Hosea 6:1 - Tshwa Bible

¹ Tanani hi tlhelela ka Jehova; hi yena a hi hanzuleko, i ta hi chuma; hi yena a hi lamatileko, i ta bohelela a timbanga ta hina. Deut. 32:39; 1 Sam. 2:6

Hosea 6:1 Referans Kwoze

Deuteronome 32:39

Cuwukani makunu lezaku hi mi na nzoce nzi nga Nungungulu, Lezaku a ku kona munwani nungungulu ahandle ka mina. Hi mina nzi dayako, hi mina nzi hanyisako; Nza balesa phanja, nzi tlhela nzi holisa; A ku na munhu loyi a tlhatlhisako canjeni ga mina. 1 Sam. 2:6; Isa. 45:5; Hos. 6:1

Joba 5:18

Hakuva wa bayisisa, a tlhela a bohelela timbanga; Wa khuvaza, a mandla yakwe ma tlhela ma holisa.

1 Samueli 2:6

Jehova wa daya, wa hanyisa, Wa releta vanhu le Xeole, wa va humesa.

Hosea 14:4

Nzi ta chuma a kutlhelela kabye nzhako, nzi va ranza hi mbilu yontlhe ya mina, hakuva a zanga ya mina yi sukile kabye.

Isaya 55:7

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

Jeremia 30:17

Hakuva nzi ta ku chuma, Nzi holisa a timbanga ta wena, ku wula Jehova; Hakuva u wuliwa Muhleleleki, Zioni loyi va nga mu khataleliko.

Isaya 2:3

A matiko yo tala ma taya, ma yaku: Ngonani, a hi kanziheni hiya xitsungeni xa ka Jehova, a ndlwini ya Nungungulu wa Jakobe, i ta hi gonzisa a tindlela takwe; zonake hi ta famba mipfutleni yakwe. Hakuva a nayo wu ta huma hi le Zioni, ni mhaka ya Jehova yi ta huma hi le Jerusalema.

Joba 34:29

Loku a va nyika kurula, himani a ta nga sola ke? Ni loku a fihla nghohe yakwe, himani a nga mu wonako? I fumela matiko ni vanhu hi ndlela yinwe,

Hosea 14:1

Israeli, tlhelela ka Jehova a Nungungulu wa wena, hakuva u wile hi kota ya kugoha ka wena. Joeli 2:12; Zak. 1:3; Mal. 3:7

Jeremia 50:4

A masikwini ya xikhati lexo, ku wula Jehova, a vana va ka Israeli ni va ka Juda ya tata zinwe; na va rila va ta famba va hlota Jehova Nungungulu wabye.

Jeremia 3:22

Wuyani, nwina vanana va hluwukileko, Mina nzi ta chuma a kuhambuka ka nwina. Hi hina valava, hi tile ka wena; Hakuva wena u Jehova a Nungungulu wa hina.

Isaya 30:26

A nweti wu ta fanana ni kuwonekela ka gambo, ni kuwonekela ka gambo ku ta engetelwa hi ka ntlhanu ni kumbiri, kukotisa kuwonekela ka ntlhanu wa masiku ni mambiri, hi siku legi Jehova a ta nga bohelela a timbanga ta tiko gakwe, a holisa a timbirimbi ta kubiwa kabye.

Jeremia 33:5

Va enghena ka tona kasi kulwa ni maKaldea, kanilezi ti ta tala ni zirumbi za vanhu lava nzi va dayako a zangeni ya mina, ni xiviti xa mina, lava nzi fihleleko muti lowu a nghohe ya mina hi kota ya kubiha kabye.

Tisimu 30:7

Jehova, hi wuxinji ga wena u tiyisile a xitsunga xa mina; Kanilezi u lo fihla a nghohe ya wena, zonake nzi lo chava.

Jeremia 30:12

Hakuva Jehova i ngalo: A mbanga ya wena a yi chumeki, Ni khoro ga wena a gi holi.

Isaya 30:22

Zonake mu ta nyenyezisa a siliva leyi yi nameketilweko zifananisweni za nwina, ni nzalama leyi yi nameketilweko zifananisweni mu ta yi hoxa kota zilo za chaka, muku: Suka!

Zefania 2:1

Tsombanani, mu ti alakanyela, nwina tiko gi nga hiko na tingana,

1 Samueli 7:3

Zonake Samueli i lo wulawula ka yontlhe yindlu ya ka Israeli, aku: Loku nwina mu xuva ku tlhelela ka Jehova hi timbilu ta nwina tontlhe, susani xikari ka nwina a vanungungulu va matiko ni maAxtarte, mu tiyisa timbilu ta nwina ka Jehova, mu khozela yena yece; hi kona a ta nga mu tlhatlhisa mandleni ya vaFilistia. Deut. 6:4; Mat. 4:10; Lu. 4:8

Joba 16:9

I nzi hanzulele zangeni yakwe: A getsela meno yakwe hehla ka mina, Ni nala wa mina wa nzi tlhava hi mahlo.

Tisimu 6:2

Nzi zwele wuxinji, O Jehova, hakuva nzi na ni gome; Jehova, nzi chume, hakuva a marambu ya mina ma rurumela.

Tisimu 71:20

Wena u hi wonisile a zikarato zinyingi zo bayisa, U ta tlhela u hi hanyisa, U hi humesa kueteni ka misava. Deut. 32:39; 1 Sam. 2:8

Mutshawuteli 3:3

ku nani xikhati xa ku daya, ni xikhati xa ku chuma; a xikhati xa ku khungumula, ni xikhati xa ku aka;

Isaya 17:7

A ka siku lego a vanhu va ta cuwuka ka Mumahi wabye, Ni mahlo yabye ma ta khatalela loyi wa ku Basa wa ka Israeli.

Jeremia 33:6

Languta, nzi ta wu bohelela nzi wu chuma, ni ku va holisa; nzi ta va kombisa a wunyingi ga kurula ni zinene.

Jeremia 50:5

Va ta wutisa ha Zioni, a tinghohe tabye na ti cuwuka kona, vaku: Tanani mu ta boha zinwe na Jehova a xivumelwano xa pinzukelwa lexi xi to kala xi nga rivaliwi.

Mikosi 3:11

I nzi hambukisile ndleleni ya mina, a nzi hanzulela; A nzi tsika na nzi hi nzoce.

Hosea 11:10

Va ta lanzela Jehova loyi a ta nga dzumadzuma khwatsi i nghala. Hakuva i ta dzuma, a vanana va tata kakwe hi kururumela, na va huma hi Mupela-gambo.

Hosea 12:6

Hikwalaho tlhelela ka Nungungulu wa wena, uva ni wuxinji ni kululama, u langutela Nungungulu wontihe masiku.

Levi 14:48

Loku a yindlu yi tshulilwe, ni loku mupristi a hlolile a wona lezaku a sakaveti a gi anzangi lomu ndlwini, i ta wula lezaku a yindlu yi hlazekile, hakuva zi mbhelile lezi zo biha.

2 Kronekele 30:6

Zinghaho a mitsukano yi lo fambafamba lomu tikweni gontlhe ga va ka Israeli ni ga va ka Juda ni mapapilo ya hosi ni ya tinduna takwe, va hlawutela kota kuleletela ka hosi, vaku: Va ka Israeli, tlhelelani ka Jehova Nungungulu wa Abrahama na Isaka na Israeli, kasi yenawu a fela ku tlhelela ka misalela leyi yi ponileko xikari ka nwina mandleni ya tihosi ta vaAssiria. Mal. 3:7

Joba 22:23

Loku u tlhelela ka Nyamintamu, u ta tlhela u vuxiwa; Loku u hlongola kugoha kule ni tenda ga wena.

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1