Hosea 11:1 - Tshwa Bible

¹ Laha Israeli a nga wa hi nwanana, nzi lo mu ranza, nzi vitana a nʼwana wa mina a huma le Gipite. Ekso. 3:8; Mat. 2:15

Hosea 11:1 Referans Kwoze

Mateu 2:15

I lo tshama leyo ku kala kufeni ka Herodi; kasi ku fela ku tatiseka lezi zi nga wulawulilwe hi muprofeti, aku ngalo: Nzi vitanile a nʼwana wa mina hi le Gipite. Hos. 11:1

Eksodusi 4:22

Zonake u taku ka Faro: Jehova i ngalo: Israeli i nʼwana wa mina wa matewula. Mat. 2:15

Hosea 13:4

Kasike mina nzi Jehova a Nungungulu wa wena kusukela kuhumeni ka wena a tikweni ga Gipite; u nga ta tiva munwani nungungulu ahandle ka mina, ahandle ka mina a ku na muhanyisi.

Hosea 2:15

Nzi ta mu tlhelisela a zivina zakwe, nzi maha a nkova wa Akora wuva a nyangwa ya kutsumba. Kwalaho i ta yimbelela khwatsi hi masikwini ya wuswa gakwe, ni kukotisa a sikwini legi a nga huma tikweni ga Gipite. Ekso. 15:1; Isa. 65:10

Jeremia 2:2

Yana, kanyuluka tindleveni ta Jerusalema, uku: Jehova i ngalo: Nza alakanya a wunene ga wuswa ga wena, Ni liranzo la wena xikhatini xa kuwutiwa ka wena; Laha u nga kari u nzi lanzela le xiwuleni, A ka tiko legi gi nga kala gi nga byaliwangi.

Malaki 1:2

Nzi mu ranzile, ku wula Jehova. Kanilezi mu ngalo: U hi ranzile hi yini? Esau i wa hi nakulobye wa Jakobe ku wula Jehova: hambu zi hi tano, nzi lo ranza Jakobe,

Hosea 12:13

Hi muprofeti Jehova i humesile Israeli le Gipite, a vanhu va wa tsayisiwa hi muprofeti. Ekso. 12:37

Ezekieli 16:6

Nzi lo hunza laha u nga hi kona, nzi ku wona na u phorongelene ni nkhata wa wena, nziku ka wena: Hanya nkhateni wa wena! Ina, nzi engeta nziku: Hanya nkhateni wa wena!

Deuteronome 7:7

Jehova a nga mu ranzangi hambu ku mu hlawula hi kota ya kuva mu hunzako matiko wontihe hi kutala, hakuva nwina mu wa hi vanhu vatsongwani nguvu ka wontihe matiko;

Hosea 12:9

Kanilezi mina nzi Jehova a Nungungulu wa wena kusukela kuhumeni ka wena a tikweni ga Gipite; nzi ta ku maha u tshama kambe lomu matendeni a ku khwatsi hi masikwini ya ximuse.

Eksodusi 4:23

Nzi ngalo ka wena: Tlhatlha nʼwana wa mina, a ya nzi khozela; kanilezi loku u ala ku mu tlhatlha a famba, nzi ta daya a nʼwana wa wena wa matewula.

Tisimu 129:1

Va nzi hlokisile nguvu kusukela wusweni ga mina; Ngha Israeli a wula makunu, aku:

Jeremia 12:7

Nzi tsikile a yindlu ya mina, nzi siyile a tshomba ya mina; Nzi hendleletile a xiranzwa xa mina mandleni ya valala vakwe.

Hosea 10:15

Nwina mu ta mahelwa zalezo le Beteli hi kota ya kubiha ka nwina ka hombe. Ni mixo a hosi ya ka Israeli yi ta lobyiswa bhi.

Eksodusi 19:4

Mu zi wonile lezi nzi zi mahileko ka vaGipite ni lezi nzi mu tlakukileko zona hi tipapa ta gama nzi mu tisa ka mina.

Deuteronome 33:3

Ina, yena wa ranza a tiko gakwe, Vontlhe va kubasa va gona va le canjeni ga wena, Vona va tshama laha mikonzweni ya wena, Va amukela a timhaka ta wena.

Isaya 43:4

Hakuva wena wa ranzeka mahlweni ka mina, Ni ku dzunzeka, kambe nzi ku ranzile; Hikwalaho nzi ta ku tirula hi vanhu, Nzi nyikela matiko kasi ku ku hanyisa.

Ezekieli 16:22

A ka wontihe manyalataniso ya wena ni wuoswi ga wena a ku alakanyangi a masiku ya wuswa ga wena, laha u nga hi ximbyiri u puluwunza nkhateni wa wena.