Isaya 1:2 - Tshwa Bible

² Zwana, o matilo; kangatela ndleve, o misava! hakuva Jehova wa wulawula, aku: Nzi wundlile vana, nzi va kulisile, kanilezi vona va nzi hluwukile. Ekso. 19:4; Deut. 31:28; Hos. 11:1

Isaya 1:2 Referans Kwoze

Deuteronome 32:1

Nwina matilo! zwanani, nzi ta wulawula; Ni misava a yi ingise timhaka ta nomu wa mina!

Deuteronome 30:19

Inyamutlha mina nza vitana a tilo ni misava a kuva vakustumunyu va mina, lezaku mina nzi vekile mahlweni ka nwina a wutomi ni kufa, a zikatekiso ni makhombo. Hikwalaho hlawula wutomi kasi wa fela ku hanya, wena ni pswalo wa wena;

Mika 1:2

Nwina matiko wontlhe, ingisani! Zwana wena misava, ni zontlhe lezi zi nga ka wena! Hosi Jehova i na ni wukustumunyu go mu vukela, yona a Hosi leʼyi nga tempeleni ya yona yo basa. Deut. 32:1; Isa. 1:2

Deuteronome 4:26

mina nza vitana nyamutlha a tilo ni misava a kuva vakustumunyu vo mu kecara, lezaku nwina mu ta yafa hi kuhatlisa a tikweni lego mu yako ku ya gi fumela, le tlhatukweni wa Jordani, cima nwina mu nga ta simama ni masiku ya nwina mu hanya, hakuva mu ta ya lobyiswa hakunene.

Tisimu 50:4

I vitana matilweni le hehla, Ni misava, kasi a fela ku lamula tiko gakwe. Deut. 31:28

Malaki 1:6

A mufana i fanele ku dzunza a raru wakwe, ni xitiri xi ta dzunza a nwinyi wa xona. Makunu loku mina nzi hi raru, gi kwihi a wudzunzo ga mina? Ni loku nzi hi nwinyi, ku kwihi a kuchabyiwa ka mina? ku wula Jehova wa tiyimpi ka nwina vapristi, mu kanyisako a vito ga mina. Mu ngalo: Hi kanyisile a vito ga wena hi yini? Ekso. 20:12

Mika 3:8

Kanilezi mina nzi tele hi ntamu hi wona Moya wa Jehova, nzi tele hi nongameto ni wunhenha a kuva nzi tlhatlhambutela ka Jakobe a zihambunyeto zakwe ni ka Israeli a kuonha kakwe.

Amosi 3:1

Zwanani a mhaka leyi Jehova a yi wulawulileko ka nwina vanana va ka Israeli, ni ka ngango wontlhe lowu nzi wu humesileko tikweni ga Gipite, i ngalo:

Ezekieli 36:4

hikwalaho nwina zitsunga za ka Israeli, zwanani a mhaka ya Hosi Jehova! I wula lezo Hosi Jehova ka zitsunga ni miganga, ka micongo ni minzhelelo, ka marumbi ma mahileko ziwula, ni ka miti yi tsikilweko, leyi yi mahileko muphango ni xihlekiso ka mifumo leyi yi ranzelekeleko.

Jeremia 22:29

O tiko, tiko, tiko! ingisa a mhaka ya Jehova!

Jeremia 6:19

Ingisa, o misava: Nzi ta neha a khombo hehla ka tiko legi, wu nga mbhanzu wa maalakanyo yabye; hakuva a va ingisangi a timhaka ta mina, va kanyisile a nayo wa mina.

Isaya 65:2

Nzi nawulutile a mandla ya mina siku gontlhe a ka tiko gi hluwukileko, Legi gi fambako hi ndlela leyi yi nga hiko yi nene, Va lanzela maalakanyo yabye wutsumbu.

Isaya 30:9

Lezaku legi i tiko gi hluwukileko, a vanana va mawunwa, a vanana lava va alako ku ingisa milayo ya Jehova. 2 Tih. 17:14; Neh. 9:16

Isaya 30:1

Khombo ka vanana va hluwukileko, ku wula Jehova; Lava va lavako wusungukati, va nga gi lavi ka mina, Lava va bohako xivumelwano, a handle ka moya wa mina, Va fela ku ti engetela xionho hehla ka xionho.

Jeremia 31:9

Va ta wuya na va kari va rila, Nzi va heleketa na va kari va khongela; Nzi ta va rangela micongweni ya mati, Hi ndlela yi basileko leyo va to kala a ku khunguvanyeka ha yona; Hakuva nzi dadani ka Israeli, Na Efraime hi matewula ya mina. Ekso. 4:22; Isa. 63:16

Jeremia 13:15

Zwanani, mu riya tindleve; Mu ngave na matshanza, hakuva Jehova i wulile.

Deuteronome 1:31

Ni lomu xiwuleni mu wonile lezaku Jehova, Nungungulu wa wena, i lo ku beleka kota loku munhu a beleka nwanana wakwe, ka yontlhe ndlela leyi mu fambileko ka yona kala mu ta chikela laha. Deut. 32:10

Mitiro 4:20

hakuva a hi zi koti ku miyela ni lezi hi zi wonileko, ni lezi hi zi zwileko. Xip. 1:8; 2:32; 22:15; 1 Joh. 1:1

Tisimu 49:1

Zwanani timhaka leti, nwina matiko, Dembani ndleve, nwina nwentlhe vaaki va misava.

Isaya 31:6

Hunzulukani ka yena loyi mu mu hluwukileko, Nwina vana va ka Israeli!

Isaya 34:1

Tshinelani nwina matiko, mu ingisela; Ingisani nwina vanhu! A misava ngha yi ingisa, ni zontlhe zi nga ka yona, A misava ni zontlhe zi humako ka yona!

Isaya 63:16

Kasi u dadani wa hina, Hakuva Abrahama a nga hi tivi, Na Israeli a nga ha hi alakanyi. Wena Jehova, u dadani wa hina, A vito ga wena Mutiruli wa hina wa pinzukelwa.

Jeremia 3:22

Wuyani, nwina vanana va hluwukileko, Mina nzi ta chuma a kuhambuka ka nwina. Hi hina valava, hi tile ka wena; Hakuva wena u Jehova a Nungungulu wa hina.

Ezekieli 24:3

Wulawula hi mufananiso ka yindlu ya vahluwuki, uku: Hosi Jehova i ngalo: Xungeta a mbita, yi kungete u chela mati.

2 Tihosi 21:22

I lo fularela Jehova Nungungulu wa vararu vakwe, a nga fambi hi tindlela ta Jehova.

Mika 1:1

A mhaka ya Jehova leyi yi tileko ka Mika wa le Moraxte, masikwini ya Jotamu, na Ahazi, na Hezekia, a tihosi ta ka Juda, leyi a nga nyikwa xungetano na Samaria na Jerusalema.