Genesisi 6:9 - Tshwa Bible

⁹ Leti hi timhaka ta Noa. Noa i wa hi munhu a lulamileko, a nga hi na nanzu xikhatini xakwe; Noa i lo famba zinwe na Nungungulu. Maheb. 11:7; 2 Ped. 2:5

Genesisi 6:9 Referans Kwoze

Luka 1:6

Hi wumbiri gabye va wa lulamile mahlweni ka Nungungulu, va gonga yontlhe milayo ni zileletelo za Hosi, va nga hi na nanzu. Gen. 11:1

Maheberu 11:7

Hi kukholwa Noa na a byelilwe hi Nungungulu hi zilo zi nga kala zi nga se woniwa, i lo ingisa, a aka a taru kasi ku hanyisa a nghamu yakwe; hi ku maha lezo i lo kona a tiko, a maha xiga-tshomba ya kululama loku ku nga ka kukholwa. Gen. 6:13; Rom. 3:22

2 Pedro 2:5

Ni tiko ga kale a nga gi tsetselelangi, hambu lezi a nga hlayisa Noa, a mukaneli wa kululama, zinwe ni vanwani va ntlhanu ni vambiri, laha a nga neha a ntalo hehla ka tiko ga lava va nga chaviko Nungungulu. Gen. 7:1, 7; 1 Ped. 3:19

Genesisi 7:1

Zonake Jehova i te ngalo ka Noa: Enghena lomu tarwini, wena ni nghamu ya wena yontlhe; hakuva nzi ku wonile na u lulamile mahlweni ka mina ka lexi xizukulwana,

Genesisi 5:24

Enoki i lo famba zinwe na Nungungulu; na yena i lo nyamalala, hakuva i lo tekwa hi Nungungulu. Maheb. 11:5

Va le Galatia 3:11

Makunu zi la su dlunya lezaku a ku na munhu a hlayelwako kululama mahlweni ka Nungungulu hi nayo, hakuva ku tsalilwe ku ngalo: Lava va lulamileko va ta hanya hi kukholwa. Hab. 2:4; Maheb. 10:38

Genesisi 17:1

Laha Abrama a nga hi ni 99 wa malembe, Jehova i lo woneka ka Abrama, aku ngalo kakwe: Hi mina Nungungulu wa Ntamu wontihe; famba mahlweni ka mina na u longamile.

Genesisi 5:22

Anzhako kakuva a belekile Metusela. Enoki i lo famba zinwe na Nungungulu 300 wa malembe; a ka xikhati lexo i lo beleka varisanyana ni vanhanyana.

Ezekieli 14:14

hambu loku a vavanuna lava vanharu, a va Noa na Danieli na Joba, va wa tshamile xikari ka gona, va wa ta ponisa a wutsumbu gabye ntsena hi kululama kabye, ku wula Hosi Jehova.

Joba 1:1

Ku wa hi kona a munhu wo kari le tikweni ga Uzi, a vito a nga hi Joba; i wa hi munhu a nga wa mbhelele kululameni, loyi a nga chava Nungungulu, a nyenya kubiha.

Genesisi 2:4

Leti hi timhaka ta kuvangiwa ka tilo ni misava, lezi zi vangilweko a sikwini lego Jehova Nungungulu a nga maha a misava ni tilo.

1 Pedro 2:5

mu akiwa na nwina kota maribye ma hanyako, muva yindlu ya ka moya, kasi muva vapristi va kubasa, a ku nyikela a miphahlelo ya ka moya, yi amukelekako ka Nungungulu hi kota ya Jesu Kristu. Isa. 61:6; Rom. 12:1; Efe. 2:21, 22

Mutshawuteli 7:20

Hakuva a nga kona munhu a lulamileko misaveni, loyi a mahako kusaseka, a nga onhi nchumu.

Mitiro 10:22

Vaku ngalo: Korneliu, a nga nduna ya zana, a munhu a lulamileko loyi a chavako Nungungulu, loyi a khesiwako hi vaJuda vontlhe, i lo layiwa hi Nungungulu hi nomu wa ngelosi yo basa ku ku vitana ndlwini yakwe, lezaku a yazwa lezi u ta nga mu byela zona. Vesi 1, 2; Xip. 22:12

Ezekieli 14:20

nza hlambanya hi kuhanya ka mina, ku wula Hosi Jehova, lezaku hambu loku va Noa na Danieli na Joba va wa hi ka gona, ngha va nga ponisi a nisanyana hambu a nhanyana, va wa ta ponisa a wutsumbu gabye ntsena hi kululama kabye.

Joba 1:8

Jehova aku ka Satani: U na nga wona nanza ga mina Joba ke? Hakuva a nga kona wa ku fana na yena laha misaveni, loyi a mbheleleko kululameni, loyi a chavako Nungungulu, a nyenya kubiha.

Va le Roma 1:17

Hakuva a kululama ka Nungungulu ku wonekelisilwe ka yona, ku huma kukholweni ku yisa kukholweni; khwatsi hi lezi ku tsalilweko ku ngalo: Loyi a lulamileko i ta hanya, hi kukholwa. Xip. 3:21; Hab. 2:4; Joh. 3:36; Gal. 3:11

Luka 23:50

Ku wa hi kona a nghanakana gi vitwako Josefa, a munhu wo saseka, a lulamileko,

Luka 2:25

Ku wa hi kona a munhu le Jerusalema, loyi a vito gakwe a nga wa hi Simeoni; i wa lulamile hi kupinyama, na a langutela a kuchavelelwa ka Israeli, ni Moya wa ku Basa wu wa hi ka yena. Isa. 40:1; Mar. 15:43

Habakuka 2:4

Languta, a muhefemulo wakwe wu kukumukile, a wu lulamangi nzeni kakwe. Kanilezi loyi a lulamileko! ta hanya hi kukholwa kakwe. Rom. 1:17; Gal. 3:11; Maheb. 10:38

Mavingu 4:18

Kanilezi a ndlela ya valulamileko yi kotisa kuwonekela ka mixo, oku ku enzelekako kala a hlikanhi wu mbhelela.

Tisimu 37:37

Cuwukisisa a munhu a mbheleleko, u languta loyi a lulamileko, Hakuva a munhu wa kurula i na ni vazukulu.

2 Kronekele 15:17

Kanilezi a matshamu ma tlakukileko a ma susiwangi lomu tikweni ga ka Israeli, hambu lezi a mbilu ya Asa yi wa longamile ka wontihe masiku yakwe.

Genesisi 48:15

Zonake i lo katekisa Josefa, aku: Nungungulu loyi vadadani, Abrahama, na Isaka, va nga wa famba mahlweni kakwe, Nungungulu loyi a nga nzi wundla kusukela kubelekweni ka mina kala lezi, Maheb. 11:21

Joba 12:4

Mina loyi nzi nga vitana Nungungulu a nzi hlamula, Nzi mahile xihlekiso ka vaakelane va mina; A munhu wa zinene ni wa kululama, wa tseketselwa!

1 Tihosi 3:6

Solomoni i lo hlamula, aku: U kombisile tipswalo ta hombe ka nanza ga wena Davida, a dadani wa mina, hi lezi a fambileko hi zinene mahlweni ka wena, ni kululama, ni nongameto ya mbilu; u mu hlayisele a tipswalo leti ta hombe, zonake u mu nyikile u nwanana loyi a tshamileko xitshanwini xa yena xa wuhosi kota lezi zi nga zona nyamutlha.

2 Kronekele 25:2

I lo maha kululama mahlweni ka Jehova, kanilezi na ku nga hi hi mbilu yakwe yontlhe.

Genesisi 10:1

Lezi hi zizukulwana za vana va Noa, Xemi, na Hamu, na Jafete; va lo beleka a vanana hi nzhako ka ntalo.

Genesisi 5:1

Legi hi bhuku ga zizukulwana za Adamu. A siku legi Nungungulu a nga vanga vanhu ha gona, i lo va vanga hi kufanana na Nungungulu. Lu. 3:36

Genesisi 6:10

Noa i lo beleka varisanyana vanharu, Xemi, na Hamu, na Jafete.

Deuteronome 18:13

Wena u ta mbhelela mahlweni ka Jehova Nungungulu wa wena.

2 Samueli 22:24

Nzi wa nga hi na xisolo mahlweni ka yena, Nzi ti hlayisile kasi nzi nga kumi nanzu.

Tisimu 37:39

A kuhanyiswa ka valulamileko kuta hi ka Jehova, Hi yena khokhola gabye xikhatini xa zikarato.