Isaya 14:27 - Tshwa Bible

²⁷ Hakuva Jehova wa tiyimpi i zi xuvile, himani a ta nga zi thinda? Ni canja gakwe gi nawulutilwe, himani a ta nga gi tlhelisa? 2 Kro. 20:6; Dan. 4:32

Isaya 14:27 Referans Kwoze

Isaya 43:13

A kusukela lezi ni kuya mahlweni nzi yaloye, A nga kona a nga tlhatlhisako canjeni ga mina. Loku nzi ranza ku maha nchumu himani a ta nga nzi kaneta?

Joba 23:13

Kanilezi i na ni kualakanya kunwe ntsena, himani a nga mu hunzulusako? Ni lezi a zi ranzako wa zi maha. Dan. 4:32

2 Kronekele 20:6

aku: Jehova Nungungulu wa vadadani va hina, a hi wena Nungungulu wa le tilweni ni mufumeli wa matiko wontihe ke? Canjeni ga wena ku na ni ntamu ni wunhenha; a nga kona munhu a zi kotako kulwa na wena.

Mavingu 21:30

A gi kona wutlhari, kutani kupima, e hambu wusungukati legi gi hlulako Jehova.

Joba 9:12

Languta, loku a teka muphango himani a nga mu tsimbetelako? Himani a nga wulako kakwe, aku: Xini u mahako ke?

Va le Roma 8:28

Hina ha zi tiva lezaku zontlhe zi tlhangana zi tira zinwe a kusaseka a ka vona lava va ranzako Nungungulu, lava va vitanilweko hi khungo gakwe. Gen. 50:20; Mav. 12:21; 2 Tim. 1:9

Mavingu 19:21

Ku na ni makungo manyingi mbilwini ya munhu; anilezi a wusungukati ga Jehova hi gona gi tiyileko.

Tisimu 33:11

A xikungo xa Jehova xi ta tsonzoma kala kupinzuka; A maalakanyo ya mbilu yakwe ma su tsoma zizukulwaneni zontlhe.

Va le Roma 8:31

Makunu hi taku yini hi lezi zilo ke? Loku Nungungulu a hi zinwe na hina; himani loyi a nga hi vukelako ke?

Jeremia 4:28

Hi kota ya lezo a misava yi tava ni nkosi, Ni matilo ya le hehla ma ta boha xilenda; Hakuva mina nzi zi wulile, nzi sina nzi xuvile lezo; Nzi nga ta hunzuluka, hambu ku tlhelela nzhako.

Isaya 46:11

Nzi vitana a gama hi le Mutsuwuka-gambo, Ni munhu loyi a ta nga maha kuranza ka mina hi le tikweni ga le kule. Ina, nzi zi wulile, nzi ta zi maha zi tatiseka; Lezi nzi zi alakanyileko nzi ta zi maha.

Isaya 23:9

Hi Jehova wa tiyimpi a nga wula lezo, Lezaku a koramisa a matshanza wontihe ya wukosi; Ni ku tsongahata vontlhe va dzunzekileko va misava.

Joba 40:8

U ta vinyetela a kululama ka mina ke? U ta nzi kona kasi ku ti basisa ke?

Isaya 9:12

A maSiria hi Mutsuwuka-gambo, ni Mafilistia hi le Mupela-gambo; Va ta khadamula Israeli hi nomu wu ahlamileko. Hambulezo, a zanga yakwe a yi rengangi, Ni canja gakwe ga ha nawulukile.

Jeremia 51:59

A mhaka leyi muprofeti Jeremia a nga yi leletela ka Seraia a nʼwana Neria wa Maaseya, a xikhati lexi a nga famba na Zedekia a hosi ya ka Juda le Babuloni, hi lembe ga wumune ga kufuma kakwe. Seraia i wa hi nduna ya varinzeli va wugovelo.

Jeremia 44:28

Lava va ta nga pona supado, va nga hi va moyana, va ta huma lomu Gipite va tlhelela tikweni ga ka Juda. Hi kona a misalela yontlhe ya ka Juda, lava va tileko va ta luvela lomu tikweni ga Gipite va ta nga zi tiva aku a mhaka yo tiya hi ya mani, a yabye kutani ya mina.

Jeremia 49:20

Hikwalaho zwanani a makungo ya Jehova, lawa a bohileko ha Edome, ni mixuvo yakwe leyi a xuvileko hi vaaki va le Temani. Futsi va ta rorovisela lava va tsongwani va tlhambi; ni wugelo gabye gi ta onhiwa zinwe navo.

Ezekieli 26:14

Nzi ta ku maha a ribye ga likwembu, U ta maha wutshamu go anekela kona a tikoka; U nga ta ha akiwa kambe, Hakuva mina Jehova nzi zi wulile, ku wula Hosi Jehova.

Joba 11:10

Loku yena a hunza a ya boha munhu, Kasi ku mu ranisa kulamuleni, Himani a nga mu tsanzekisako?

Joba 42:2

Mina nza zi tiva lezaku wena wa zi kota ku maha zilo zontlhe, Ni lezaku a kuxuva ka wena a ku na ku tsanzekiswa.

Isaya 8:10

Bohani xikungo, kanilezi xi nga ta maheka. Wulawulani mhaka, kanilezi yi nga ta tiya; hakuva Nungungulu i na hina. Joba 5:12; Rom. 8:31