Isaya 13:17 - Tshwa Bible

¹⁷ Languta, nzi ta va vuxela a maMedi, Lava va nga khataleliko siliva, Hambu ku chela kota hi nzalama.

Isaya 13:17 Referans Kwoze

Jeremia 51:11

Lotani a tigalala, mu khoma a zitlhangu. Jehova i vindlusile a moya wa tihosi ta vaMedi, hakuva a mixuvo yakwe njo vukela Babuloni a kuva a lobyiswa. Hakuva hi kona a kuphota ka Jehova, a photelako a tempeli yakwe.

Isaya 41:25

Nzi vuxile munwe hi le Nwalungu, i sina a tile, Ku tile hi le Mutsuwuka-gambo munwe loyi a vitanako vito ga mina; Loyi a ta nga kanzihela vafumeli kota nzhope, Khwatsi hi muwumbi a kanzihelako a wumba.

Isaya 21:2

Nzi wonisilwe a muwoniso wo tshisa nguvu; A mukanganyisi wa kanganyisa, ni muphangi wa phanga. Kanziha, O Elami; vimbezela, O Media; Nzi miyetile a miketo yontlhe.

Jeremia 50:9

Hakuva nzi ta vuxela Babuloni a tsombano wa matiko ya hombe ya tlhelo ga Nwalungu. Va ta hloma va mu vukela, va mu hlula. A tigalala tabye ti ta fanana ni ta nhenha ji tlharihileko, leyi yi nga tlheliko mahala.

2 Tihosi 17:6

Hi lembe ga wu 9 ga kufuma ka Hoxea, a hosi ya le Asiria yi lo teka a Samaria, yi yisa va ka Israeli tikweni ga le Asiria, yi ya va akisa le Hala ni le Habora, le Congweni wa Gozani, ni le mitini ya vaMedi.

Jeremia 25:25

ni tontlhe tihosi ta Zimri, ni tontlhe tihosi ta Elami, ni tontlhe tihosi ta Media;

Jeremia 50:3

Hakuva hi le Nwalungu wata a mufumo lowu wu ta nga hahlula a tiko gakwe, laha kakuva ku ngavi na munhu wo tshama ka gona; a vanhu ni zifuyo zi sukile, zi tsutsumile.

Jeremia 50:30

Hikwalaho a majaha yakwe ma tawa maruweni yakwe, ni vanhu vakwe vontlhe va yimpi va ta mbhetwa hi siku lego, ku wula Jehova.

Jeremia 50:42

Va ta welela mawura ni matlhari; va na ni lunya, a va na tipswalo. A guwa gabye gi khwatsi ga bimbi, va khilele mahaxi, na va hlomile a kulwa na wena nhwana wa Babuloni.

Danieli 5:26

A tlhamuselo wa wona hi lowu: Mene, Nungungulu i hlayile a masiku ya mufumo wa wena, a wu mbhetisa.