Hosea 10:2 - Tshwa Bible

² A timbilu tabye ti khohlakele, hikwalaho va ta koneka. Nungungulu i ta khungumula a maalati yabye, a wisa zifananiso zabye.

Hosea 10:2 Referans Kwoze

Mika 5:13

Nzi ta fuvisa a zifananiso za wena zi vatlilweko, ni timhinga ti nga xikari ka wena, u nga ta ha khozela a mitiro ya mandla ya wena.

1 Tihosi 18:21

Elija i lota mahlweni ka vanhu vontlhe, a taku: Kala rini na ma ha yimile xikari ka maalakanyo mambiri ke? Loku Jehova a hi Nungungulu, mu lanzeleni; ni loku Baali a hi Nungungulu, lanzelani yena! A vanhu va lo miyela vaku hwi! Jox. 24:15; Vala. 6:31

Jakobe 4:4

Nwina zibhayi, a mu zi tivi lezaku a wuxaka ni tiko mbulala ka Nungungulu ke? Hikwalaho kani hi wihi a nga ni wuxaka ni tiko i ti maha nala wa Nungungulu. Joh. 17:14; 1 Joh. 2:15

Jakobe 1:8

munhu loyi a nga ni timbilu timbiri, wa ndlengandlengiswa tindleleni takwe tontlhe.

Zefania 1:5

ni lava va khozelako a yimpi ya tilo na va hi hehla ka tiyindlu; ni lava va khizamelako va hlambanya ha Jehova, va tlhela va hlambanya ha Malkamu.

Luka 16:13

A ku na nanza gi zi kotako ku tirela tihosi timbiri; hakuva gi ta venga yinwe, gi ranza yinwani; kutani gi ta namarela ka yinwe, gi kanyisa yinwani. Nwina a mu zi koti ku tirela Nungungulu ni Mamona. Mat. 6:24

Mateu 6:24

A ku na munhu a zi kotako ku tirela tihosi timbiri; hilezi i ta venga yinwe, a ranza yinwani, kutani i ta namarela ka yinwe, a kanyisa yinwani. A mu zi koti ku tirela Nungungulu ni Mamona. Lu. 16:13; Gal. 1:10; 1 Tim. 6:17

Zakaria 13:2

Hi siku lego, ku wula Jehova wa tiyimpi, nzi ta fuvisa a mavito ya zifananiso laha tikweni, zi nga ha alakanyiwi kambe. Nzi ta hlongola a vaprofeti ni moya wu nga hlazekangiko lomu tikweni. Ezek. 30:13; Hos. 2:17; 1 Joh. 4:1

Hosea 13:16

Samaria i ta tsayiswa hikuva a vukeleko a Nungungulu wakwe. Va ta dawa hi supado; a zihlangana zabye zi ta pswhandlaselwa, ni vavasati vabye lava va nga ni tinyimba va ta hanzulelwa.

Hosea 7:8

Efraime i ti tlhanganyisile ni vamatiko; Efraime xikhekhetselo xi nga hunzuluswangiko.

Jeremia 43:13

I ta khungumula a timhinga ta maribye le Bete-xemexe lomu tikweni ga Gipite, a hisa hi nzilo a tiyindlu ta vanungungulu va Gipite.

Isaya 44:18

A vakunghahi a va tivi nchumu, a va pimi nchumu, hakuva a mahlo yabye ma valilwe, a va zi koti ku wona, ni timbilu tabye laha kaku va nga pimi nchumu.

1 Samueli 5:4

A siku gi lanzelako, a vanhu va le Axdode va lo vuka kambe ni mixo va wona Dagoni na a wile hi nghohe yakwe mahlweni ka arke ga Jehova; a hloko ya Dagoni ni mandla yakwe zi wa tsemekile, na zi hi laha xipimbitsini xa nyangwa, na ku sele miri woce.

1 Johani 2:15

Mu nga ranzi tiko, hambu ni zilo lezi zi nga lomu tikweni. Loku munhu a ranza tiko, a liranzo la Dadani a li kona ka yena. Mat. 6:24; Rom. 12:2

Hosea 3:4

Hakuva a vanana va ka Israeli va ta tshama masiku manyingi na va nga hi na hosi, va nga hi na hosana, va nga hi na miphahlelo, va nga hi na mhinga, va nga hi na efodi kutani terafime.

Hosea 12:11

Le Gileade va gohile, va mahile zahava; le Gilgale va phahlela hi tinkuzi. A maalati yabye ma ta maha tinhulu ta maribye lomu masinwini.

Eksodusi 23:24

U nga khizameli vanungungulu vabye, u nga va khozeli, u nga mahi mikhuwo yabye; kanilezi u ta va daya vontlhe, u khungumula zifananiso zabye zontlhe.

Levi 26:30

Nzi ta hahlula matshamu ya nwina ma tlakukileko, nzi wisa a timhinga ta nwina ta gambo, nzi hoxa zirumbi za nwina hehla ka zirumbi za zifananiso za vanungungulu va nwina; ni muhefemulo wa mina wu ta swireka ha nwina.

Mavingu 11:18

A hakhelo ya wa kubiha ya khohlisa; anilezi loyi a byalako kululama i ta kuma nchachazelo wu nene. Hos. 10:12; Jak. 3:18

Ezekieli 14:5

kasi nza fela ku phasa a yindlu ya ka Israeli hi timbilu tabye, hakuva va nzi fularele hi kota ya zifananiso zabye.