Isaya 11:14 - Tshwa Bible

¹⁴ Kanilezi va ta purumela makatleni ya maFilistia le Muhlwa-gambo, Va ta hlasela zinwe a vana va Mutsuwuka-gambo; Va ta khoma Edome na Moabi, Ni vana va Amoni va ta va ingisa.

Isaya 11:14 Referans Kwoze

Joeli 3:19

A Gipite gi tava marumbi, na Edome i tava xiwula, hikuva va vukeleko a vana va ka Juda hi tihanyi, va halata a nkhata wu nga hiko na nanzu a tikweni gabye.

Danieli 11:41

I ta enghena kambe tikweni go saseka, ni matiko manyingi ma ta hlaselwa; kanilezi Edome na Moabi ni vahombe va vana va ka Amoni va ta pona canjeni gakwe.

Jeremia 49:28

Xungetano na Kedare ni matiko ya le Hazora, lawa Nebukadrezzare a hosi ya Babuloni a ma hlaseleko, Jehova i ngalo: Sukani mu kanziha muya Kedare, mu onha a vana va Muhuma-gambo.

Isaya 25:10

Hakuva a canja ga Jehova gi ta tlhatekiwa hehla ka xitsunga lexi, Kanilezi Moabi i ta kanzihelelwa laha a nga kona, Khwatsi hi byanyi gi kanzihelwako nzhopeni ya wulongo.

Amosi 9:12

kasi va fela ku fumela a misalela ya Edome, ni matiko wontlhe lawa ma vitanwako hi vito ga mina, ku wula Jehova yaloye a ta nga maha lezo.

Mateu 8:11

Nziku ka nwina: A vanyingi va tata hi Mutsuwuka-gambo ni Muhlwa-gambo, va ta tshama na Abrahama, na Isaka, na Jakobe, mufunweni wa tilo; Gen. 12:3; Isa. 2:2, 3; Efe. 3:6

Zefania 2:5

Va tava ni khombo lava a akileko fungwini wa bimbi, a tiko ga vaKereti! A mhaka ya Jehova ya ku vukela, wena Kanani, tiko ga maFilistia; nzi ta ku lovisa kasi ku nga havi kona ni muaki munwe ka wena.

Isaya 60:14

A vana va vaxanisi vawena va tata ka wena va ku koramela, Ni vontlhe lava va nga ku nyenya va ta ku khizamela mikonzweni ya wena, Va ta ku vitana lezaku u Muti wa Jehova, A Zioni wa Loyi a Basileko wa ka Israeli.

Isaya 59:19

Lezo va ta chava vito ga Jehova le Muhlwa-gambo, Ni wukulu gakwe le Mutsuwuka-gambo. Laha a nala a tako kukotisa a congo wu khulungako, A moya wa Jehova wu ta mu hlongolisa.

Isaya 33:1

Khombo ka wena loyi u onhako na cima wena u nga onhiwangi; Wena muphangi, loyi u nga phangiwangiko; Loku u mbhetile ku onha, u ta onhiwawu, Ni loku u mbhetile ku phanga, u ta phangiwawu!

Isaya 16:14

Kanilezi makunu Jehova i wulile aku: Ku ta hunza malembe manharu ma fananako ni malembe ya xitiri, zonake a wukulu ga Moabi ni xidlemo xakwe xa hombe zi ta tsongahatiwa; ni misalela ya kona yi tava yitsongwani, yi nga ha khatalwi.

Mitsengo 24:17

Mina nza mu wona, kanilezi a hi zalezi. Mina nza mu languta, kanilezi na a nga hi kusuhani. Ku ta huma nyeleti hi ka Jakobe, A nhonga ya wuhosi yi huma ka Israeli, Yi lamata a mareve ya Moabi, Yi mbhetisa vontlhe a vanana va vilinganya. 2 Sam. 8:2; Jer. 48:45

Isaya 9:12

A maSiria hi Mutsuwuka-gambo, ni Mafilistia hi le Mupela-gambo; Va ta khadamula Israeli hi nomu wu ahlamileko. Hambulezo, a zanga yakwe a yi rengangi, Ni canja gakwe ga ha nawulukile.

Isaya 14:29

Wena tiko gontlhe ga Filistia u nga tsaki, Hikuva yi tshovekile a nhonga leyi yi nga kuba; Hakuva a mutswini wa nyoka ku ta huma xihihigani, Ni pswalo wa xona wu tava a nyoka yo tshisa yi hahako. 2 Tih. 18:8; Jer. 47:1

Isaya 15:1

Hi wusiku legi Are wa le Moabi a nga hahlulwa ha gona, ku su cuwe! Hi wusiku Kira wa le Moabi a nga hahlulwa ha gona, ku la su cuwe!

Isaya 63:1

Himani loyi a tako hi le Edome, Na huma hi le Bozra, a ambeleko tinguwo to pswhuka to khazamula, A fambako hi wukulu ga ntamu wakwe? Hi mina loyi nzi wulawulako hi kululama, nzi nga ni ntamu wa ku hanyisa.

Jeremia 40:11

Hizalezo ni vaJuda vontlhe lava va nga le tikweni ga Moabi, ni xikari ka vana va Amoni, ni le Edome, ni lava va nga hi matikweni wontihe, laha va ngazwa lezaku a hosi ya le Babuloni yi siyile a misalela le Juda, ni lezaku yi yimisile Gedalia a nʼwana Ahikamu wa Xafani akuva mufumeli wabye,

Jeremia 48:40

Hakuva Jehova i ngalo: Munwe i ta puruma ku fana ni gama, a gwimbela Moabi a tipapa takwe.

Jeremia 49:22

Langutani, wata hi ku puruma kukotisa a gama, a tshambuluta a tipapa takwe a vukela Bozra. A siku lego a timbilu ta tinhenha ta le Edome ti ta fanana ni mbilu ya wasati loyi a lunwako.

Ezekieli 25:14

Nzi ta ti photela ka Edome hi canja ga vanhu va mina va ka Israeli; va ta maha tikweni ga Edome kukotisa a zanga ya mina ni khulo ga mina. Va ta tiva a kuphota ka mina, ku wula Hosi Jehova.

Habakuka 1:8

A mahaxi yabye ma tsutsuma ku hunza tiyingwe, ma tshisa ku hunza mahlolwa ni wusiku; a vakhileli va wona va famba hi ku ti kulisa. Ina, a vakhileli vabye va mahaxi vata hi le kule, va puruma khwatsi i gama legi gi hatliselako a pfimba wa gona. Jer. 4:13; Zef. 3:3; Mat. 24:28

Zefania 2:9

Hikwalaho nza hlambanya hi kuhanya ka mina, ku wula Jehova wa tiyimpi, a Nungungulu wa Israeli, Hizinene Moabi i ta fanana ni Sodoma, ni vana va ka Amoni va ta fanana ni Gomora, ku maha a tiko ga mizwa ni marinzi ya munyu, giva xiwula kala kupinzuka. A misalela ya vanhu va mina yi ta va phanga, a misalela ya tiko ga mina yi taga tshomba yabye. Gen. 19:24; Jer. 48:1

Valamuli 6:3

Ku waku loku va byalile, a vaMidiani ni vaAmaleki ni va le Mutsuwuka-gambo, va kanziha va ta va hlasela.

Jeremia 49:2

Hikwalaho masiku mata, ku wula Jehova, lawa nzi ta ngaba ha wona a nyiwo yo vukela Rabba wa vana va ka Amoni. I ta maha a nhulu ya marumbi, ni miti yakwe yi ta hiswa hi nzilo. Zonake Israeli i taga a tshomba ya lava va ngaga tshomba yakwe, ku wula Jehova.

Zefania 2:7

Gi tava tiko ga misalela ya ka Juda, va ta risela lomo a mitlhambi yabye. Laha gambyeni va ta etlela tindlwini ta ka Axkeloni, hakuva Jehova a Nungungulu Wabye i ta va alakanya, a tlhelisela a vakhonwi yabye.