Genesisi 6:3 - Tshwa Bible

³ Jehova aku ngalo: A Moya wa mina wu nga ta simamisa ku tshama ni vanhu xontlhe xikhati, hakuva a munhu i nyama futsi; ni masiku yakwe ma tava 120 wa malembe.

Genesisi 6:3 Referans Kwoze

Nehemia 9:30

Kanilezi ku lo hunza malembe yo hlaya na u timisela ha vona, u va khongotela hi moya wa wena hi milomu ya vaprofeti va wena; kanilezi va nga pangi tindleve tabye; hikwalaho u va nyikela mandleni ya vanhu va matiko.

Jeremia 11:11

Hikwalaho Jehova i ngalo: Nzi ta neha khombo hehla kabye, va nga ta huluka ka gona; va ta rila ka mina, kanilezi nzi nga ta va ingisa. Mav. 1:28; Isa. 1:15

Isaya 63:10

Kanilezi vona va lo hluwuka, va bayisa Moya wakwe wa ku Basa, Hikwalaho i lo maha nala wabye, alwa navo.

Tisimu 78:39

Hakuva i lo alakanya lezaku va hi nyama ntsena; Va hi moya lowu wu hunzako wu nga ha wuyi kambe.

Mitiro 7:51

Nwina va tinhamu ta kunonoha, mu nga hiko mikwera hi timbilu ni tindleve, xontlhe xikhati mu ala a Moya wa ku Basa, mu kotisa a vakoko va nwina. Ekso. 33:3; Levi 26:41

Mitsengo 11:17

Mina nzi ta relela, nzi ta wulawula na wena kwalaho; nzi ta pambu a a moya lowu wu nga ka wena, nzi wu chela hehla kabye, vona va ta rwala zinwe na wena a nzhwalo wa vanhu, kasi u nga rwali wece.

1 Va le Tesalonika 5:19

Mu nga timi a Moya. Efe. 4:30; 1 Tim. 4:14

Johani 3:6

Lezi zi belekilweko hi nyama zi hi nyama; ni lezi zi belekilweko hi Moya zi hi moya.

Isaya 5:4

Xini xinwani xi nga fanele kuva xi mahilwe xivineni xa mina Lexi nzi nga xi mahangiko ke? Laha nzi nga rinzela a kuva xi pswala mauva yo nanziha, Hikuyini xi psweleko mauva yo bava ke?

Jeremia 11:7

Hakuva kusukela a siku lego nzi nga humesa ha gona a vararu va nwina tikweni ga Gipite, kala ku chikela nyamutlha, nzi va byelile na nza ha vinzuka ni mixo, nzi va laya nziku: Ingisani a gezu ga mina! 2 Tih. 17:13

Genesisi 6:2

a varisanyana va Nungungulu va lo wona a vanhwana va vanhu lezaku va sasekile; va lo va teka a kuva vasati vabye ka vontlhe lava va nga va hlawula.

Isaya 57:16

Hakuva nzi nga ta ranisa kala kupinzuka, Ge hambu ku zangara xontlhe xikhati; Yi nga dzuka yi mbhelelwa hi ntamu a mimoya leyi nzi yi vangileko.

Tisimu 90:10

A masiku ya kuhanya ka hina ma ringana 70 wa malembe, Ni lava va nga ni ntamu va nga chikela ka 80 wa malembe, Kanilezi a ntamu wa wona ngwa kubayiseka ni kukarateka, Hakuva ma hunza hi xihatla, hina hi nwalala.