Hosea 4:1 - Tshwa Bible

¹ Zwanani a mhaka ya Jehova, nwina vanana va ka Israeli, hakuva Jehova wa kecara a vaaki va tiko, hakuva lomu tikweni a ku na zinene, a ku na wuxinji, ge hambu ku tiva Nungungulu.

Hosea 4:1 Referans Kwoze

Jeremia 4:22

Ihakuva a vanhu va mina va hungukile, a va nzi tivi; Mbana va zipumbu, na va nga hi na kupima. Vona va tlharihile a ku maha kubiha, Kanilezi a va zi tivi ku maha zinene. Rom. 16:19

Mika 6:2

Nwina zitsunga, zwanani a keco ya Jehova, na nwina ziseketelo zi tiyileko za misava; hakuva Jehova i na ni mhaka ni vanhu vakwe, i ta ranisa Israeli.

1 Va le Korinte 15:34

Vukani, mu maha kululama, mu nga onhi; hakuva vanwani a va mu tivi Nungungulu, nzi wula lezi ku mu chela tingana. Efe. 5:14; 1 Tes. 4:5

Va le Roma 1:28

Kota lezi va nga ala ku mu tiva Nungungulu, Nungungulu i lo va nyikela kupimeni ku solekako, va maha zilo lezi zi nga faneliko. Efe. 5:4

Hosea 12:2

Jehova wa holova na Juda, i ta tsayisa Jakobe maringano ni tindlela takwe, a mu chachazela maringano zimaho zakwe.

Jeremia 25:31

A guwa gi ta zwala kala magumelweni ya misava; Hakuva Jehova i ni zunga ni matiko, I ta lamula nyama yontlhe; I ta nyikela a vabihileko ka supado, ku wula Jehova.

Jeremia 5:4

Zonake nzi wa alakanya ku ngalo: Hizinene, lava i vanhu va tsongwani, vona zipumbu, Hakuva a va yi tivi a ndlela ya Jehova Ni milayo ya Nungungulu wabye.

Isaya 34:1

Tshinelani nwina matiko, mu ingisela; Ingisani nwina vanhu! A misava ngha yi ingisa, ni zontlhe zi nga ka yona, A misava ni zontlhe zi humako ka yona!

Isaya 1:18

Tanani, hi wulawulisana timhaka, ku wula Jehova. Hambu loku zionho za nwina zi pswhukile, zi nga basa khwatsi i gapongo; hambu loku zi pswhukisile ku zirila, zi nga ku khwatsi i woya go basa.

Kuvululelwa 2:29

Loyi a nga ni tindleve, ngha a ingisa lezi a Moya wu byelako mabandla.

Kuvululelwa 2:11

Loyi a nga ni tindleve, ngha a ingisa lezi a Moya wu byelako mabandla. Loyi a hlulako a nga ta bayiswa hi kufa ka wumbiri. Xip. 20:14; 21:8

Johani 8:55

kasi a mu mu tivangi, kanilezi mina nza mu tiva; ni loku nzi wa ta wula nziku: A nzi mu tivi, nzi tava muhembi kota nwina. Kanilezi nza mu tiva, nzi hlayisa a mhaka yakwe. Xip. 7:28, 29

Amosi 7:16

Makunu zwanake a mhaka ya Jehova, wena u nge: U nga profeteli Israeli, hambu ku wulawulela a yindlu ya ka Isaka.

Hosea 5:1

Zwanani a mhaka leyi nwina vapristi, ingisani nwina va yindlu ya ka Israeli, mu kangatela ndleve nwina va yindlu ya hosi, hakuva a lamulelo lowu ngwa nwina; hakuva nwina mu ti mahile a ziyo le Mizpa ni likoka li anekilweko hehla ka Tabora. 1 Tih. 12:32

Jeremia 34:4

Hambu lezo, zwana a mhaka ya Jehova, wena Zedekia hosi ya ka Juda, Jehova i wula ha wena: U nga ta dawa hi supado.

Jeremia 19:3

Uku: Zwanani a mhaka ya Jehova, nwina tihosi ta Juda, na nwina vaaki va Jerusalema; Jehova wa tiyimpi, a Nungungulu wa ka Israeli i ngalo: Langutani, nzi ta neha khombo wutshanwini legi, lego kani hi mani a to gizwa a tindleve takwe ti ta tinga. 1 Sam. 3:11; 2 Tih. 21:12

Jeremia 9:20

Nwina vavasati, ma nga zwani a mhaka ya Jehova, Ngha a tindleve ta nwina ti amukela a gezu ga nomu wakwe. Gonzisani a xirilo ka vana va nwina va xisati, Munwe ni munwani a gonzisa munghana wakwe a lisimu la xirilo.

Jeremia 7:28

Zonake wena u ta wula kabye, uku: Legi i tiko gi nga ingisiko a gezu ga Jehova a Nungungulu wabye, hambu ku amukela a ziluleko. A kutsumbeka ku hava, ku susilwe a milonwini yabye.

Jeremia 6:13

Hakuva va ti nyiketele kumbilukeleni, A vatsongwani ni vahombe, A vaprofeti ni vapristi, vontlhe va kanganyisa.

Jeremia 4:28

Hi kota ya lezo a misava yi tava ni nkosi, Ni matilo ya le hehla ma ta boha xilenda; Hakuva mina nzi zi wulile, nzi sina nzi xuvile lezo; Nzi nga ta hunzuluka, hambu ku tlhelela nzhako.

Jeremia 2:4

Ingisani a mhaka ya Jehova, O yindlu ya Jakobe, Na nwina mingango yontlhe ya ka Israeli.

Isaya 66:5

Zwanani a mhaka ya Jehova nwina lava mu rurumelako hi gezu gakwe! Hakuva a vamakwenu lava va mu vengako, Lava va mu hlongolako hi kota ya vito ga mina, Ve ngalo: Jehova a kombisa a wukulu gakwe, Kasi ha fela ku wona kutsaka ka nwina! Kanilezi va tawa tingana.

Isaya 34:8

Hakuva i siku ga kuphota ka Jehova, Ni lembe ga ku tlhelisela mhakeni ya Zioni.

Isaya 28:14

Hikwalaho, zwanani a mhaka ya Jehova, Nwina vatseketseli lava mu fumelako vanhu va le Jerusalema.

Isaya 5:3

Makunu, nwina vaaki va Jerusalema, Na nwina vanhu va ka Juda, Lamulani xikari ka mina ni xivina xa mina.

Isaya 1:10

Zwanani mhaka ya ka Jehova nwina vafumeli va Sodoma; ingisani nayo wa Nungungulu wa hina, nwina vanhu va Gomora.

1 Tihosi 22:19

Kanilezi Mikaia i te ngalo: Wena ingisa a gezu ga Jehova. Mina nzi wonile Jehova na a tshamile xitshanwini xakwe xa wuhosi, zinwe ni wontihe mabandla na ma hi xineneni xakwe ni le xibhabheni xakwe.

Isaya 59:4

A ku na munhu a yimelako ku lulama, A nga kona a ti hlamulelako hi zinene. Va tsumba za hava, va wulawula mawunwa; Va xura nyimba ya kukhohlisa, va pswala kubiha.

Isaya 59:8

A va tivi nchumu hi ndlela ya kurula, A ku na kululama tindleleni tabye; Va famba hi tindlela to gombonyeka, Ni wihi a ti lanzako a nga tivi kurula.

Jeremia 9:3

Va kondla lirimi labye ku fanana ni wura kasi ku hemba mawunwa, Va na ni ntamu tikweni, kanilezi a va wu tirisi ku maha zinene, Hakuva vaya mahlweni hi kubiha ni kubiha, A va nzi tivi, ku wula Jehova.

Jeremia 51:5

Hakuva Israeli na Juda a va tsikiwangi hi Nungungulu wabye, a nga Jehova wa tiyimpi, hambu lezo a tiko gabye gi goheleko Loyi wa ku Basa wa ka Israeli.

Joeli 1:2

Zwanani lezi nwina zikhosana! Kangatelani ndleve nwina nwentlhe vaaki va tiko! Ku na nga dzuka ku humelela a zilo za lixaka lolu masikwini ya nwina, hambu kutani masikwini ya vadadani va nwina ke?

Tisimu 81:9

Ku nga tava ni munwani nungungulu ka wena, U nga khizameli a nungungulu wamatiko. Ekso. 20:2

Jeremia 2:9

Hikwalaho nza ha ta mu kecara, ku wula Jehova, Ni kala ka vazukulu va nwina nzi ta va kecara.

Jeremia 9:7

Hikwalaho, ku wula Jehova wa tiyimpi, Nzi ta va nyekisa, nzi va hlota; Hakuva nzi nga mahisa kuyini hi nhwana wa vanhu va mina ke?

Jeremia 11:7

Hakuva kusukela a siku lego nzi nga humesa ha gona a vararu va nwina tikweni ga Gipite, kala ku chikela nyamutlha, nzi va byelile na nza ha vinzuka ni mixo, nzi va laya nziku: Ingisani a gezu ga mina! 2 Tih. 17:13

Ezekieli 16:35

Hikwalaho wena xibhayi, zwana a gezu ga Jehova!

Hosea 5:4

A va zi koti ku tlhelela ka Nungungulu wabye hi kota ya zimaho zabye; hakuva a moya wa wubhayi wu lomu nzeni kabye, Jehova a va mu tivi.

Hosea 12:3

I khomile nakulobye hi xirenze na hi rumbyini ga nyine; ni laha a nga wahombe i lo pfinyana na Nungungulu. Gen. 25:26; 32:24

Amosi 3:1

Zwanani a mhaka leyi Jehova a yi wulawulileko ka nwina vanana va ka Israeli, ni ka ngango wontlhe lowu nzi wu humesileko tikweni ga Gipite, i ngalo: