Isaya 10:26 - Tshwa Bible

²⁶ Jehova wa tiyimpi i ta tlakusa a limhika lakwe hehla kabye, khwatsi hi lezi a nga maha le Midiani, le ribyeni ga Orebi; kota lezi a nga tlakusa a nhonga yakwe hehla ka bimbi, i ta yi tlakusa kambe kota lezi a nga zi maha le Gipite. Ekso. 7:19; Vala. 7:25

Isaya 10:26 Referans Kwoze

Isaya 9:4

Hakuva u tshovile a muyoka wa nzhwalo wakwe Ni limhika li ngaba hlana wakwe, A nhonga ya mutsimbeketi wakwe u yi tshovile kukotisa sikwini ga Midiani,

Valamuli 7:25

Va lo khoma tihosi timbiri ta vaMidiani, Oreba na Zeebe; va lo daya Oreba le ribyeni ga Oreba, Zeebe va lo mu daya le xigowolweni xa Zeebe, va hlongolisa vaMidiani. Va lo neha hloko ya Oreba ni ya Zeebe ka Gideoni le tlhatukweni wa Jordani. Isa. 9:4; 10:26

2 Tihosi 19:35

Zonake ka gwalego wusiku a ngelosi ya Jehova yi lo huma yi ya hlasela 185,000 wa vavanuna lomu wugovelweni ga maAsiria. A xikhati lexi a vanhu va nga vuka ni mixo, va lo kuma lezaku vontlhe va wa file.

Eksodusi 14:16

Kambe tlakusa a nhonga ya wena, u nawuluta a canja ga wena hehla ka bimbi, u gi avanyisa; a vanana va ka Israeli va ta famba xikari ka bimbi misaveni yi womileko.

Kuvululelwa 19:15

Ku huma nonwini wakwe a supado yo kariha, leyi a ta ngaba matiko ha yona. I ta ma fumela hi nhonga ya xiketse; i ta kamela xigowolweni xa vinya ga zanga yi tshisako ya Nungungulu Nyamintamu. Tis. 2:9; Isa. 11:4; 3:3; Xip. 1:16; 2:27

Kuvululelwa 11:18

A matiko ma lo zangara, kanilezi a zanga ya wena yi chikele, na xona xikhati xa ku lamula vafileko, ni xa ku chachazela a malanza ya wena a vaprofeti, ni vobasa, ni vona lava va chavako a vito ga wena, a vatsongwani ni vahombe, u tlhela u lovisa lava va onhako misava. Dan. 7:10; Xip. 13:10; 19:5

Isaya 11:16

Ku tava kona a gonzo lomo ga misalela ya vanhu vakwe, Lava va ta nga sala le Assiria; Khwatsi hi legi gi nga wa hi kona A sikwini legi Israeli a nga huma hi le Gipite.

Isaya 10:24

Hikwalaho, a Hosi, Jehova wa tiyimpi, e ngalo: Nwina vanhu va mina mu akileko le Zioni, mu nga chavi Assiria; hambu loku a kuba hi nhonga, ni ku tlakusa a xigomba xakwe ka wena, kota lezi ku nga mahiwa le Gipite.

Tisimu 83:11

Maha tihosana tabye tiku khwatsi hi Orebi na Zeebi, Ni tihosana tabye tontlhe tiku khwatsi hi Zeba na Zalmunna. Vala. 7:25; 8:12, 21

Tisimu 35:23

Vuka, u nzi yimela, u nzi lulamisela; Yimela a mhaka ya mina, wena Nungungulu wa mina ni Hosi ya mina.

Isaya 30:31

Hakuva Assiria i ta rurumela hi kota ya gezu ga Jehova, Loku a biwa hi nhonga yakwe.

Isaya 9:3

U anzisile a tiko, u kulisile kutsaka kabye; Va tsakile mahlweni ka wena ku khwatsi hi lava va tshovelako, Va hlalela kukotisa vanhu va avelanako muphango.

Isaya 30:30

Zonake Jehova i ta zwakalisa a gezu gakwe ga wudumo, A kombisa lezaku gi bisa kuyini a woko gakwe zangeni yakwe, Hi nzilo wu lovisako, ni bhubhutsa, ni xipupuri ni vula ya maralala. Ekso. 9:23; Jox. 10:11

Isaya 30:32

A ka zontlhe zikhati lezi a nhonga ya Jehova yi ta nga vaba, A tingomana ni zitende zi ta vuma, Na Jehova i talwa navo hi woko gi tlakusilweko.