Hagai 1:13 - Tshwa Bible

¹³ Zonake Hagai, a ntsumi wa Jehova, i lo wulawula ni vanhu kota lezi a leletelweko hi Jehova, aku: Nzi na nwina, ku wula Jehova.

Hagai 1:13 Referans Kwoze

Isaya 43:2

Hambu loku u tsemakanya matini, nzi tava na wena, Loku U tsemakanya micongo, cima u nga ta mhemba, Loku u famba lomu nzilweni u nga taswa, Ge hambu ku hiswa hi malangavi. Tis. 23:4; Mar. 16:18

Mateu 28:20

mu va gonzisa a ku gonga zontlhe lezi nzi mu layileko zona. Mangabye, nzi na nwina a masiku wontihe, na kona kugumelweni ka xikhati. Miti. 2:42

Va le Roma 8:31

Makunu hi taku yini hi lezi zilo ke? Loku Nungungulu a hi zinwe na hina; himani loyi a nga hi vukelako ke?

Malaki 3:1

Langutani, nza rumela a ntsumi wa mina, lowu wu ta nga nzi longisela a ndlela. Zonake a Hosi leyi mu yi hlotako yi tata hi xitshuketi tempeleni ya yona. Langutani, wata a ntsumi wa xivumelwano lowu mu wu langutelako, ku wula Jehova wa tiyimpi. Mat. 11:10; Mar. 1:2; Lu. 1:76

Hagai 2:4

Hambulezo tiyisa, Zerubabeli, ku wula Jehova; tiyisa na wena Joxua nʼwana Jehozadaki, mupristi wa hombe; tiyisani nwina nwentlhe vanhu va tiko, ku wula Jehova, mu tira, hakuva nzi na nwina, ku wula Jehova wa tiyimpi,

Isaya 41:10

U nga chavi, hakuva nzi na wena; U nga mbheli ntamu, hakuva nzi Nungungulu wa wena! Nzi ta ku tiyisa, nzi ku vunetela; Nzi ta ku seketela hi canja ga mina ga xinene ga kululama.

Tisimu 46:11

Jehova wa tiyimpi i na hina, Nungungulu wa Jakobe wuchavelo ga hina. (Sela.)

2 Timote 4:17

Kanilezi a Hosi yi lo nzi yimela, yi nzi tiyisa, kasi a mhaka ya fela ku biwa hungu hi mina matlhelweni wontihe, lezaku a vamatiko vontlhe va fela kuzwa; lezo nzi lo hlangutwa nonwini wa nghala. Mat. 10:19; 2 Ped. 2:9

Mateu 18:20

Hakuva laha ku tlhangeneko vambiri kutani vanharu vitweni ga mina, kwalaho nzi kona xikari kabye.

Mateu 1:23

Langutani, a nhwana i ta xura nyimba, i ta beleka nisanyana, Va ta mu chula vito gakwe aku hi Immanueli; lezo hi ku tlhamusela zi wula ku ngalo: Nungungulu i na hina. Isa. 7:14

Malaki 2:7

Hakuva a milomu ya mupristi yi fanele ku hlayisa a wutivi, a nayo wu ta labyiwa nonwini wakwe, hakuva hi yena ntsumi wa Jehova wa tiyimpi: Hag. 1:13; 1 Kor. 5:20

Jeremia 30:11

Hakuva nzi zinwe na wena, Kasi ku ku hanyisa, ku wula Jehova. Hakuva nzi ta mbhetisa wontihe a matiko Lawo nzi ku hangalasileko ka wona; Kanilezi wena nzi nga ta ku mbhetisa; Nzi ta ku laya hi nongameto, A nzi zi koti ku ku tsika na u nga biwangi.

Jeremia 20:11

Kanilezi Jehova i zinwe na mina Kota a nhenha yi chavisekako; A vaxanisi va mina va ta khungu vanyeka, va nga nzi hluli; Kanilezi va ta si koyo tingana, hakuva a va mahangi hi wutlhari; Ti tava tingana ti nga mbheliko, leto ti nga hiko na ku rivalwa.

Jeremia 15:20

Nzi ta ku maha uva khurisi ga suku a ka tiko legi; Va talwa na wena, kanilezi va nga ta ku hlula; Ihakuva mina nzi zinwe na wena, Kasi ku ku ponisa, ku wula Jehova.

Tisimu 46:7

Jehova wa tiyimpi i na hina, Nungungulu wa Jakobe wuchavelo ga hina. (Sela.) Rom. 8:31

2 Kronekele 32:8

Yena i na ni woko ga nyama, kanilezi hina hi na na Jehova Nungungulu wa hina, a hi vunetela ni ku hi lwela tiyimpi ta hina. A vanhu va lo tiyiswa hi magezu ya Hezekia hosi ya ka Juda.

2 Kronekele 20:17

A hi nwina mu ta ngalwa yimpini leyi: nwina humani mu ya yima ntsena. Mu ta wona a kuhanyisa ka Jehova loyi a nga zinwe na nwina. Mu nga chavi nwina va ka Juda na nwina va le Jerusalema mu mbhela ntamu, manziko fambani mu ya va vuka, Jehova i tava zinwe na nwina. Ekso. 14:13

Ezekieli 3:17

Nʼwana wa munhu, nzi ku mahile murinzeli wa yindlu ya ka Israeli. U tazwa a magezu ma humako nonwini wa mina, zonake u ta va tlharihisa vitweni ga mina.

Isaya 44:26

Kanilezi nza tiyisa a mhaka ya nanza ga mina, Nzi tatisa a makungo ya mitsukano ya mina. Hi mina nzi wulako ka Jerusalema, nziku: A vanhu va ta tshama ka wena, Nziku ka miti ya ka Juda; Mu ta aketwa; Nzi ta vuxa a marumbi ya kona.

2 Timote 4:22

A Hosi a yive ni moya wa wena. A tipswalo a tive na nwina.

2 Va le Korinte 5:20

Hikwalaho hina hi mitsumi ya Kristu, hi Nungungulu a mu khongotelako ha hina; ha mu khongotela hi kota ya Kristu, ngha mu tlhanganyiswa ni Nungungulu. Mal. 2:7; Efe. 6:20

Isaya 42:19

A xikhumu himani, loku ku nga hi nanza ga mina, Himani a mbeveve yo fana ni tsukano wa mina lowu nzi nga wu ruma? Himani xikhumu ku hunza loyi a ranzekako ka Nungungulu? Himani a nga xikhumu ku fanana ni nanza ga Jehova?

2 Kronekele 15:2

i lo ya khinga Asa a yaku kakwe: Wena Asa, na nwina nwentlhe vaJuda, ni va ka Benjamini, nzi ingiseni! Jehova i zinwe na nwina, loku nwinawu mu hi naye; loku mu mu hlota mu ta mu kuma; kanilezi loku mu mu tsika, yenawu i ta mu tsika. Deut. 4:29; Jer. 29:13

Valamuli 2:1

A ngelosi ya Jehova yi lo suka hi le Gilgale yi kanziha Bokima, yi ta ku ngalo: Nzi mu humesile le Gipite, nzi mu tisa ka tiko legi nzi hlambanyileko ku gi nyika ka vararu va nwina, nziku: Cima nzi nga ta tshova xivumelwano xa mina na nwina. Gen. 15:18; Deut. 29:14

1 Kronekele 28:20

Davida i lo engeta kambe aku ka nʼwana wakwe Solomoni: Tiya hlana, u ngavi na hlenekera; maha zalezo! U nga chavi, u nga mbheli ntamu, hakuva Jehova Nungungulu, yena Nungungulu wa mina, i tava zinwe na wena; cima a nga ta ku tsika hambu ni ku ku rivala ka yontlhe mitiro ya yindlu ya Jehova kala yi mbhela.