. 60:14

Mikosi 1:15

A Hosi a yi khatalelangi a tinhenha ta mina tontlhe, I rambile a yimpi a ku ta hlasela a majaha ya mina. A Hosi yi kanzihelele a nhanyana wa ka Juda khwatsi hi loku yi vuva vinya.

Isaya 26:6

Wu ta kanzihelwa hi mikonzo, Hi mikonzo ni vavumali.

Isaya 18:4

Hakuva Jehova i nzi byelile, aku: Nzi ta rula, nzi cuwuka na nzi hi lomu ndlwini ya mina, Khwatsi hi mumu wo hisa loku gambo gi cile, Kukotisa a hunguva ya mbhera xikhatini xa ximumu loku ku tshoveliwa.

Isaya 14:19

Kanilezi wena u hoxilwe kule ni xilahla xa wena khwatsi i ravi gi nga vuniko nchumu, A nguwo ya wena hi lava va delweko, va tlhabyilweko hi supado, Lava va hoxilweko maribyeni ya rinzi, khwatsi hi xirumbi xi kanzihelweko lahasi.

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

Isaya 11:14

Kanilezi va ta purumela makatleni ya maFilistia le Muhlwa-gambo, Va ta hlasela zinwe a vana va Mutsuwuka-gambo; Va ta khoma Edome na Moabi, Ni vana va Amoni va ta va ingisa.

Isaya 11:10

Masikwini lawo ku tava kona a ximilwa mutswini wa ka Jese, lexi a matiko ma ta nga yimiselwa khwatsi i nghapa; a vamatiko va ta mu lava, ni wuhumulelo gakwe gi ta ngangamela. Rom. 15:12; Kuv. 5:5

Isaya 10:31

Madmena wa hangalaka; ni vaaki va le Gebima va hlengeleta zibya zabye.

Isaya 10:6

Nza mu ruma a ku yalwa ni tiko gi bihileko, Nzi mu leletele a ku ya vukela a vanhu lava nzi va zangareleko, A ku va phanga ni ku wutla zilo zabye, Ni ku va kanzihelele khwatsi hi nzhope ya lomu maphangweni.

Isaya 5:25

Hikwalaho a zanga ya Jehova yi vindlukele vanhu vakwe, I nawulutile a canja gakwe a va vukela, a vaba, A zitsunga zi lo tsekatseka, ni zirumbi zabye ziku khwatsi wulongo lomu maphangweni. Hambulezo, a zanga yakwe a yi rengangi, Ni canja gakwe ga ha nawulukile.

Tisimu 83:10

Lava va nga lobyiswa le Endor, Va mahile koho wa misava.

Mitsengo 24:17

Mina nza mu wona, kanilezi a hi zalezi. Mina nza mu languta, kanilezi na a nga hi kusuhani. Ku ta huma nyeleti hi ka Jakobe, A nhonga ya wuhosi yi huma ka Israeli, Yi lamata a mareve ya Moabi, Yi mbhetisa vontlhe a vanana va vilinganya. 2 Sam. 8:2; Jer. 48:45

Isaya 16:14

Kanilezi makunu Jehova i wulile aku: Ku ta hunza malembe manharu ma fananako ni malembe ya xitiri, zonake a wukulu ga Moabi ni xidlemo xakwe xa hombe zi ta tsongahatiwa; ni misalela ya kona yi tava yitsongwani, yi nga ha khatalwi.

Jeremia 48:1

Xungetano na Moabi, Jehova wa tiyimpi, a Nungungulu wa Israeli, i ngalo: Khombo ka Nebo, hakuva i hahlulwe; Kiriataime i wile tingana, i hlulilwe; Misgaba i wile tingana, i khungumulwe.

Ezekieli 25:8

Hosi Jehova i ngalo: Kota lezi Moabi na Seire va nge ngalo: Langutani, makunu a yindlu ya ka Juda yi fanana ni matiko wontihe; Isa. 15:1; Am. 2:1

Isaya 16:6

Hi zwile hi matshanza ya Moabi, lezaku i na ni matshanza nguvu; A kutikulisa kakwe, ni xikaha xakwe, ni zanga: A kutikukumuxa kakwe ka mahala.