Isaya 23:9 - Tshwa Bible

⁹ Hi Jehova wa tiyimpi a nga wula lezo, Lezaku a koramisa a matshanza wontihe ya wukosi; Ni ku tsongahata vontlhe va dzunzekileko va misava.

Isaya 23:9 Referans Kwoze

Jakobe 4:6

Kanilezi yena wa hi engetela tipswalo, hikwalaho a mutsalo wu ngalo: Nungungulu wa ala a vamatshanza, kanilezi a nyika tipswalo ka lava va ti koramisako. Mav. 3:34; 1 Ped. 5:5

Isaya 13:11

Nzi ta tsayisa misava hi kota ya kubiha ka yona, Ni vakubiha hi kota ya kugoha kabye, Nzi fuvisa a matshanza ya laʼva ti kulisako, Nzi tsongahata laʼva ti kukumukisako.

Isaya 2:11

A mahlo ya matshanza ya munhu ma ta tsongahatwa, ni ku ti kukumukisa ka vanhu ku ta koramiswa; hi Jehova yece a ta nga kuliswa a ka siku lego.

Danieli 4:37

Makunu mina Nebukadnezzare nza dumisa ni ku dzunza a Hosi ya tilo, hakuva a mitiro yakwe yontlhe nja zinene, ni tindlela takwe ta nongameto. I na ni ntamu a ku tsongahata lava va fambako hi matshanza. 1 Ped. 5:5

Va le Efesusi 3:11

kotisa a khungo legi ga pinzukelwa legi a nga gi maha ha Kristu Jesu a Hosi ya hina,

Va le Efesusi 1:11

Ka Kristu hi nyikilwe a tshomba ya hina, hina lava hi yimiselweko yona hi kale, kota a kuxuva ka yena loyi a tirako zilo zontlhe hi khungo ga kuranza kakwe; Isa. 46:10; Rom. 8:17

Mitiro 4:28

kasi va maha lexi u nga xi yimisile hi kale hi canja ga wena ni khungo ga wena, a kuva xi maheka. Xip. 2:23

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Jeremia 51:62

Uku; Jehova u wulawulile lezaku u ta lovisa a wutshamu legi, lezaku ku nga tshami ni xilo xinwe ka gona, hambu vanhu kutani zifuyo, giva xiwula kala kupinzuka.

Isaya 14:27

Hakuva Jehova wa tiyimpi i zi xuvile, himani a ta nga zi thinda? Ni canja gakwe gi nawulutilwe, himani a ta nga gi tlhelisa? 2 Kro. 20:6; Dan. 4:32

Isaya 14:24

Jehova wa tiyimpi i hlambanyile, aku: Hizinene, zi ta maheka khwatsi hilezi nzi zi alakanyileko, Khwatsi hilezi nzi zi xuvileko, zi tava lezo.

Isaya 10:33

Languta, a Hosi, Jehova wa tiyimpi, I ta dungurula a maravi hi kutsisa, A tisinya to leha ti kingiwa, Ni leti to tlakuka ti wisiwa hasi.

Isaya 9:15

A hloko hi masingalakati ni vadzunzekileko, Kanilezi a vaprofeti va profetako mawunwa i nkila.

Isaya 5:13

Hikwalaho a vanhu va mina va ta yiswa kukhonweni hikuva va nga hi na kutiva; A vahombe vabye va hlokiswa hi ndlala, Ni zidlemo za vanhu zi womile hi tora.

Isaya 2:17

A kutikulisa ka vanhu ku ta tsongahatwa, ni kutikukumuxa ka vavanuna ku ta reletwa; hi Jehova yece a ta nga kulisiwa a ka siku lego.

Tisimu 107:40

Kanilezi loyi a chelako kusoleka ka tihosana, A ti pepetsekisa xiwuleni lomu ku nga hiko na ndlela, Isa. 40:23; Dan. 4:33

Joba 12:21

Loyi a tsongahatisako a tihosana, A mbheta ntamu wa vahombe va tiko.

Isaya 14:26

Lexi hi xikungo xi bohilweko ka misava yontlhe; Hi gona a canja gi nawulutilweko ka wontihe matiko.

Isaya 23:10

Khubhunyeta a tiko ga wena, nhwana Tarxixi, khwatsi hi congo wa Nilo, A ka ha hi na ntamu wu ku bohileko.

Isaya 32:13

Lomu tikweni ga vanhu va mina ku ta mila mizwa ni zigetlwani, Ina, ni le hehla ka tiyindlu ta kutsaka mutini wa tsakiselelo.

Jeremia 13:9

Jehova i ngalo: Nzi ta maha matshanza ya Juda ma bola kota lezi, ni matshanza ya hombe ya Jerusalema.

Obadia 1:2

Nzi ta ku maha tsongwani ka wontlhe matiko, u kanyiswa nguvu.

Eksodusi 8:4

A makhele ma ta kanziha hehla ka wena, ni hehla ka tiko ga wena, ni hehla ka malanza ya wena wontihe.

Isaya 2:12

Hakuva gi tava kona a siku ga Jehova wa tiyimpi, ga ku tsongahata ha gona laʼva matshanza ni laʼva ti kukumukisako, ni wihi loyi a tlakusilweko i ta reletwa. Isa. 40:4