Hosea 3:1 - Tshwa Bible

¹ Zonake Jehova aku ka mina: Engeta u famba u ya ranzana ni wasati a nga ni xigangu, loyi a nga xibhayi; a ku khwatsi hilezi Jehova a ranzisako zona a vanana va ka Israeli, hambu loku vona va hunzulukela vanwani vanungungulu, va ranza zikhekhetselo za tisote.

Hosea 3:1 Referans Kwoze

Jeremia 31:20

Xana Efraime hi nwananga a ranzekako ke? a xiranzwa hi mbilu ke? Hakuva hambu loku nzi mu vukela nza mu khumbula hi ku tlula mpimo; A marumbu ya mina ma divitana hi kota ya yena, Futsi, nzi ta mu hawukela, ku wula Jehova.

Isaya 45:22

Tlhelelani ka mina mu hanyiswa, Nwina nwentlhe magemeta-musi ya misava; Hakuva mina nzi Nungungulu, a ku na munwani.

Mika 7:7

Kanilezi mina nzi ta cuwuka ka Jehova, nzi langutela a Nungungulu wa kuhanyiswa ka mina; a Nungungulu wa mina i ta nzizwa.

Hosea 11:8

Nzi nga ku tsikisa kuyini, wena Efraime? Nzi nga ku nyikelisa kuyini, wena Israeli? Nzi nga ku mahisa kuyini a ku ku fananisa na Adma, ni ku maha u fanana na Zeboime? A mbilu ya mina yi hunzulukile nzeni ka mina, a kuhawukela ka mina ku vukile.

1 Pedro 4:3

Hakuva xi enele a xikhati lexi mu nga maha a kuranza ka vamatiko, laha mu nga famba wubhayini, ni le kunaveleni, ni le kupopiweni, ni le maguweni, ni le mabyaleni, ni le manyaleni ya ku khozela zifananiso. Efe. 2:2

Zakaria 1:16

Hikwalaho Jehova i ngalo: Nza tlhelela Jerusalema hi wuxinji, a yindlu ya mina yi ta akiwa lomo, ku wula Jehova wa tiyimpi, zonake a lingoti la lipimo li ta tshambulutiwa hehla ka Jerusalema.

Jeremia 3:20

Hizinene kota lezi a wasati a mahako wubhemba ngangweni wakwe, Hizalezo, yindlu ya ka Israeli, mu wa nga tsumbeki ka mina, ku wula Jehova.

Tisimu 123:2

Khwatsi hi mahlo ya malanza ma cuwukako a canja ga nwinyi wabye, Niku khwatsi hi mahlo ya nanza ga xisati ma cuwukako canja ga nwinyi wakwe, Zinghaho a mahlo ya hina ma langutela Jehova, Nungungulu wa hina, Kala a hi zwela wusiwana.

1 Va le Korinte 10:21

A mu zi koti kunwa a gombe ga Hosi ni gombe ga madimoni; a mu zi koti ku gela mezeni ya Hosi, ni mezeni ya madimoni, Deut. 32:38; 2 Kor. 6:15

Amosi 6:6

Va nwela vinya lomu mingelweni, va tola mafura ya lisima; kanilezi a va khataleli a hlokiselelo wa Josefa.

Amosi 2:8

Va etlela lomu matlhelweni ya maalati wontlhe hehla ka tinguwo leti ti tekilweko hi kota ya milanzu; lomu ndlwini ya Nungungulu wabye va nwela kona a vinya ga lava va rihisilweko. Ekso. 22:26; Deut. 24:12

Nehemia 9:31

Ahembaloko, hi kota ya wuxinji ga wena go eta, cima a ku va mbhetangi, hambu ku va fularela, hakuva wena u Nungungulu wa tipswalo ni wuxinji.

2 Tihosi 13:23

Kanilezi Jehova i lo va zwela wusiwana, a va mahela wuxinji, a va languta hi kota ya xivumelwano xakwe zinwe na Abrahama, na Isaka, na Jakobe; a nga lavangi ku va lovisa, kala lezi a nga va hoxangi kule ni nghohe yakwe. Gen. 17:7; Ekso. 2:24; Levi 26:42

2 Samueli 6:19

Zonake i lo avela zakuga ka vontlhe vanhu va ka Israeli, vavasati ni vavanuna; a nyika ka munwe ni munwani a xibaba xinwe ni xitluwu xa nyama, ni xikhekhetselo xa tisote ta mauva. Zonake vontlhe vanhu va phalaleka, loyi ni loyi a ti yela ndlwini yakwe.

Valamuli 10:16

Va lo susa xikari kabye vanungungulu va vamatiko, va khozela Jehova. Jehova a tsetselela va ka Israeli hi kota ya ku wona zikarato zabye.

Valamuli 9:27

Va lo huma vaya masinwini, va ya kolela mauva va ma kamela, va maha mibuzo, vaya lomu ndlwini ya mingungulu wabye va yaga, vanwa, va rukatela Abimeleki.

Eksodusi 32:6

Zonake va lo vuka ni mixo va maha miphahlo yo hiswa ni miphahlo ya ku khesa. Zonake va lo tshama lahasi vaga, vanwa, va suka va hlakana.

1 Va le Korinte 10:7

Mu ngavi vakhozeli va zifananiso, khwatsi hi vanwani va vona; kota lezi ku tsalilweko, ku ngalo; A vanhu va lo tshama lahasi vaga, vanwa, va suka va hlakana. Ekso. 32:6

Mateu 26:50

Jesu aku ngalo kakwe: Xaka, maha lexi u teleko xona. Zonake va lo tshinela va ta tlhateka mandla ka Jesu, va mu khoma. Tis. 41:9; 55:13

Hosea 7:5

Hi siku ga hosi ya hina a tihosana ti lo ti babyisa hi kuhisa ka vinya; yona yi lo nawuluta a canja ga yona ka vatseketseli.

Hosea 4:11

A wubhayi, ni vinya, ni byala zi daya a kupima.

1 Kronekele 16:3

Zonake i lo avela va ka Israeli vontlhe, a vavasati ni vavanuna, loyi ni loyi a mu nyika a xibaba ni xitluwu xa nyama, ni xikhekhetselo xa tisote ta mauva.

Xizimba xa ka Solomoni 2:5

Nzi tiyiseni hi zikeketselo za mauva, Mu nzi tangalisa hi mamasa, hakuva nza babya hi liranzo.

Hosea 2:5

Hakuva a nyine wabye i mahile wuoswi, loyi a va belekileko i mahile zilo za tingana. I te ngalo: Nzi ta lanzela a zigangu za mina, lava va nzi phamelako va nziha mati, va nzi nyika a woya ga tiyivu, ni wukene, a mafura ya mina ni zakunwa.