Hosea 2:9 - Tshwa Bible

⁹ Hikwalaho nzi ta mu tekela a mavele ya mina xikhatini xa yona, ni vinya ga mina nguveni ya gona, nzi mu wutlela a woya ga mina ni wukene ga mina, lezi zi nga te ngha zi fenengetile a wumbyiri gakwe.

Hosea 2:9 Referans Kwoze

Malaki 3:18

Zonake mu ta tlhela mu wona a kuhambana ku nga kona ka loyi a lulamileko ni wakubiha, xikari ka loyi a tirelako Nungungulu ni loyi a nga mu tireliko.

Malaki 1:4

Edome a ngaku ngalo: Hi hahlulilwe, kanilezi hi ta tlhela hi ya aka marumbi! Jehova wa tiyimpi i ngalo: Va ta aka, kanilezi mina nzi ta khungumula. A vanhu va ta va vitana, aku: I tiko ga kubiha: niku, Mbanhu va zangarelweko hi Jehova kala kupinzuka.

Hosea 2:3

Loku a nga mahi lezo nzi ta mu tlomulela tinguwo, a sala ximbyiri khwatsi hi siku lego a nga belekwa, nzi mu maha a fanana ni xiwula, a tiko gi omileko, nzi mu daya hi tora.

Zefania 1:13

A kufuma kabye ku ta phangiwa, a tiyindlu tabye ti hahlulwa. Ina, va ta aka tiyindlu, kanilezi va nga ta tshama ka tona; va ta byala zivina, kanilezi va nga tanwa a vinya ga kona. Deut. 28:30, 38; Am. 5:11

Joeli 2:14

Himani a tivako aku kutani a nga ta tlhela a hunzuluka, a siya xikatekiso lenzhako kakwe, kasi muva ni minyikelo ya tinzhoho ni ya kunwa ka Jehova Nungungulu wa nwina ke?

Hosea 9:2

A masimu ni zivina zi nga ta mu gisa, ni vinya gi nga tave kona.

Hosea 8:7

Hakuva vona va byala a mheho, va ta tshovela xipupuri. Ni lihlanga linwe la mavele a li kona li yimileko. A livule li nga ta horola a zipfhaki; ni loku li humesa zipfhaki, a vamatiko va ta zi mita. Hag. 1:8; Gal. 6:7

Danieli 11:13

A hosi ya le Nwalungu yi ta tlhela, yi ta tsombanyisa a xidlemo xa hombe xo hunza leʼxo ranga; anzhako ka malembe yo kari i tata ni yimpi ya hombe ni nhunzu yo tala.

Ezekieli 23:26

Va ta ku runzuwulela a tinguwo ta wena, va ku tekela a wubombi ga wena go saseka.

Ezekieli 16:39

Nzi ta ku nyikela mandleni yabye, va ta khungumula a ziyindlwana za wena ni matshamu ya wena ma tlakukileko; va ku runzuwulela a tinguwo ta wena, va ku tekela a wubombi ga wena, va ku siya u hi ximbyiri.

Ezekieli 16:27

Hikwalaho nzi nawulutile a canja ga mina hehla ka wena, nzi hungule a kuga ka wena, nzi ku nyikela kuranzeni ka valala va wena, va nga vanhwana va maFilistia, lava va nga hi ni tingana hi kota ya hanyela ga wena go nyenyeza. Vala. 13:1; 1 Sam. 4:1