Hagai 1:11 - Tshwa Bible

¹¹ Nzi nehile kubalela hehla ka tiko, ni le hehla ka zitsunga, ni le hehla ka mavele, ni le hehla ka vinya, ni le hehla ka mafura, ni le hehla ka zontlhe lezi zi humako misaveni, ni le hehla ka vanhu, ni le hehla ka zihari, ni le hehla ka mitiro yontlhe ya mandla ya nwina. 1 Tih. 17:1; 2 Tih. 8:1; Has. 2:18

Hagai 1:11 Referans Kwoze

Hagai 2:17

Nzi lo muba hi xikobani, ni kukura, ni maralala, mitirweni yontlhe ya mandla ya nwina; kanilezi a mu tlhelelangi ka mina, ku wula Jehova.

Deuteronome 28:22

Jehova i ta kuba hi mababyi ya xifuva, ni kuhisa ka miri, ni kuvimba, ni mumu wa hombe, ni supado, ni xipupuri, ni kukuruka ka timbewu; lawa makhombo ma ta ku panzanya kala u lobyiswa. Am. 4:9; Hag. 2:18

2 Tihosi 8:1

Makunu Elixa i wa tivisile a wasati loyi a nga mu hanyisela a nʼwana wakwe, aku: Suka ni ngango wa wena u ya luvela lomu u ta nga ku kuma, hakuva Jehova i vitanile a ndlala lomu tikweni; yi tava kona 7 wa malembe. Rute 1:1; 2 Tih. 4:33

1 Tihosi 17:1

Elija a muTixebeti wa le Gileade, i te ngalo ka Ahabi: Nzi hlambanya ha Jehova a hanyako, a Nungungulu wa ka Israeli, loyi nzi nga xitiri xakwe! A malembe lawa cima ku nga tava kona a vula hambu nzhokati, loku ku nga hi gezu ga mina. Jak. 5:17

Amosi 9:6

hi yena loyi a akako a tiyindlu takwe le tilweni, a tshambuluta a tilo gi maha a langwa hehla ka misava; a vitanako a mati ya bimbi a ma chulula hehla ka misava. A vito gakwe hi Jehova.

Amosi 7:4

Hosi Jehova i nzi kombisile lezi: Nzi lo wona Hosi Jehova na a vitana a nzilo kasi ku ta tsayisa ha wona. Wu lo hisa a mati ya kueta, wu sangula ku hisa a tiko ga xiavelo.

Amosi 5:8

hlotani loyi a mahileko Xirimela ni Mahlahle; loyi a hunzulako munyama wu maha mixo, a hlikanhi wu hunzuka wu maha wusiku; loyi a vitanako a mati ya bimbi a ma chulula le hehla ka misava; a vito gakwe hi Jehova. Joba 9:9; 38:31; Am. 4:13

Mikosi 1:21

Va zwile lezaku nzi hefumuteka, kanilezi a nga kona ni munwe a nzi chavelelako; A valala va mina vontlhe va zwile hi khombo ga mina, va tsakela lezi u zi mahileko; Va ta fanana na mina loku ku chikele a siku legi u nga kanela ha gona.

Joba 34:29

Loku a va nyika kurula, himani a ta nga sola ke? Ni loku a fihla nghohe yakwe, himani a nga mu wonako? I fumela matiko ni vanhu hi ndlela yinwe,

Jeremia 14:2

Juda wa rila, a miti yakwe yi mbhelile ntamu, Va tshama hasi na va ambele zilenda; A huwa ya zwala hi le Jerusalema.

Malaki 3:9

Mu rukilwe hi nzhukano, hakuva mu nzi yivela, nwina nwentlhe va tiko legi.

Malaki 3:11

Nzi ta mu hawukela a humbi, kasi yi nga mu dayeli a mihanzu ya misava ya nwina; ni mivina ya nwina yi nga ta tlhatlheka hi mahlweni ka xikhati lomu masinwini, ku wula Jehova wa tiyimpi.

Hagai 2:19

Ya ha hi kona a mbewu lomu gombeni ke? ge hambu a xivina, ni mikuwu, ni sinya ya pomegranada, ni sinya ya maoliva, a zi na nga pswala nchumu. Kanilezi kusukela nyamutlha nzi ta mu katekisa.