Genesisi 49:1 - Tshwa Bible

¹ Zonake Jakobe i lo vitana a vana vakwe, aku: Tlhanganani nzi ta mu tivisa lezi zi ta nga mu humela zikhatini za ha tako.

Genesisi 49:1 Referans Kwoze

Mitsengo 24:14

Makunu mina nza famba ka hina. Kanilezi ngone nzi ta ku kombisa lezi zi ta nga mahiwa hi lava vanhu lomu tikweni ga wena ka masiku ma ha tako.

Danieli 10:14

Makunu nzi tile ku ta ku byela lezi zi ta nga maheka ka tiko ga wena masikwini yo gumesa, hakuva muwoniso wa masiku ya le kule.

Jeremia 23:20

A zanga ya Jehova yi nga ta bohla na a nga se ku tatisa a mixuvo ya mbilu yakwe; a masikwini ma ha tako mu ta zi pimisisa khwatsi.

Deuteronome 4:30

Laha u ta ngava zikaratweni, ni loku lezi zilo zontlhe zi chikela ka wena, hi zikhati za ha tako u ta tlhelela ka Jehova Nungungulu wa wena, zonake u ta ingisa a gezu gakwe.

Kuvululelwa 4:1

Zonake nzi lo wona a nyangwa yi vululekileko le tilweni, a gezu go sangula legi nzi nga gizwa gi lo wulawula na mina, na gi zwala kota mpunzu, giku: Kanziha uta laha, nzi ta ku wonisa lezi zi ta nga maheka anzhako ka lezi. Xip. 11:12; 22:6

Isaya 2:2

A masikwini yo gumesa a xitsunga xa yindlu ya ka Jehova xi ta yimiswa le xixungweni xa zitsunga, yi tlakusiwa hehla ka zitsunga zinwani; wontihe matiko ma taya kona. Jer. 3:17; Mika 4:1

Tisimu 105:15

Aku: Mu nga khumbeni vatotilweko va mina, Mu nga lamati vaprofeti va mina.

Tisimu 25:14

Jehova i na ni wuhlengeli ni lava va mu chavako, I ta va tivisa a xivumelwano xakwe.

Deuteronome 31:12

U tsombanyisa vanhu, a vavanuna, ni vavasati, ni vanana, ni valuveli va wena lava va nga mutini wa wena, kasi va fela kuzwa va gonza ku chava Jehova Nungungulu wa nwina, va chivirika ku hlayisa timhaka tontlhe ta lowu nayo;

Maheberu 1:2

kanilezi a ka masiku laya ya kugumesa i wulawulile ka hina hi Nʼwana wakwe, loyi a nga mu yimisa a kuva xiga-tshomba ya zilo zontlhe, loyi a nga maha ha yena misava. Joh. 1:17; Mat. 21:38; 28:18; Rom. 8:17; Efe. 1:10

2 Timote 3:1

Kanilezi tiva lezaku, a masikwini yo gumesa ku ta chikela a zikhati za zikarato. Juda 18

1 Timote 4:1

Kanilezi a Moya wa wula wu tiyisa lezaku a vanwani va ta tsika kukholwa a zikhatini za ha tako, va ingisa a mimoya leyi yi kanganyisako ni gonzo ya madimoni, Dan. 11:35; Joh. 16:13; 1 Ped. 1:20; 2 Ped. 2:1; Kuv. 9:20

Mitiro 2:17

Ku ta maheka masikwini ya kugumesa, ku wula Nungungulu, Nzi ta chulula a Moya wa mina hehla ka nyama yontlhe; A varisanyana va nwina ni vanhanyana va nwina va ta profeta, A majaha ya nwina ma ta wona ziwoniso, Ni zikhosana za nwina zi ta lora miloro. Isa. 44:3; Ezek. 11:19; 36:27; Joeli 2:28; Zak. 12:10; Xip. 10:45; 21:9

Luka 2:26

I wa wonisilwe hi Moya wa ku Basa, lezaku a nga tafa na a nga se nga wona Kristu wa Hosi. Tis. 89:48; Maheb. 11:5

Mika 4:1

Masikwini yo gumesa a xitsunga xa yindlu ya ka Jehova xi ta yimisiwa hehla ka zitsunga, xi ta tlakuswa hehla ka miganga, a matiko ma ta tsombana ka xona.

Amosi 3:7

Futsi Hosi Jehova a nga zi koti ku maha nchumu na a nga se ku tivisa a malanza yakwe, va nga vaprofeti.

Danieli 10:1

Hi lembe ga wunharu ga kufuma ka Kurusi a hosi ya le Persia, a mhaka yi lo kombisiwa ka Danieli loyi a vito gakwe a nga hi Beltexazzare; a mhaka leyi yi tiyile, yi komba a khombo ga hombe. I lo xiyisisa a mhaka leyo, a pima khwatsi a muwoniso wa kona.

Danieli 2:47

A hosi yiku ka Danieli: Hakunene, a Nungungulu wa nwina i Nungungulu wa vanungungulu ni Hosi ya tihosi; mutsetsuli wa mifihlakalo, kota lezi u zi kotileko ku tlhamusela a fihlakalo lowu.

Isaya 53:1

Himani a kholilweko lezi hi nga byeliwa zona ke? A woko ga Jehova gi wonekelisilwe ka mani ke? Joh. 12:38; Rom. 10:16

Isaya 39:6

Languta, a masiku mata, lawa zontlhe lezi zi nga ndlwini ya wena, ni zontlhe lezi a vadadani va wena va zi hlengeletelako kala siku legi, zi ta nga rwaliwa ziya Babuloni; ku nga ta sala nchumu, ku wula Jehova.

Isaya 22:14

Jehova wa tiyimpi i nzi hlevele, aku: Hakunene, mu nga ta tsetselelwa loku kugoha kala mufa, ku wula Hosi Jehova wa tiyimpi.

Maheberu 13:1

Ngha li simamisa a liranzo la nwina la wumakabye.

Isaya 48:14

Tsombanani nwina nwentlhe, mu ingisela: Himani xikari ka vona a vumbileko lezi, Lezaku loyi a ranziwako hi Jehova i ta maha kuranza kakwe hehla ka Babuloni, Ni woko gakwe gi talwa ni maKaldea?