Isaya 24:9 - Tshwa Bible

⁹ Va nga ta tlhava zizimba kunweni ka vinya, A byala gi ta bava ka laʼva gi nwako.

Isaya 24:9 Referans Kwoze

Isaya 5:22

Khombo ka vona lava va nga tinhenha kunwani ka vinya, Ni lava va nga ni wurena a ku xanganyeleni ka byala.

Mutshawuteli 9:7

Famba, u yaga kuga ka wena hi kutsaka, unwa vinya ga wena hi mbilu yi tsakileko; hakuva Nungungulu i sina a amukele a mitiro ya wena. Lu. 12:19; 1 Kor. 15:32

Amosi 8:10

Nzi ta hunzula a mibuzo ya nwina yi maha xirilo, ni tisimu ta nwina ti maha mikosi; a ziwunu zontlhe nzi ta zi ambexa tinguwo ta tisakwa, a tihloko tontlhe ti ta halulwa. A xirilo xa kona xi ta fanana ni xo khwatsi ko riliwa a nʼwana loyi a belekelweko yece, a kugumelwa ka xona ku ta fanana ni siku ga hlomulo. Jer. 6:26; 48:37; Zak. 12:10

Amosi 8:3

A tisimu ta tempeli ti ta hunzuka ti maha mikosi sikwini lego, ku wula Hosi Jehova. Ku tava ni zirumbi zinyingi; zi ta hoxetelwa matshamu wontlhe na ku miyelwe.

Isaya 5:20

Khombo ka lava va wulako zo biha lezaku zi sasekile, a zo saseka vaku zi bihile; Lava va mahako munyama a kuva kuwonekela, ni kuwonekela va ku maha munyama; A zo bava va zi maha zo tsombela, ni zo tsombela va zi maha zo bava.

Tisimu 69:12

Lava va tshamako hubyeni va wulawula ha mina, Nzi lisimu la lava va popilweko.

Zakaria 9:15

Jehova wa tiyimpi i ta va vikela, va ta khadamule valala vabye, va kanzihelela a maribye yo nziwitela; va tanwa a nkhata wabye, va maha guwa khwatsi hi loku va pswonga a vinya; va ta tala ha wona kukotisa mingelo ya muphahlo, va ku khwatsi magwitsi ya alati. Ekso. 24:6

Ezekieli 26:13

Nzi ta miyeta a guwa ga kuyimbelela ka wena, Ni pfumawulo wa zitende za wena wu nga ta hazwiwa kambe. Jox. 24:8; Jer. 7:34; Am. 5:23