Hosea 12:6 - Tshwa Bible

⁶ Hikwalaho tlhelela ka Nungungulu wa wena, uva ni wuxinji ni kululama, u langutela Nungungulu wontihe masiku.

Hosea 12:6 Referans Kwoze

Mika 6:8

Wena munhu, u tiyisilwe zinene; ni lezi Jehova a zi lavako ka wena, hi lezaku u maha leʼza kululama, u ranza wuxinji, ni ku famba hi kutikoramisa zinwe ni Nungungulu wa wena. Deut. 10:12

Mika 7:7

Kanilezi mina nzi ta cuwuka ka Jehova, nzi langutela a Nungungulu wa kuhanyiswa ka mina; a Nungungulu wa mina i ta nzizwa.

Hosea 14:1

Israeli, tlhelela ka Jehova a Nungungulu wa wena, hakuva u wile hi kota ya kugoha ka wena. Joeli 2:12; Zak. 1:3; Mal. 3:7

Zakaria 7:9

Jehova wa tiyimpi i ngalo: Lamulani hi nongameto, a munwe ni munwani a zwela wuxinji ni ku hawukela a nakulobye.

Jakobe 2:13

Hakuva loyi a nga mahangiko wuxinji a nga ta mahelwa wuxinji kulamuleni; kanilezi a wuxinji gi ta ti kulisa hehla ka kulamula. Mav. 21:13; Mat. 6:15

Jakobe 1:27

A kukholwa ku basileko, loku ku nga hiko na kusoleka mahlweni ka Nungungulu wa hina a Dadani, hi loku: A kuya kamba zisiwana ni tinoni kuxanisekeni kabye, ni ku ti hlayisa a nga hi na bala hi za tiko. Isa. 1:16; Mat. 25:36; Rom. 12:2

Mitiro 26:20

kanilezi a kuranga nzi loba hungu ka va le Damasku, ni le Jerusalema, ni le tikweni gontlhe ga Judia, ni ka vamatiko, nziku a va hunzuluke va tlhelela ka Nungungulu, va tira mitiro yi faneleko kuhunzuluka. Xip. 9:20; 11:26; Mat. 3:8

Mitiro 2:38

Pedro aku ngalo kabye: Hunzulukani, mu bapatizwa nwentlhelele vitweni ga Jesu Kristu, kutsetselelweni ka zionho za nwina; zonake mu ta amukela a xinyikiwo xa Moya wa ku Basa. Mat. 3:2, 8; Lu. 24:47; Xip. 3:19; 17:30

Zakaria 8:16

A zilo lezi mu ta nga zi maha hi lezi: Munwe ni munwani a wule zinene ka muakelwane wakwe; lamulani hi nongameto ni kurula lomu tihubyeni ta nwina; Isa. 1:17; Efe. 4:25

Zakaria 1:3

Hikwalaho va byele uku: Jehova wa tiyimpi i ngalo: Tlhelelani ka mina, ku wula Jehova wa tiyimpi, na minawu nzi ta tlhelela ka nwina, ku wula Jehova wa tiyimpi.

Zefania 3:8

Hikwalaho nzi rinzeleni, ku wula Jehova, kala a siku lego nzi ta nga vuka ha gona nzi phanga; hakuva a mixuvo ya mina hi ku tsombanyisa a matiko, ni ku tlhanganyisa a mifumo, kasi nza chulela hehla ka yona a zanga ya mina, yontlhe a zanga ya mina yi chavekako, hakuva a misava yontlhe yi ta hiswa hi nzilo wa xiluse xa mina.

Habakuka 2:3

Hakuva a muwoniso lowu wa ha rinzele a xikhati xi yimisilweko, kanilezi wu hatlisa wuya kumbheleni, na wu nga hi wa mawunwa. Hambu loku wu hlwela, wu rinzele, hakuva wu tata futsi, wu nga ta tindeka.

Amosi 5:24

Kanilezi nongameto a wu khulunge khwatsi i mati, ni kululama kukotisa congo wu nga pswhiko.

Joeli 2:13

Hanzulani a timbilu ta nwina, na ku nga hi tinguwo ta nwina, mu wuya ka Jehova a Nungungulu wa nwina. Hakuva yena i na ni tipswalo ni kuhawukela, wa nonoka ku zangara na a tele hi wuxinji, wa xaniseka loku a rumele makhombo. Ekso. 34:6; Neh. 9:17

Hosea 10:12

Ti byaleleni hi kululama, mu tshovela hi wuxinji; rimani wuhlavi ga nwina, hakuva makunu xikhati xa ku hlota Jehova, kala a ta mu nisela kululama.

Hosea 4:1

Zwanani a mhaka ya Jehova, nwina vanana va ka Israeli, hakuva Jehova wa kecara a vaaki va tiko, hakuva lomu tikweni a ku na zinene, a ku na wuxinji, ge hambu ku tiva Nungungulu.

Jeremia 22:15

Xana u ta fuma hilezi u ti tsitsiritako ntirweni wa tisedari ke? A raru wa wena i gile ni kunwa, Kanilezi i lo lamula hi nongameto ni fanelo, I lo humelela hi kota ya lezo. 2 Tih. 22:2

Isaya 58:6

A kuyila loku ku nzi tsakisako hi loku: Lezaku mu tlhatlha a mangenje ya mona, Ni ku tlhatlha a miyoka ya wukhumbi, Mu tlhatlha lava va tsimbeketilweko, Ni kuva mu tshova a miyoka yontlhelele.

Isaya 40:31

Kanilezi lava va lavelelako Jehova va ta kuma ntamu muswa, Va ta puruma ku fanana ni magama, Va ta tsutsuma va nga karali, Va ta famba va nga rereki.

Isaya 31:6

Hunzulukani ka yena loyi mu mu hluwukileko, Nwina vana va ka Israeli!

Isaya 30:18

Hikwalaho Jehova i ta rinzela, a kala a zi kota ku mu tsetselela; i ta kuliswa kasi a fela ku mu zwela wusiwana. Hakuva Jehova hi Nungungulu a lulamileko, va katekile vontlhe va mu rinzelako.

Isaya 8:17

Nzi ta rinzela Jehova, loyi a fihlelako a yindlu ya Jakobe a nghohe yakwe, nzi ta mu langutela.

Isaya 1:16

Hlambani, mu ti basisa; susani mitiro ya nwina yo biha mahlweni ka mina; tsikani ku maha kubiha.

Mavingu 21:3

A ku maha kululama ni nongameto, a amukeleka ka Jehova ku hunza muphahlo. 1 Sam. 15:22; Isa. 1:11; Hos. 6:6

Mavingu 1:23

Hunzulukani hi kukawuka ka mina, angutani, nzi ta chulula a moya wa mina hehla ka nwina, zi ta mu maha mu tiva timhaka ta mina.

Tisimu 123:2

Khwatsi hi mahlo ya malanza ma cuwukako a canja ga nwinyi wabye, Niku khwatsi hi mahlo ya nanza ga xisati ma cuwukako canja ga nwinyi wakwe, Zinghaho a mahlo ya hina ma langutela Jehova, Nungungulu wa hina, Kala a hi zwela wusiwana.

Tisimu 37:7

Rutisa mahlweni ka Jehova, u mu rinzela hi lihlaza-mbilu; U nga zangari ha yena loyi a vuvumako ndleleni yakwe, Hi kota ya munhu loyi a humelelako hi makungo yo biha.

Tisimu 27:14

Rinzela Jehova, uva ni ntamu, A mbilu ya wena a yi tiye, Ina, rinzela Jehova!

Genesisi 49:18

Jehova, nzi cuwukele ku tirulwa hi wena!

Ezekieli 18:30

Hikwalaho nzi ta mu lamula, nwina va yindlu ya ka Israeli, munwe ni munwani kukotisa tindlela takwe, ku Wula Hosi Jehova. Wuyani, mu hunzuluka zihambunyetweni za nwina zontlhe, kasi a kugoha ka nwina ku nga mu lovisi.

Joeli 2:12

Kasike, hambu nyamutlha, ku wula Jehova, wuyani ka mina hi timbilu ta nwina tontlhe, ni kuyila, ni kurila, ni ku maha hlomulo.

Eksodusi 3:15

Nungungulu a engeta aku ka Mosi: U ta va byela uku: Jehova, Nungungulu wa vararu va nwina, Nungungulu wa Abrahama, Nungungulu wa Isaka, Nungungulu wa Jakobe, i nzi rumele ka nwina. Hi vito ga mina ga kala kupinzuka; i vito ga xialakanyiso xa mina zizukulwaneni zontlhe.

Amosi 4:13

Hakuva, loyi a nga vanga zitsunga ni mheho, a tlhatlhambutela ka munhu lezi zi na nga maalakanyo yakwe, loyi a hunzulako mixo yi maha munyama, a fambako matshanwini ma tlakukileko ya misava, a vito gakwe hi Jehova, a Nungungulu wa tiyimpi.